ଚତୁର୍ଭୁଜ ଉଚ୍ଚ ଵିଦ୍ୟାଳୟରେ ମକ ଡ୍ରିଲ ପ୍ରଦର୍ଶିତ

୨୬ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ ) ବୋଲଗଡ଼ :-> ବୋଲଗଡ଼ଶିକ୍ଷା ବ୍ଲକ ଅଧିନସ୍ଥ ସଂପୂରସ୍ଥିତ ଚତୁର୍ଭୁଜ ସରକାରୀ ଉଚ୍ଚ ବିଦ୍ୟାଳୟରେ ବୁଧବାର ଦିନ ମକଡ୍ରିଲ ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକ ପ୍ରମୋଦ କୁମାର ସ୍ବାଇଁଙ୍କ ଆବେଦନ କ୍ରମେ ବୋଲଗଡ଼ ଅଗ୍ନିଶମ ସେବା କେନ୍ଦ୍ରର ଅଧିକାରୀ ନିରଞ୍ଜନ ବେହେରା,ଆଗ୍ନିକ ଭାଗିରଥି ବଳିୟାରସିଂହ, ବାଲ୍ମୀକ ପ୍ରଧାନ ଏବଂ ଚନ୍ଦନ କୁମାର ମହାନ୍ତି ଉକ୍ତ କାର୍ଯ୍ୟକ୍ରମରେ ଯୋଗ ଦେଇଥିଲେ ।

ବୋଲଗଡ ଅଗ୍ନି ନିର୍ବାପକ ବିଭାଗର ଅଧିକାରୀ ଶ୍ରୀ ବେହେରା ବିଦ୍ୟାଳୟର ୧୪୭ ଜଣ ବିଦ୍ୟାର୍ଥୀଙ୍କୁ ଉଦାହରଣ ସହ ଅଗ୍ନିର ପ୍ରକାରଭେଦ,ଅଗ୍ନି ନିର୍ବାପନର ବିଭିନ୍ନ ପଦ୍ଧତି, ଜଳରେ ବୁଡ଼ି ଯାଉଥିବା ପୁରୁଷ ଓ ମହିଳାଙ୍କୁ ଉଦ୍ଧାର କରିବା ଉପାୟ, ଗ୍ୟାସ ଲିକେଜ ସମୟରେ ନେବାକୁ ଥିବାପଦକ୍ଷେପ ଏବଂ ପ୍ରାଥମିକ ଉପଚାର ସମ୍ପର୍କରେ ବିଷଦ ଭାବେ ଆଲଚନା କରିଥିଲେ l

ଦ୍ଵିତୀୟ ପର୍ଯ୍ୟାୟରେ ଶ୍ରୀ ବେହେରାଙ୍କ ସମେତ ଆଗ୍ନିକମାନେ ସମସ୍ତ ଶିକ୍ଷକ ଓ ଶିକ୍ଷୟିତ୍ରୀଙ୍କୁ ନିଆଁ ଲିଭାଯନ୍ତ୍ରର ବ୍ୟବହାର ଏବଂ ଟାଙ୍କିରେ ନିଆଁ ଲାଗିଲେ ନିଆଁ ଲିଭାଇବାର ବିଭିନ୍ନ ପଦ୍ଧତି ପ୍ରଦର୍ଶନ କରି ତାଲିମ ଦେଇଥିଲେ । ବିଦ୍ୟାଳୟର ୧୮ ଜଣ ସ୍କାଉଟ ପିଲା ଓ ୨୪ ଜଣ ରେଡକ୍ରସ ବିଦ୍ୟାର୍ଥୀଙ୍କୁ ଅଗ୍ନିନିର୍ବାପକ ସେବା ଅଧିକାରୀ ଶ୍ରୀ ବେହେରା ମକ ଡ୍ରିଲ ସହିତ ତାଲିମ ପ୍ରଦାନ କରିଥିଲେ l ପରିଶେଷରେ ବିଶ୍ୱଜିତ ସରୋଜ କୁମାର ଶ୍ରୀ ବେହେରା ଏବଂ ଆଗ୍ନିକମାନଙ୍କୁ ଧନ୍ୟବାଦ ଜଣାଇଥିଲେ ।ଉକ୍ତ କାର୍ଯ୍ୟକ୍ରମରେ ସ୍ନେହଲତା ପାଇକରାୟ ଓ ସମ୍ବିତ କେଦାର କର ସହଯୋଗ କରିଥିଲେ ।