ଆଉ ମଧ୍ୟ କଣ୍ଟାପଡ଼ା ବ୍ଲକ ଡିମିରି ସ୍କୁଲ ୧୦୯ ନମ୍ବର ବୁଥ ସମେତ କେତେକ ଭୋଟ କେନ୍ଦ୍ରକୁ ସ୍ଥାନୀୟ ବିଧାୟକ ଯାଉଥିବାବେଳେ ଲୋକେ ତାଙ୍କୁ ବିଭିନ୍ନ କାରଣ ଦର୍ଶାଇ ଫେରିଯାଅ ବୋଲି କହି ବିରୋଧ କରିଥିବାର ଅଭିଯୋଗ ହୋଇଛି । ନିଆଳି , କଣ୍ଟାପଡ଼ା ଓ ବାରଙ୍ଗ ବ୍ଲକର ମୋଟ ୪୫ଟି ପଞ୍ଚାୟତରେ ୨୭୪ଟି ବୁଥରେ ଭୋଟ ଦେଲେ ୨ଲକ୍ଷ ୪୬ହଜାର ୪୯୮ ଭୋଟର ।
ନିଆଳିରେ କୌଣସି ରାଜନୈତିକ ହିଂସା କାଣ୍ଡ ଘଟିନାହିଁ, ଶାନ୍ତି ଶୃଙ୍ଖଳାରେ ମତ ଦାନ ଭୋଟର ଦେଇଛନ୍ତି, ଏହି କେନ୍ଦ୍ର ଗୁଡିକରେ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଥିଲା । ଆସନ୍ତା ୪ତାରିଖରେ ଭୋଟ ଗଣତି ହେବ, ଦେଖିବାର ଅଛି କେଉଁ ଦଳର କେଉଁ ପ୍ରାର୍ଥୀ ନିଆଳି ବିଧାନ ସଭା ଏବଂ ଜଗତସିଂହପୁର ଲୋକସଭା ସାଂସଦୀୟ ପ୍ରାର୍ଥୀ ଭାବେ ବିଜୟ ଲାଭ କରିବେ ।
