-
ଲୋକେ ଭୟଭୀତ ଯନ୍ତ୍ରୀଙ୍କୁ ଘେରିଲେ ଲୋକେ
୧୮ ଫେବୃଆରୀ ୨୦୨୪ (ଓଡିଶା ତାଜ଼ା ନ୍ୟୁଜ) କୋରାଇ :- ଯାଜପୁର ଜିଲ୍ଲାର କୋରାଇ ବ୍ଲକ ଅନ୍ତର୍ଗତ ଛୋଟରାୟପୁର ଠାରେ ଥିବା ରନ୍ଧନ ଗ୍ୟାସ ଯୋଗାଣ ଜନିତ ସିଟିଗ୍ୟାସ ଷ୍ଟେସନର ସିଲିଣ୍ଡରରେ ଲିକେଜ ହୋଇ ଗ୍ୟାସ ନିର୍ଗତ ହେବା ସହ ପ୍ରଚଣ୍ଡ ଶବ୍ଦ କରିଥିଲା; ଏଥ୍ରେ ଗ୍ରାମବାସୀଙ୍କ ସମେତ ସ୍ଥାନୀୟ ଅଂଚଳର ଲୋକେ ଭୟଭୀତ ହୋଇପଡିଥିଲେ । ଘଟଣା ସ୍ଥଳେ ଶହଶହ ସଂଖ୍ୟାରେ ଲୋକେ ଜମାହୋଇଯାଇଥିଲା ବେଳେ ବିଭାଗୀୟ ଯନ୍ତ୍ରୀଙ୍କୁ ଲୋକେ ଘେରାଉ କରିଥିଲେ । ସୂଚନା ଯୋଗ୍ୟଯେ, ଭାରତ ପେଟ୍ରୋଲିୟମ କର୍ପୋରେସନ ଲିମିଟେଡ ପକ୍ଷରୁ କେନ୍ଦୁଝର ଓ ଯାଜପୁର ଜିଲା ଦ୍ୱୟରେ ଘରେ ଘରେ ପାଇପ ଯୋଗେ ରନ୍ଧନ ଗ୍ୟାସ ଯୋଗାଣ ନିମନ୍ତେ ଯାଜପୁର ଜିଲାର ଛୋଟରାୟପୁର ଠାରେ ସିଟି ଗ୍ୟାସ ଷ୍ଟେସନ ସ୍ଥାପନ କରାଯାଇଥିଲା । ଷ୍ଟେସନର କାର୍ଯ୍ୟ ପୂର୍ବଙ୍ଗ ହୋଇସାରିଥିଲେହେଁ ଯୋଗାଣ କାର୍ଯ୍ୟ ବାକି ରହିଥିଲା । ନିର୍ବାଚନ ପୂର୍ବରୁ ତାହାକାର୍ଯ୍ୟକ୍ଷମ କରାଯିବା ନିମନ୍ତେ ଷ୍ଟେସନରେ ନିର୍ମିତ ୪୦୦କେଜି ସିଲିଣ୍ଡରାର ପାଂଚ ନିମନ୍ତେ ପ୍ରାକୃତିକ ଗ୍ୟାସ ଭରା ଯାଇଥିଲା ।
ଷ୍ଟେସନରେ ୪୦୦କେଜିର ସିଲିଣ୍ଡର ଲାଗିଥିଲା ବେଳେ ଟେଷ୍ଟ ଲାଗି ୨୫୦କେଜିର ପ୍ରାକୃତିକ ଗ୍ୟାସ ଭରାଯାଇଥିଲା । ହେଲେ ଏକ ସିଲିଣ୍ଡରରେ ଲିକେଜ ହେବାରୁ ଏୟାର ପ୍ରେସରରେ ପ୍ରଚଣ୍ଡ ଶବ୍ଦ କରିଥିଲା । ଏହା ରନ୍ଧନ ଗ୍ୟାସ(ଜିଏନଜି) ନୁହେଁ; ପରୀକ୍ଷାମୂଳକ ଭାବେ ପ୍ରାକୃତିକ ଗ୍ୟାସ ଭରାଯାଇଥିଲା । ଏହି ଗ୍ୟାସ କ୍ଷତିକାରକ ନୁହେଁ; ତେଣୁ ଭୟଭୀତ ହେବାର କୌଣସି କାରଣ ନାହିଁବୋଲି କହିଥିଲେ । କିନ୍ତୁ ପ୍ରାକୃତିକ ହେଉ ବା’ ରନ୍ଧନ ଗ୍ୟାସ ହେଉ, ଯେତେବେଳେ ଷ୍ଟେସନରେ ଗ୍ୟାସ ଭରାଗଲା ସେ ନେଇ ଲୋକଙ୍କୁ କାହିଁକି ସଚେତନ ସ୍ବରୂପ ସୂଚନା ଦିଆଗଲା ନାହିଁ ବୋଲି ପ୍ରତିବାଦ କରିଥିଲେ ।
ଇଂ ଶ୍ରୀ ସାମଲ ଉଚ୍ଚ କର୍ତ୍ତୃପକ୍ଷଙ୍କ ଅବଗତକରି ତୁରନ୍ତ ସଚେତନ କରାଯିବାର ବ୍ୟବସ୍ଥା କରାଯିବ ବୋଲି ପ୍ରତିଶ୍ରୁତି ଦେଇଥିଲେ । ହେଲେ ଉତ୍ୟକ୍ତ ଲୋକେ ସଠିକ ମରାମତି ଓ ସଚେତନ କରାନଯିବା ଯାଏ ଷ୍ଟେସନରେ କେହି ଅଧିକାରୀ କି କର୍ମଚାରୀ ରହିପାରିବେ ନାହିଁ ବୋଲି ଦୃଢ ଦାବିକରି ରି ସମସ୍ତଙ୍କୁ ଷ୍ଟେସନ ପରିସରରୁ ବାହାର କରିଦେଇଥିଲେ । ଗ୍ୟାସ ଷ୍ଟେସନରୁ ସୃଷ୍ଟ ଶବ୍ଦ ଓ ନିର୍ଗତ ଦୁର୍ଗନ୍ଧ ଗ୍ୟାସ ଯୋଗୁ ଆଂଚଳବାସୀ ଆତଙ୍କିତ ଅବସ୍ଥାରେ ଅଛନ୍ତି l
