୧୪ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ ) ପୁରୀ :-> ମହାଶୟ ,ଆଗାମୀ ଆଗାମୀ ତା 18 /6/2024 ରିଖ ପବିତ୍ର ରୁକ୍ମିଣୀ ହରଣ ଏକାଦଶୀ ତିଥି ରେ ଶ୍ରୀମନ୍ଦିରରେ ଶ୍ରୀଜଗନ୍ନାଥ ମହାପ୍ରଭୁଙ୍କ ବିବାହ ଅନୁଷ୍ଠିତ ହେବ । ତା ପରଦିନ ଅର୍ଥାତ୍ ତା 19/6/2024 ରିଖରେ ପବିତ୍ର ଚମ୍ପକ ଦ୍ଵାଦଶୀ ଅବସରରେ ମହାପ୍ରଭୁଙ୍କ ଗୁଆଲି ଉତ୍ସବ ଅବସରରେ ଏକ ବର୍ଣ୍ଣାଢ୍ୟ ପଟୁଆରରେ ଦେବ ଦମ୍ପତ୍ତି ନଗର ପରିକ୍ରମା କରିବେ ଏଥିରେ ରାଜ୍ୟ ର ଶହ ଶହ କଳାକାର ଓ ହଜାର ହଜାର ଭକ୍ତ ,ସେବାୟତ ,ସାଧୁସନ୍ଥ ଅଂଶଗ୍ରହଣ କରିବେ ।
ଏଥିପାଇଁ ସମ୍ମାନନୀୟ ଏସ୍ ପି ଶ୍ରୀ ପିନାକ ମିଶ୍ର ମହୋଦୟ ଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଜିଲ୍ଲା ଆରକ୍ଷୀ ଅଧିକ୍ଷକଙ୍କ କାର୍ଯାଳୟରେ ତା 14/6/2024 ରିଖ ରେ ଅନୁଷ୍ଠିତ ହୋଇଥିଲା ଏଥିରେ ଛତିଶା ନିଯୋଗ ନାୟକ ଶ୍ରୀ ଜନାର୍ଦନ ପାଟଯୋଶୀ ମହାପାତ୍ର ଓ ଉତ୍ତର ପାର୍ଶ୍ଵ ମଠ ମହନ୍ତ ଶ୍ରୀ ନାରାୟଣ ରାମାନୁଜ ଦାସ ଓ ଅନ୍ୟ ସେବାୟତ ମାନେ ଯୋଗ ଦେଇଥିଲେ । ପଟୁଆରରେ ରେ ଶାନ୍ତି ରକ୍ଷା ,ଟ୍ରାଫିକ ନିୟନ୍ତ୍ରଣ ସମ୍ପର୍କରେ ବ୍ୟାପକ ଆଲୋଚନା ହୋଇଥିଲା । ଶୋଭାଯାତ୍ରାରେ ବାଣ ବ୍ୟବହାର କୁ ସମ୍ପୂର୍ଣ୍ଣ ବର୍ଜନ କରିବାକୁ ନିଷ୍ପତ୍ତି ହୋଇଥିଲା ।ଏ ସମ୍ପର୍କରେ ଜନସାଧାରଣଙ୍କୁ ସଚେତନ କରିବାକୁ ନିଷ୍ପତ୍ତି ହୋଇଥିଲା । ରଥ ପୂର୍ବରୁ ସାହି ମାନଙ୍କରେ ବୈଠକ କରାଯାଇ ଲୋକଙ୍କ ସମସ୍ୟା ଓ ସହରରେ ଶାନ୍ତି ରକ୍ଷା ଓ ଟ୍ରାଫିକ ନିୟନ୍ତ୍ରଣ ସମ୍ପର୍କରେ ବ୍ୟାପକ ଆଲୋଚନା କରାଯାଇ ନିଷ୍ପତ୍ତି କରାଯିବ ବୋଲି ବୈଠକରେ ଏସ୍ ପି ଶ୍ରୀ ପିନାକ ମିଶ୍ର ଘୋଷଣା କରିଥିଲେ ।
