ଖୁବ୍ ଶିଘ୍ର ଚାଲିବ ଲକ୍ଷ୍ମୀ ବସ୍,ଅପେକ୍ଷା ରେ ଜିଲ୍ଲାବାସୀ

୨ ଫେବୃଆରୀ ୨୦୨୪ (ଓଡିଶା ତାଜା ନ୍ୟୁଜ) ଦଶପଲ୍ଲା :- ନୟାଗଡ଼ ଜିଲ୍ଲାରେ ଗଡ଼ିବ ୩୮ ଲକ୍ଷ୍ମୀ ବସ । ଏଥପାଇଁ ଆଞ୍ଚଳିକ ପରିବହନ ବିଭାଗ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି । ଜିଲ୍ଲାର କୋଣ ଅନୁକୋଣରୁ ସହରକୁ ଯାତାୟତ ପାଇଁ ଏହି ବସସେବା ରାଜ୍ୟ ସରକାର ଆରମ୍ଭ କରୁଛନ୍ତି । ନୟାଗଡ଼ ଜିଲ୍ଲାରେ ଫେବୃୟାରୀ ଦ୍ୱିତୀୟ ସପ୍ତାହରେ ଲକ୍ଷ୍ମୀବସ ସେବା ଶୁଭାରମ୍ଭ ହେବାର ସମ୍ଭାବନା ରହିଛି । ଏଥୂପାଇଁ ଜିଲ୍ଲାରେ ୨୯୭ଟି ଷ୍ଟପେଡ୍‌ ନିର୍ମାଣ କରିବାକୁ ଯୋଜନା ପ୍ରସ୍ତୁତ ହୋଇଛି । ପୂର୍ବରୁ ଜିଲ୍ଲାରେ ରହିଥିବା ୭୪ ବିସ୍ପଷ୍ଟପକୁ ପ୍ରାଥମିକ ପର୍ଯ୍ୟାୟରେ ଗୁରୁତ୍ବ ଦିଆଯାଇଛି। ସେଥ୍ ମଧ୍ୟରୁ ୫୭ଟି ଷ୍ଟପେଜ୍ ମରାମତି କାର୍ଯ୍ୟ ସରିଛି ।ବଳକା ୨୨୩ଟି ନୂତନ ବସ୍ୱପ ନିର୍ମାଣ କରାଯିବ ବୋଲି ଆଞ୍ଚଳିକ ପରିବହନ ଅଧିକାରୀ ପ୍ରଶାନ୍ତ କୁମାର ପରିଡ଼ା ସୂଚନା ଦେଇଛନ୍ତି | ତାହା ମଧ୍ୟରୁ ୯୫ଟିର କାର୍ଯ୍ୟ ଆରମ୍ଭ ହୋଇ ସାରିଛି । ରାଜ୍ୟ ସରକାର ଲୋକଙ୍କୁ ଯାତାୟତ ସୁବିଧା ପାଇଁ ୫ ଟଙ୍କା ଏବଂ ୧୦ ଟଙ୍କା ମୂଲ୍ୟ ବିନିମୟରେ ବସ ସେବା ଯୋଗାଇ ଦେବାକୁ ଲକ୍ଷ ରଖୁଛନ୍ତି । ଅନ୍ୟ ଜିଲ୍ଲାରେ ଏହି ସେବା ଆରମ୍ଭ ହୋଇ ସାରିଛି। ନୟାଗଡ଼ ଜିଲ୍ଲାର ୮ଟି ବ୍ଲକର ୧୯୪ଟି ପଞ୍ଚାୟତକୁ ଏହି ସେବା ମିଳିବ । ମୁଖ୍ୟତଃ ଆଦିବାସୀ ଓ ସୁଷିତ ତଥା ଉପାନ୍ତ ଅଞ୍ଚଳ ଗୁଡିକୁ ଯାତାୟତ ପାଇଁ ଲକ୍ଷ୍ମୀ ବସ ସେବା ବେଶ ସହାୟକ ହେବ। ନୟାଗଡ଼ ଜିଲ୍ଲାର ରଣପୁର, ନୂଆଗାଁ, ଦଶପଲ୍ଲା, ଗଣିଆ ବ୍ଲକ ପାଇଁ ଲକ୍ଷ୍ମୀବସ ସେବା ଅତ୍ୟନ୍ତ ଗୁରୁତ୍ୱପୂର୍ଣ ଭାବେ କାର୍ଯ୍ୟ କରିବ । ନୟାଗଡ଼ ଜିଲ୍ଲା ଆଦିବାସୀ ତଥା ଉପାନ୍ତ ଅଞ୍ଚଳରେ ଗଣିଆ ଯାତ୍ରୀବାହୀ ବସ୍ ସେବା ନଥିବାରୁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଗଣିଆଠାରୁ ଛାମୁଣ୍ଡିଆ ୧୫ କିଲୋମିଟର ଦୂର ହୋଇଥିବା ବେଳେ ବଡସିଲିଙ୍ଗାଠାରୁ ଗଣିଆ ୩୫ କିଲୋମିଟର ଦୂର । ଗଣିଆଠାରୁ ନୟାଗଡ଼ ୬୦ କିଲୋମିଟର ଦୂରତା ଅଟେ । ଦୈନିକ ଯାତ୍ରୀବାହୀ ବସ୍ ଚଳାଚଳ ହେଉନଥିବାରୁ ବ୍ୟକ୍ତିଗତ ଭାବେ ଅଟୋ କିମ୍ବା ଅନ୍ୟ ଯାନବାହନ ଭଡା କରି ବହୁ ଅର୍ଥ ବ୍ୟୟ କରି ଯାତାୟତ କରିଥାନ୍ତି । ରାଜ୍ୟ ସରକାର ଲକ୍ଷ୍ମୀ ଯୋଜନାରେ ଛାମୁଣ୍ଡିଆ କିମ୍ବାବଡସିଲିଙ୍ଗାକୁ ନୟାଗଡ଼ ବସ୍ ଚଳାଚଳ କରାଗଲେ ଏହି ଅଞ୍ଚଳବାସୀଙ୍କ ସମସ୍ୟାର ହୋଇପାରିବ ବୋଲି ଆଶା କରିଛନ୍ତି । ନୟାଗଡ଼ ଜିଲ୍ଲାରେ ଗଣିଆ, ଖଣ୍ଡପଡ଼ା, ରଣପୁରଠାରେ ବସଷ୍ଟାଣ୍ଡ ନିର୍ମାଣ ଶେଷ ହୋଇଥିବା ବେଳେ ଓଡଗାଁଠାରେ ନୂତନ ବସଷ୍ଟାଣ୍ଡ ନିର୍ମାଣ ଶେଷ।ହୋଇଛି । ନୟାଗଡ଼ ନୂଆବସଷ୍ଟାଣ୍ଡ ମଧ୍ୟ କାର୍ଯ୍ୟକ୍ଷମ ହୋଇ ସାରିଛି । ଫଳରେ ପ୍ରାଥମିକ ପର୍ଯ୍ୟାୟରେ ବସ ଚଳାଚଳ ପାଇଁ କୌଣସି ଅସୁବିଧା ନାହିଁ କହିଲେ ଅତ୍ୟୁକ୍ତି ହେବ ନାହିଁ । ତେବେ ନୟାଗଡ଼ ଜିଲ୍ଲାବାସୀ ଲକ୍ଷ୍ମୀବସ ସେବା ଶୁଭାରମ୍ଭ ଅପେକ୍ଷାରେ ରହିଛନ୍ତି ।