କଂଗ୍ରେସ ଦଳର ବିଧାୟକ ପାର୍ଥିଙ୍କ ଜୋନସ୍ତରୀୟ ମାରାଥନ ନିର୍ବାଚନ ପ୍ରଚାର

୨୨ ମେ , ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବୋଲଗଡ :->  ବୋଲଗଡ -ବେଗୁନିଆ ନିର୍ବାଚନ ମଣ୍ଡଳୀରେ 2024 ସାଧାରଣ ନିର୍ବାଚନ ପାଇଁ କଂଗ୍ରେସର ମାରାଥନ ପ୍ରଚାର ଜୋରଧରିଛି l ବୋଲଗଡ ବ୍ଲକର କଂଗ୍ରେସ ଦଳର ବରିଷ୍ଠ ସଂଗଠକ ପ୍ରକାଶ ଚନ୍ଦ୍ର ରଥ, ଧୀରେସ ମହାପାତ୍ର ଓ ବୋଲଗଡ କଂଗ୍ରେସ ଉପସଭାପତି ସନ୍ତୋଷ କୁମାର ପ୍ରଧାନଙ୍କ ମିଳିତ ଆବାହକତ୍ବରେ ବୋଲଗଡ ବ୍ଲକ ଜୋନ ସ୍ତରୀୟ ମାରାଥନ ନିର୍ବାଚନ ପ୍ରଚାର ଅନୁଷ୍ଠିତ ହୋଇଯାଇଛି l କଂଗ୍ରେସ ଦଳର ଏହି ମାରାଥନ ନିର୍ବାଚନ ପ୍ରଚାରରେ ବିଧାୟକ ପାର୍ଥି ପୃଥିବୀ ବଲ୍ଲଭ ପଟ୍ଟନାୟକ ପାର୍ଥି ଓ ସାଂସଦ ପ୍ରାର୍ଥି ୟାସିର ନୱାଜ ୨୫ ନମ୍ବର ଜୋନର ପ୍ରତ୍ୟେକ ଗ୍ରାମକୁ ବାଇକ ରାଲି ସହ ଯାଇ କଂଗ୍ରେସ ଦଳକୁ ବିଜୟ ହାସଲ କରିବା ପାଇଁ ଦୁଇଟି ହାତ ଚି଼ହ୍ନରେ ଭୋଟ ଦେବାକୁ ଜନ ସାଧାରଣଙ୍କ ପାଖରେ ପହଂଚି ନିବେଦନ କରିଛନ୍ତି ।୨୫ ନମ୍ବର ଜୋନର ବୋଲଗଡ ଗ୍ରାମପଞ୍ଚାୟତ, ଫାଶୀଓଦା ଗ୍ରା :ପ, ଦଳେଇ ସାହି ଗ୍ରା :ପ, କଳାଙ୍ଗ ଗ୍ରା :ପ, ଖଙ୍ଗୁରିୟା ଗ୍ରା :ପ ଓ ଡାବରଧୁଆ ପାଟଣା ଗ୍ରାମପଞ୍ଚାୟତର ସମସ୍ତ ଗ୍ରାମ ଗୁଡିକୁ ଯାଇ ବିଧାୟକ ପାର୍ଥି ଶ୍ରୀ ପଟ୍ଟନାୟକ କଂଗ୍ରେସ ଦଳର ବିଜୟ ପାଇଁ ହାତରେ ଚି଼ହ୍ନରେ ଭୋଟ ଦେବାକୁ ନିବେଦନ କରିଥିଲେ l ଏହି ଜୋନ ସ୍ତରୀୟ ମାରାଥନ କଂଗ୍ରେସ ଦଳର ମାରାଥନ ପ୍ରଚାରରେ ବହୁ ଯୁବ କଂଗ୍ରେସ,ଛାତ୍ର କଂଗ୍ରେସ ଓ ବହୁକର୍ମୀ ଙ୍କ ସମେତ ଛାମୁଆ ନେତାମାନେ ଯୋଗ ଦେଇଥିଲେ । ପୃଥିବୀ ବଲ୍ଲଭ ପଟ୍ଟନାୟକ ବେଗୁନିଆ – ବୋଲଗଡ କୁ ନୂତନ ଭାବେ ଗଢିବା ପାଇଁ ଜନସାଧାରଣମାନଙ୍କୁ କହି କଂଗ୍ରେସର ଗ୍ୟାରେଣ୍ଟି କାର୍ଡ ବିଷୟରେ ସମସ୍ତ ଜନସାଧାରଣମାନଙ୍କୁ ଅବଗତ କରିଥିଲେ l କଂଗ୍ରେସ ଗରିବ ମାନଙ୍କର ସରକାର ବୋଲି କହିଥିଲେ l ତେଣୁ କଂଗ୍ରେସ କୁ ବିପୁଳ ମାତ୍ରାରେ ଭୋଟ ଦେଇ ଜୟଯୁକ୍ତ କରିବା ସମସ୍ତ ଭୋଟର ମାନଙ୍କୁ ମା, ମାଉସୀ ଓ ସମସ୍ତ ଜନସାଧାରଣମାନଙ୍କୁ ନିବେଦନ କରିଛନ୍ତି l