କଟକ ଜିଲ୍ଲା ମଙ୍ଗୁଳି ଛକ ଓ ତ୍ରିଶୁଳିଆ ଛକରୁ ୧୬ ଲକ୍ଷ୍ୟ ଟଙ୍କାର ଚୋରା ଗଞ୍ଜେଇ ଜବତ

୬ ଫେବୃଆରୀ ୨୦୨୪ (ଓଡିଶା ତାଜା ନିୟୁଜ) କଟକ :- ରାଜ୍ୟ ଅବକାରୀ ବିଭାଗ ଫ୍ଲାଇଙ୍ଗ ସ୍ୱ୍।ର୍ଡ଼ ପକ୍ଷରୁ ମଙ୍ଗଳବାର ଦିନ ଦୁଇଟି ସ୍ଥାନରେ ଚଢ଼ାଉ କରାଯାଇ ୧୬ ଲକ୍ଷ୍ୟ ୧୦ ହଜାର ଟଙ୍କା ମୂଲ୍ୟର ୧୬୧ କେଜି ଚୋରା ଗଞ୍ଜେଇ ଜବତ କରାଯାଇଛି । ଏହି ଘଟଣାରେ ସଂପୃକ୍ତ ୩ ଜଣ ଅଭିଯୁକ୍ତଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ଚୋରା ଗଞ୍ଜେଇ କାରବାରରେ ବ୍ୟବହୃତ ଦୁଇଟି ମାରୁତି ଡିଜେଆର କାରକୁ ଜବତ କରାଯାଇଛି । ଚୋରାରେ ଗଞ୍ଜେଇ ଚାଲାଣ ହେଉଥିବା ଖବର ପାଇ ଅବକାରୀ ବିଭାଗର କମିଶନର ନରସିଂହ ଭୋଳଙ୍କ ନିର୍ଦ୍ଦେଶ କ୍ରମେ ସୁପରିଟେଣ୍ଡେଣ୍ଟ ସିଦ୍ଧେଶ୍ୱର ବ୍ରେସରା ଏବଂ ତାଙ୍କର ଅଫିସର ମାନେ କଟକ ବାଲେଶ୍ଵର ଜାତୀୟ ରାଜପଥର ମଙ୍ଗୁଳି ଛକ ଏବଂ ବାଙ୍କୀ ବାରଙ୍ଗ ରାସ୍ତା ର ତ୍ରିଶୁଳିଆ ଛକଠାରେ ଅପେକ୍ଷା କରିଥିଲେ । ଖବର ପାଇଥିବା କାର ଦୁଇଟି ପହଂଚିବା ମିତ୍ରେ ଗାଡ଼ି କୁ ଅଟକାଇ ଯାଞ୍ଚ କରିବାରୁ ଗଡିରେ ଗଞ୍ଜେଇ ଥିବା ଦେଖିବାକୁ ପାଇ ଗାଡ଼ିରେ ଥିବା ବ୍ୟକ୍ତିଙ୍କୁ ଧରିବାରେ ସକ୍ଷମ ହୋଇଥିଲେ ।ମଙ୍ଗୁଳି ଛକରେ ଧରାପଡିଥିବା ଗଞ୍ଜେଇ ଗାଡ଼ିଟି ଅନୁଗୁଳରୁ କଲିକତା ଅଭିମୁଖେ ଗଞ୍ଜେଇ ନେଇ ଯାଉଥିଲା । ଏହି ଗାଡ଼ିରେ ବିହାର ଅଞ୍ଚଳର ଜଣେ ଚୋରା ଗଞ୍ଜେଇ ବେପାରୀକୁ ଅବକାରୀ ପୋଲିସ ଗିରଫ କରିଥିଲା ବେଳେ, ତ୍ରିଶୁଳିଆ ଛକରୁ ଧରାପଡିଥିବା କାରଟି ଭୁବନେଶ୍ୱରରୁ କଲିକତା ଅଭିମୁଖେ ଗଞ୍ଜେଇ ନେଇ ଯାଉଥିବା ଦୁଇ ଜଣଙ୍କୁ ମଧ୍ୟ ଗିରଫ କରାଯାଇଛି ।