କୃଷି ଓ କୃଷକ ମାନଙ୍କ ପାଇଁ ସରକାର ନିର୍ଦୟ ହେଉଛନ୍ତି : ନବନିର୍ମାଣ କୃଷକ ସଂଗଠନ ।
କୃଷକ ନେତା ଜତି ପ୍ରଧାନ ଙ୍କୁ ବିଧାୟକ ପ୍ରାର୍ଥୀ ଭାବେ ନିର୍ବାଚନ ଲଢ଼ିବାକୁ କୃଷକ ସଂଗଠନ ପକ୍ଷରୁ ନିଷ୍ପତ୍ତି ।
୧୭ ମାର୍ଚ୍ଚ,୨୦୨୪ (ଓଡିଶା ତାଜ଼ା ନ୍ୟୁଜ) ପାଟଣାଗଡ :-> ପାଟଣାଗଡ ବ୍ଲକ ଯୋଗିମୁଣ୍ଡା ସାପ୍ତାହିକ ବଜାରଠାରେ ନବନିର୍ମାଣ କୃଷକ ସଂଗଠନ ଓ ଜିଲ୍ଲା କୃଷକ ମହାସଂଘ ପକ୍ଷରୁ ସିଂହାସନ ଖାଲିକର ମହାସମାବେଶ ଅନୁଷ୍ଠିତ ହୋଇଯାଇଛି । ଏଥିରେ ସଂଗଠନର କର୍ମକର୍ତ୍ତା ମାନେ ଆଗାମୀ ଦିନେରେ ଚିଷୀଙ୍କ ସରକାର ହେଲେ ଓଡ଼ିଶାର ପରିବର୍ତ୍ତନ ହେବାସହ ଚାଷୀଙ୍କ ପାଇଁ ଉପକାର ହେବବୋଲି କହିଥିଲେ । ଏପରିକି ପାଟଣାଗଡ ନିର୍ବାଚନ ମଣ୍ଡଳୀରୁ ବିଧାୟକ ପ୍ରାର୍ଥୀ ଭାବେ ଚାଷୀନେତା ଜତି ପଧାନ ଙ୍କୁ ବିଧାନସଭାକୁ ପଠାଇବା ପାଇଁ ଅନୁରୋଧ କରିଥିଲେ ।
ଜିଲ୍ଲା କୃଷକ ମହାସଂଘର ସଭାପତି ଜତି ପଧାନଙ୍କ ନେତୃତ୍ବରେ ଚାଷୀ ମାନେ ଯୋଗିମୁଣ୍ଡା ପେଟ୍ରୋଲ ପମ୍ପ ଠାରୁ ଏକଶୋଭାଯାତ୍ରାରେ ବାହାରି ସପ୍ତାହିକ ବଜାର ଠାରେ ପହଞ୍ଚିଥିଲେ । ଓଡ଼ିଶା ନବ ନିର୍ମାଣ କୃଷକ ସଂଗଠନର ରାଷ୍ଟ୍ରୀୟ ସଂଯୋଜକ ଅକ୍ଷୟ କୁମାର,ରାଜ୍ୟ ସୁଚନା ଅଧିକାର ମଞ୍ଚର ରାଜ୍ୟ ଆବାହକ ପ୍ରଦୀପ ପଧାନ, ଜିଲ୍ଲା କୃଷକ ମହାସଂଘ ସମ୍ପାଦକ ସୈ।ମେନ୍ଦ୍ର ପରିଛା, ସୋନପୁର ନବନିର୍ମାଣ କୃଷକ ସଂଗଠନର ଚାଷୀ ନେତ୍ରୀ ସୋନାଲି ବିଶି, ଓଡ଼ିଶା ନବ ନିର୍ମାଣ କୃଷକ ସଂଗଠନର ରାଜେନ୍ଦ୍ର ମିଶ୍ର,
ଜିଲ୍ଲା କୃଷକ ମହାସଂଘର ଆବାହକ ମଧୁସୂଦନ ଖେତୀ ଓ ଦିଲ୍ଲୀରୁ ଆସିଥିବା ଦୁଇ ଜଣ ଚାଷୀ ନେତା ରାହୁଲ ସୁକ୍ଳା ଓ ସୁଦାମ ଯାଦବ ପ୍ରମୁଖ ଯୋଗଦେଇ ରାଜ୍ୟ ସରକାର ହୁଅନ୍ତୁ ବା କେନ୍ଦ୍ର ସରକାର ସବୁବେଲେ ଚାଷୀଙ୍କ ପ୍ରତୀ ଅଣଦେଖା କରିଚାଲିଛନ୍ତି । ଏପରିକି ପାଟଣାଗଡ ନିର୍ବାଚନ ମଣ୍ଡଳୀରେ ଚାଷୀଙ୍କ ସ୍ଥିତ ଆହୁରୀ ସଙ୍ଗୀନ । ଗତ ୭୪ ବର୍ଷ ଭିତରେ ପାଟଣାଗଡ ନିର୍ବାଚନ ମଣ୍ଡଳୀରୁ ଦଲିୟ ନେତାମାନେ ବିଧାୟକ ହୋଇଛନ୍ତି । କିନ୍ତୁ ଆଜି ଯାଏଁ ଚାଷୀଙ୍କର କୈାଣସି ସମସ୍ୟାର ସମାଧାନ ପାଇଁ ଆନ୍ତରିକତା ଦେଖାଇ ନାହାନ୍ତି । ଖାଦ୍ୟାଭାବ ଓ କାମଧନ୍ଦାର ଅଭାବ ଯୋଗୁଁ ହଜାର ହଜାର ଚାଷୀ ବାହାର ରାଜ୍ୟକୁ ଦାଦନ ଖଟିବାକୁ ଯାଉଛନ୍ତି ।
ରାଜ୍ୟ ସରକାରଙ୍କ ଚାଷୀ ବାରୋଧି ମନୋଭାବ ଓ ସ୍ଥାନୀୟ ବିଧାୟକଙ୍କ ଉଦାସିନତା ଯୋଗୁଁ ଅଞ୍ଚଲର ଚାଷୀ ମାନଙ୍କର ସମସ୍ୟା ଦିନକୁଦିନ ଉକ୍ତଟ ରୁପ ଧାରଣ କରୁଛି । ଯାହାଫଲରେ ଚାଷୀ ମାନଙ୍କର ଅର୍ଥନୀତିକ ମେରୁଦଣ୍ଡ ଭାଙ୍ଗିଯାଇଛି । ଏହିସବୁ ସମସ୍ୟାର ସମାଧାନ ପାଇଁ ଚାଷୀ ଓ ଗ୍ରାମବାସୀ ଏକହୋଇ ଚାଷୀଙ୍କ ସମସ୍ୟାକୁ ଦୁରକରିବାପାଇ ରାଜ୍ୟରେ ଚାଷୀ ସରକାର ଗଠନ କରିବାପାଇଁ ନିର୍ବାଚନ ମଣ୍ଡଳୀରୁ ଚାଷୀ ନେତା ଶ୍ରୀ ପଧାନକୁ ବିଧାନସଭାକୁ ପଠାଇବାକୁ ଆହ୍ୱାନ କରିଥିଲେ । ଏହି କାର୍ଯ୍ୟକ୍ରମରେ ଉକ୍ତ ନିର୍ବାଚନମଣ୍ଡଳୀର ହଜାର ହଜାର ସଂଖ୍ୟାରେ ମହିଳା ପୁରୁଷ ଚାଷୀ ଯୋଗଦେଇଥିଲେ ।
