ଭାଙ୍ଗିଲା ମିଶନ୍ ଶକ୍ତି : ସ୍ୱାମୀମାନଙ୍କ ପାଖକୁ ଫେରିଲେ ସାବିତ୍ରୀ …!!

୧୩ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଲେଶ୍ୱର :->  ଆସ୍ୱସ୍ଥ ଓଡିଶାର ସତ୍ୟବାନ ମାନେ । ବିଜେଡି ବହାରିବାରୁ ସାବିତ୍ରୀମାନେ ଘରୁବାହାରକୁ ନଯାଇ ନିଜର ସ୍ୱାମୀମାନଙ୍କ ପାଖରେ ଥିଲେ । ଅବଶ୍ୟ ବିଜେଡି ଜିତିଥିଲେ କ’ଣ ଗୋଟେ ନୂଆ ଯୋଜନା ହୋଇଥାଆନ୍ତା । କରମ ଆଦରି ଏବେ ଭାଳେଣି ପଡିଲାଣି ସ୍କୁଟି ପଇସା ଏବଂ ଯୋଜନାରେ ଆଣିଥିବା ଲୋନ୍ କିପରି ସୁଝିବେ । ତେଣୁ ସ୍ୱାମୀ ମାନଙ୍କର ସାହାର୍ଯ୍ୟ ନିତାନ୍ତ ଆବଶ୍ୟକ । ସ୍ୱାମୀଙ୍କ ଦୀର୍ଘାୟୁ କାମନା ପାଇଁ ଉପବାସ ରହି ସାବିତ୍ରୀ ବ୍ରତ ପୂଜା କରିବାକୁ ମହାଦେବ ମନ୍ଦିର ଆସିଥିଲେ ମହିଳା । ହେଲେ ମନ୍ଦିରରେ ପୂଜାର୍ଚ୍ଚନା କରିବେ କ’ଣ, ପିଟାପିଟ୍ ଲାଗିଲେ ।ପରିସ୍ଥିତି ଏମିତି ହେଲା ଯେ ପୁଲିସ୍‌..? କୁ ଆସିବା ପାଇଁ ପଡ଼ିଲା । ଆଜି ସକାଳେ ଏପରି ଘଟଣା ବାଲେଶ୍ୱର ଜିଲ୍ଲାରେ ଘଟିଛି । ଜଳେଶ୍ୱର ଥାନା ମହୁଲିଆ ଗାଁରେ ରହିଛି ମହାଦେବ ମନ୍ଦିର । ଏହି ମନ୍ଦିରରେ ଥିବା ପୂଜକ  ପ୍ରତିଦିନ ଭୋଲେବାବାଙ୍କୁ ପୂଜା କରନ୍ତି । ଆଜି ସକାଳେ ସାବିତ୍ରୀ ବ୍ରତ ଥିବାରୁ ପୂଜା ପାଇଁ ବହୁ ମହିଳାଙ୍କ ଭିଡ୍‌..? ପରିଲକ୍ଷିତ ହୋଇଥିଲା । ସ୍ୱାମୀଙ୍କ ଦୀର୍ଘାୟୁ କାମନା କରି ମହିଳାମାନେ ପୂଜା କରିବା ପାଇଁ ଆସିଥିଲେ । ମନ୍ଦିରରେ ପୂଜାର୍ଚ୍ଚନା ଚାଲିଥିବା ବେଳେ ଅନ୍ୟ ଏକ ଗୋଷ୍ଠୀର ମହିଳାମାନେ ଆଉ ଜଣେ ପୂଜକଙ୍କ ମାଧ୍ୟମରେ ସାବିତ୍ରୀ ବ୍ରତ ପୂଜା କରିବାକୁ ଚାହିଁଥିଲେ । ହେଲେ ପୂର୍ବରୁ ମନ୍ଦିରରେ ପୂଜା କରୁଥିବା ମହିଳାମାନେ ବିରୋଧ କରିଥିଲେ ।ସାବିତ୍ରୀ ବ୍ରତ ପୂଜାକୁ ନେଇ ମନ୍ଦିରରେ ଦୁଇ ଗୋଷ୍ଠୀର ମହିଳାଙ୍କ ଭିତରେ ଯୁକ୍ତିତର୍କ ହୋଇଥିଲା । ପରବର୍ତ୍ତୀ ସମୟରେ ଯୁକ୍ତିତର୍କ ଠେଲାପେଲାରେ ପରିଣତ ହୋଇଥିଲା । ୩୦ରୁ ୪୫ ମିନିଟ୍ ଧରି ଚାଲିଥିଲା ଠେଲାପେଲା । ସ୍ଥିତି ଅଣାୟତ୍ତ ହେଉଥିବା ଦେଖି ଗାଁ ଲୋକେ ହସ୍ତକ୍ଷେପ କରିଥିଲେ । ମାତ୍ର କୌଣସି ସୁଫଳ ମିଳିନଥିଲା । ବରଂ ପରିସ୍ଥିତି ଭୟଙ୍କର ହେଉଥିଲା । ଏ ସମ୍ପର୍କରେ ଖବର ପାଇ ଜଳେଶ୍ୱର ଥାନା ପୁଲିସ୍‌ ମନ୍ଦିରରେ ପହଞ୍ଚି ଦୁଇ ପକ୍ଷ ମହିଳାଙ୍କୁ ବୁଝାସୁଝା କରିଥିଲେ । ତା’ପରେ ଉତ୍ତେଜନା ପରିସ୍ଥିତି ଶାନ୍ତ ପଡ଼ିଥିଲା । ପୁଲିସ୍ ଉପସ୍ଥିତିରେ ପୁନର୍ବାର ପୂଜା ଚାଲିଥିଲା । ମହିଳାମାନେ ସାବିତ୍ରୀ ବ୍ରତ ପୂଜା କରିଥିଲେ । ସୂଚନାରୁ ପ୍ରକାଶ, ମହୁଲିଆ ଗାଁରେ ଦୁଇ ଗୋଷ୍ଠୀର ମହିଳାଙ୍କ ଭିତରେ ପୂର୍ବରୁ ଶତ୍ରୁତା ଥିଲା । ସେହି ଶତ୍ରୁତା ଆଜି ଉଗ୍ରରୂପ ଧାରଣ କରିଥିଲା । ପୂଜାର୍ଚ୍ଚନା ବାହାନାରେ ଦୁଇ ଗୋଷ୍ଠୀ ମୁହାଁମୁହିଁ ହୋଇଥିବା ଚର୍ଚ୍ଚା ହେଉଛି ।