ନୟାଗଡ ରାମକୃଷ୍ଣ ରଥଙ୍କ ସ୍ୱତନ୍ତ୍ର ଉପସ୍ଥାପନା …
ମାତ୍ର ସବୁ ନିର୍ବାଚନ ଫଳାଫଳ ପରି ଏଥର ମଧ୍ୟ ଅରୁଣଙ୍କ ବିଜୟ ଶତ ପ୍ରତିଶତ ସତ୍ୟ ବୋଲି ଜଣାପଡିଛି | ଏକ ଅନୁସନ୍ଧାନରୁ ଜଣା ପଡିଛି ବିଜେଡି ପ୍ରାର୍ଥୀ ଅରୁଣ କେବଳ ନିର୍ବାଚନ ଆସିଲେ ନୁହେଁ ବରଂ ସଦା ସର୍ବଦା ନିର୍ବାଚନ ମଣ୍ଡଳୀରେ ଜନସାଧାରଣଙ୍କ ସୁଖ ଦୁଃଖ ନିଜେ ବୁଝି ତାର ତତକ୍ଷଣାତ ସମାଧାନ କରିଥାନ୍ତି | କଠିନ ପରିଶ୍ରମୀ ଅରୁଣ ଦିନରାତି ନୟାଗଡର ସାମଗ୍ରିକ ବିକାଶରେ ହିଁ ସମୟ ଅତିବାହିତ କରିବାକୁ ବେଶ ଭଲପାନ୍ତି | ଏପରିକି ଦିନକ ୨୪ ଘଣ୍ଟା ଯଦି ୪୨ ଘଣ୍ଟା ହୋଇଯାନ୍ତା ନୟାଗଡ ମାଟି ମା’ର ସେବା କରିବାପାଇଁ ସେ ନୟାଗଡର ଆରାଧ୍ୟା ଦେବୀ ମା ଦକ୍ଷିଣକାଳୀଙ୍କ ନିକଟରେ କାମନା କରନ୍ତି | ଜଣେ ସୁବକ୍ତା, କଳା,ସାହିତ୍ୟ ସଂସ୍କୃତି ପିପାସୁ, ଦାର୍ଶନୀକ,ଲେଖକ, କବି,ଆଇନ, ସାମ୍ୱାଦିକତା, ନାଟକ, କ୍ରୀଡା, ବୁଦ୍ଧିଜୀବୀ, ଶିକ୍ଷାବିତ୍ ଭାବେ ବିଭିନ୍ନ କ୍ଷେତ୍ରରେ ନିଜର ଏକ ସ୍ୱତନ୍ତ୍ର ସୁମହାନ ଛବି ଥିବା ଅରୁଣଙ୍କୁ ସାଧାରଣରେ ଅଦ୍ଭୁତପୂର୍ବ ଗ୍ରହଣୀୟତା ମିଳିଥାଏ |
ସମାଜସେବାର ଏକ ପ୍ରକୃଷ୍ଟ କ୍ଷେତ୍ର ରାଜନୀତି ହୋଇଥିବାରୁ ସେ ଏହାକୁ ଗ୍ରହଣ କରିଛନ୍ତି ବୋଲି କୁହନ୍ତି | ରାଜନୀତିର ଏକ ପ୍ରମୁଖ ଅଙ୍ଗ ସମାଜ ସଂସ୍କାର ତାଙ୍କ ଜୀବନର ନୀତି ଆଉ ଆଦର୍ଶ | ଅରୁଣଙ୍କ ସମୟରେ ନୟାଗଡ ବିଧାନସଭା ନିର୍ବାଚନ ମଣ୍ଡଳୀ ଉନ୍ନତିର ଉତ୍ତୁଙ୍ଗ ଶିଖରରେ ପହଂଚି ଥିବାରୁ ଚଳିତ ନିର୍ବାଚନରେ ଅରୁଣଙ୍କର କେବଳ ବିଜୟ ନୁହେଁ ଏକ ମହାବିଜୟ ହେବା ବୋଲି ସମଗ୍ର ନିର୍ବାଚନ ମଣ୍ଡଳୀରେ ଚର୍ଚ୍ଚା ଜୋର ଧରିଛି | ଶିକ୍ଷା, ସ୍ୱାସ୍ଥ୍ୟ, ଗମନାଗମନ, କୃଷି, କ୍ରୀଡା ସବୁ କ୍ଷେତ୍ରରେ ଏପରିକି ସମସ୍ତ ମଠ,ମନ୍ଦିର, ଚର୍ଚ୍ଚ ଆଦି ଗୁଡିକର ଉନ୍ନତି କରଣ କିଭଳି ଅରୁଣଙ୍କ ନେତୃତ୍ୱରେ ନୟାଗଡରେ ଆକାଶ ଛୁଇଁଛି ତାକୁ ଦେଖି ଓଡ଼ିଶାର ଅନ୍ୟ ଅଞ୍ଚଳ ପାଇଁ ଏହା ପ୍ରେରଣା ହୋଇଛି |
ଅତ୍ୟନ୍ତ ସ୍ନେହୀ, ମେଳାପୀ, ଶ୍ରଦ୍ଧାଶୀଳ, ଅହଂକାର ବିବର୍ଜିତ ଅରୁଣ ନୟାଗଡରେ ବ୍ୟାପକ ବିକାଶ ହୋଇଥିଲେ ମଧ୍ୟ ଆହୁରି ବିକାଶ ତାଙ୍କ ହାତରେ ହେବାକୁ ଅଛି ବୋଲି ବିବେଚନା କରି ଏହି ମାଟିର ସେବା କରିବା ପାଇଁ ନୟାଗଡ ମାଟିର ପୁଅ ଭାବେ ମା ଦକ୍ଷିଣକାଳୀ ତାଙ୍କୁ ବାରମ୍ବାର ଜନ୍ମ ଦିଅନ୍ତୁ ବୋଲି ମା’ଙ୍କ ନିକଟରେ କାମନା କରନ୍ତି | ବିରୋଧୀଙ୍କ ସମ୍ପର୍କରେ କେବେହେଲେ ପଦୁଟିଏ ପାଟି ଫିଟାଉନଥିବା ଅରୁଣ ଅଯଥାରେ ସମୟ ଅତିବାହିତ ନକରି ସେ ସମୟତକ ନୟାଗଡ ବାସୀଙ୍କ ସ୍ୱାର୍ଥ ହାସଲ ପାଇଁ ନିୟୋଜନ ନୀତିକୁ ନୟାଗଡର ସାଧାରଣ ଜନତା ବେଶ ପସନ୍ଦ କରନ୍ତି | ଯୁବ, ଛାତ୍ର, ମହିଳା, ବରିଷ୍ଠ ନାଗରିକ , ଆଇନଜୀବୀ, ସାମ୍ବାଦିକ, କ୍ରୀଡ଼ାବିତ,ଅଭିନେତା, ସାହିତ୍ୟିକ, ଶ୍ରମିକ, କଳାକାର, ଅବସରପ୍ରାପ୍ତ ସେନା କର୍ମଚାରୀ, ଅବସର ପ୍ରାପ୍ତ ସରକାରୀ କର୍ମଚାରୀ ସବୁବର୍ଗର ବିକାଶ ପାଇଁ ଅରୁଣ ସ୍ୱତନ୍ତ୍ର ଭାବେ ଉତ୍ସର୍ଗୀକୃତ ହୋଇ ଥିବାରୁ ଏ ସମସ୍ତଙ୍କ ଭୋଟ ଏକ ପାଖିଆ ଭାବେ ଅରୁଣଙ୍କ ସପକ୍ଷରେ ଜୀବ ବୋଲି ସମଗ୍ର ନୟାଗଡ ନିର୍ବାଚନ ମଣ୍ଡଳୀରେ ଏକ ଆଲୋଚନାର ବିଷୟ ବସ୍ତୁ ହୋଇଥିବାରୁ ଏଥର ଅରୁଣଙ୍କ ବିଜୟ ନୁହେଁ ମହାବିଜୟ ହେବ ବୋଲି ରାଜନୈତିକ ସମୀକ୍ଷକଙ୍କ ମତ |
ନିର୍ବାଚନ ଆସିଲେ କିଛି ହାତ ଗଣତି ଛତିପତ୍ତି ନଥିବା ବାଚାଳ ଅରୁଣଙ୍କ ବିରୋଧରେ ଗଁ.. ଗଁ.. ସଂ.. ସଂ ହୁଅନ୍ତି ମାତ୍ର ତାର କିଛି ମୂଲ୍ୟ ନଥାଏ ଫଳାଫଳ ପ୍ରକାଶ ପାଇଲା ପରେ ପରିସ୍ଥିତି ଯଥା ପୂର୍ବଂ ତଥା ପରଂ ପରି ଏଥର ମଧ୍ୟ ଅରୁଣଙ୍କ ବିଜୟ ପାଇଁ ସ୍ଥିତି ଆହୁରି ମଜବୁତ ଥିବା ଜଣାପଡିଛି | ତାର ଜ୍ୱଳନ୍ତ ଉଦାହରଣ ନିର୍ବାଚନ ପ୍ରଚାର ବେଳେ ବର୍ତ୍ତମାନ ଅରୁଣ ଯୁଆଡେ ଯାଉଛନ୍ତି ତାଙ୍କ ସାଥିରେ ସ୍ୱତଃ ପ୍ରବୃତ ଭାବେ ହଜାର ହଜାର ଜନ ସାଧାରଣ ଯାଉଥିବା ଦେଖିବାକୁ ମିଳୁଛି | ନବୀନଙ୍କ ନେତୃତ୍ୱରେ ବିକଶିତ ନୟାଗଡକୁ ଉନ୍ନତିର ଚରମ ସୀମାରେ ପହଂଚାଇବା ପାଇଁ ଆହୁରି ଅନେକ କାର୍ଯ୍ୟକ୍ରମ ବିକଶିତ ନୟାଗଡ ପାଇଁ ବାକି ରହିଚି ବୋଲି ବିଧାୟକ ଅରୁଣ ଏଥିପାଇଁ ନୟାଗଡ ବାସିଙ୍କ ଆଉଥରେ ସ୍ନେହ ଆଶୀର୍ବାଦ କାମନା କରିବାସହ ନବୀନଙ୍କୁ ଷଷ୍ଠ ଥର ମୁଖ୍ୟମନ୍ତ୍ରୀ ନିମନ୍ତେ ଦୁଇଟି ଶଙ୍ଖରେ ମତଦାନ କରିବା ପାଇଁ ଭୋଟର ଭାଇ ଭଉଣୀଙ୍କୁ ଭୋଟ ଭିକ୍ଷା କରୁଥିବା ଦେଖିବାକୁ ମିଳୁଛି | ଏପଟେ ବିଜେପି ପ୍ରାର୍ଥୀଙ୍କ ପ୍ରଚାର ସେତେଟା ପ୍ରଭାବଶାଳୀ ହେଉ ନାହିଁ |
ତାର ଏକ ମାତ୍ର କାରଣ କାଳେ ନାହିଁ ବେଳେ ନାହିଁ ଗହ୍ମା ପୁନେଇଁରେ ମାଇଁ ମାଇଁ ନ୍ୟାୟରେ କେବଳ ଭୋଟ ଆସିଲେ ସେଇ ଦୁଇ ଦିନ କୋମଳ କଥା କହି ଭୋଟ ମାଗିଦେଲେ କ’ଣ ସ୍ୱାଭିମାନୀ ନୟାଗଡିଆ ଭୋଟ ଦେଇଦେବେ ବୋଲି ବହୁ ଭୋଟର ଆମ୍ଭ ପ୍ରତିନିଧିଙ୍କୁ ପ୍ରତିକ୍ରିୟାରେ କହିଛନ୍ତି | ଏପରିକି ବିଜେପି ପ୍ରାର୍ଥୀଙ୍କର ଅରୁଣଙ୍କ ଭଳି ତୃଣମୂଳ ସ୍ଥରରେ ଆଦୌ ସଂଗଠନ ନଥିବା ଦେଖିବାକୁ ମିଳୁଛି | ଏହା ମଧ୍ୟ ଜଣାପଡିଛିଯେ ଗତ ପଂଚାୟତ ଏବଂ ପୌର ନିର୍ବାଚନରେ ମଧ୍ୟ ବିଜେପିରୁ ନୟାଗଡରୁ ପ୍ରାର୍ଥୀ ହୋଇଥିବା ପ୍ରାର୍ଥୀନୀଙ୍କ ନୟାଗଡରେ ମଧ୍ୟ ଦେଖିବାକୁ ମିଳି ନଥିଲା | ଜନସେବା ନୁହେଁ, ଲୋକଙ୍କ ସମସ୍ୟା ସମ୍ପର୍କରେ ଆଦୌ ଅବଗତ ନଥିବା ବିଜେପି ବିଧାୟକ ପ୍ରାର୍ଥୀନୀ କିଭଳି ନିର୍ବାଚନ ବୈତରଣୀ ପାର ହେବେ ଏକ ହାସ୍ୟାସ୍ପଦ କଥା ବୋଲି ବୁଦ୍ଧିଜୀବୀ ମହଲରେ ଗୁଂଜରଣ ସୃଷ୍ଟି କରିଛି |
ଆଉ ଏକ କଥା ହେଲା ବିଜେପି ପ୍ରାର୍ଥୀଙ୍କ କାର୍ଯ୍ୟକ୍ରମକୁ ଆଗେଇନେବା ପାଇଁ ସେମିତି ଲୋକପ୍ରିୟ ପରାମର୍ଶଦାତା ମଧ୍ୟ ବିଜେପି ପ୍ରାର୍ଥୀଙ୍କ ସପକ୍ଷରେ ଥିବା ଦେଖିବାକୁ ମଧ୍ୟ ମିଳୁନି | କେବଳ ଦୁର୍ନୀତି କାର୍ଯ୍ୟକରି ଲୋକପ୍ରିୟତା ହରାଇ ନୟାଗଡ ବିଜେଡିରୁ ବହିସ୍କୃତ କିଛି ହାତଗଣତି ଲୋକଙ୍କୁ ନେଇ ବିଜେପି ପ୍ରାର୍ଥୀ ପ୍ରଚାରକୁ ଓଲ୍ହାଇବା ଘଟଣାକୁ ବିଜେପିପ୍ରାର୍ଥୀଙ୍କୁ ସାଧାରଣରେ ହାସ୍ୟାସ୍ପଦ କରୁଥିବା ଦେଖିବାକୁ ମିଳୁଛି | ଏପଟେ ଅନ୍ୟ ଦଳରୁ ପ୍ରାର୍ଥୀ ହୋଇଥିବା ଅନ୍ୟାନ୍ୟ ପ୍ରାର୍ଥୀ ସେତେଟା ଜନସାଧାରଣଙ୍କ ଗ୍ରହଣୀୟ ହୋଇ ନପାରି କେବଳ ଅରୁଣ ବିରୋଧରେ ମନଗଢା କାହାଣୀ କହି ବାଉଳି ଚାଉଳି ହେଉଥିବା ଦେଖିବାକୁ ମିଳୁଛି | ତେବେ ଜୁନ ୪ ତାରିଖରେ ପ୍ରକୃତ ସତ୍ୟାସତ୍ୟକୁ ଅପେକ୍ଷା କରାଯାଇଛି .
