ସମ୍ବିତ ପାତ୍ର ଗୋ ବ୍ୟାକ୍ ନାରାବାଜୀ ଦେବା ସହ – ସୁରମା ପାଢ଼ି ଜିନ୍ଦାବାଦର ସ୍ଲୋଗାନ
ତେବେ ନିର୍ବାଚନ ସମୟରେ ନେତାଙ୍କ ଟିକେଟ୍ କଟିବାକୁ ନେଇ ଅନେକ ସମୟରେ ଅସନ୍ତୋଷ ଦେଖାଯାଏ, ତେବେ ଏହି ଅସନ୍ତୋଷକୁ ସଂପୃକ୍ତ ଦଳ କିଭଳି ପ୍ରଶମିତ କରୁଛି, ତାହା ଦେଖିବାକୁ ବାକି ରହିଲା । ଆଜି ନୟାଗଡ଼ ଜିଲ୍ଲା ରଣପୁର ନିର୍ବାଚନ ମଣ୍ଡଳୀରେ ଦେଖିବାକୁ ମିଳିଛି ସମାନ ଅବସ୍ଥା । ସୁରମା ପାଢ଼ୀଙ୍କ ସମର୍ଥକ ମାନେ ଦଳୀୟ କାର୍ଯ୍ୟାଳୟ ଆଗରେ ନାରାବାଜୀ କରିଛନ୍ତି । ସମ୍ବିତ ପାତ୍ର ଗୋ ବ୍ୟାକ୍ ନାରାବାଜୀ ଦେବା ସହ ସୁରମା ପାଢ଼ି ଜିନ୍ଦାବାଦର ସ୍ଲୋଗାନ ଦେଇଥିଲେ । ବହୁଦିନ ଧରି ରଣପୁର ବିଜେପି ସହିତ ଜଡିତ ଥିବା ସୁରମା ପାଢ଼ୀଙ୍କୁ ଦଳ ଏଥର ରଣପୁରରୁ ପ୍ରାର୍ଥୀ କରି ନଥିବାରୁ ଏହାର ପ୍ରତିବାଦ କରିଥିଲେ କର୍ମୀ ମାନେ । ଅଗାମୀ ଦିନରେ ରଣପୁର ବିଜେପିର ଦଳୀୟ କନ୍ଦଳ କିପରି ସୃଷ୍ଟି ହେଉଛି . ସେଥିପ୍ରତି ନଜର ରଖୁଛନ୍ତି ଜନତା ।
କଂଗ୍ରେସ ଭବନରେ ଟିକେଟ୍ ପାଇଁ ଧାରଣା ଦେଇଛନ୍ତି କଂଗ୍ରେସ କର୍ମୀ । ଜଳେଶ୍ବର ବିଧାନସଭା ଆସନ ପାଇଁ ଟିକେଟ ଆଶାୟୀ ଥିବା ସୁଦର୍ଶନ ଦାସଙ୍କ ଶହ ଶହ ସମର୍ଥନ ଧାରଣାରେ ବସିଥିଲେ । ଯଦିଓ କଂଗ୍ରେସର ପ୍ରଥମ ପଧ୍ୟାୟ ପ୍ରାର୍ଥୀ ତାଲିକା ଘୋଷଣା ହୋଇଛି ଏବଂ ଏଥିରେ ଜଳେଶ୍ବର ଆସନ ପାଇଁ କିଏ ପ୍ରାର୍ଥୀ ହେବେ ଘୋଷଣା ହୋଇନି, ତଥାପି ସୁଦର୍ଶନ ଦାସଙ୍କ ଟିକେଟ୍ କଟିଯାଉଥୁବା ଆଶଙ୍କା କରି ପ୍ରତିବାଦ କରିଥିଲେ । ତେବେ ହୋହଲ୍ଲା ଭିତରେ ପିସିସି ସଭାପତି ଆସି ଧାରଣା ଦେଉଥିବା କର୍ମୀଙ୍କୁ ବୁଝାସୁଝା କରିଥିଲେ ।
