୨୧ ମେ , ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବେଗୁନିଆ, :- ଚଳିତ ମାସ ୨୫ ତାରିଖରେ ନିର୍ବାଚନର ପ୍ରାର୍ଥି ତାଲିକା ଘୋଷଣା ହେବା ପରେ ବିଭିନ୍ନ ଦଳ ପକ୍ଷରୁ ପ୍ରଚାର ଓ ପ୍ରସାର ପାଇଁ ସାଂସଦ ପ୍ରାର୍ଥି ହୁଅନ୍ତୁ ଅବା ବିଧାୟକ ପ୍ରାର୍ଥିମାନେ ଚା ଖଟିରେ ବସି ଜନ ସାଧାରଣଙ୍କ ସହ ସମ୍ପର୍କ ରଖିବାକୁ ପ୍ରୟାସ କରିଥାନ୍ତି। ତେବେ ବେଗୁନିଆ ନିର୍ବାଚନ ମଣ୍ଡଳୀର ବିଜେଡ଼ି ବିଧାୟକ ପ୍ରାର୍ଥି ପ୍ରଦୀପ କୁମାର ସାହୁ ପାନ ଦୋକାନରେ ବସି ଜନ ସାଧାରଣଙ୍କ ସହ ସମ୍ପର୍କ ବଢ଼ାଇବା ପାଇଁ ନିଆରା ଢଙ୍ଗରେ ପ୍ରୟାସ ଜାରି ରଖିଛନ୍ତି ।
ଏଥିରେ ସେମାନଙ୍କର ଦୁଃଖ ଓ ସୁଖର ସାଥି ହୋଇ ନିର୍ବାଚନ ମଇଦାନରେ ଅଂଶ ଗ୍ରହଣ କରିଥିବା ବିଜେଡ଼ି ଦଳର ନବାଗତ ସାଂସଦ ପ୍ରାର୍ଥି କ୍ୟାପଟେନ ମନ୍ମଥ ରାଉତରାୟ ଓ ସ୍ଥାନୀୟ ବିଧାୟକ ପ୍ରାର୍ଥି ପ୍ରଦୀପ କୁମାର ସାହୁଙ୍କୁ ଦୁଇଟି ଶଙ୍ଖ ଚିହ୍ନରେ ଭୋଟ ଦେବାକୁ ନିବେଦନ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ହାତକୁ ସଶକ୍ତ କରିବା ପାଇଁ ନିବେଦନ କରିଛନ୍ତି । ଅନ୍ୟ ପକ୍ଷରେ ଦେଖିବାକୁ ଗଲେ ପ୍ରଦୀପ ନିର୍ବାଚନ ମଣ୍ଡଳୀରେ ଅଭିଜ୍ଞ ପ୍ରାର୍ଥି ଓ ସ୍ଥାନୀୟ ଅଞ୍ଚଳବାସୀଙ୍କ ପ୍ରତ୍ୟହ ଦୁଃଖ ଓ ସୁଖରେ ରହି ଜନ ସଂପର୍କ ସୃଷ୍ଟି କରି ସଦାସର୍ବଦା ନିଜକୁ ସମର୍ପିତ କରି ଲୋକ ମାନଙ୍କ ହୃଦୟରେ ସ୍ଥାନ ପାଇଛନ୍ତି।
