ପ୍ରଥମ ସ୍ତ୍ରୀ ର ବିନା ସହମତି ରେ ସ୍ବାମୀ କଲା ଦ୍ଵିତୀୟ ବିବାହ

• ବିବାହ ରୋକିବା ପାଇଁ ବେଦୀ ରେ ପହଞ୍ଚଲା ପ୍ରଥମ ସ୍ତ୍ରୀ ।

• ସ୍ବାମୀ ଙ୍କ ନକଳି ଛାଡ଼ପତ୍ର ଦେଖି ତଦନ୍ତ ନକରି ପୁଲସି ଦ୍ଵିତୀୟ ବିବାହ ରେ ସହଯୋଗ କରିଥିବା ନେଇ ଅଭିଯୋଗ କଲା ପ୍ରଥମ ସ୍ତ୍ରୀ ।

୧ ଫେବୃଆରୀ ୨୦୨୪ (ଓଡିଶା ତାଜା ନ୍ୟୁଜ) ପାଟଣାଗଡ :-  ପ୍ରଥମ ସ୍ତ୍ରୀ ର ବିନା ସହମତି ରେ ସ୍ବାମୀ ଦ୍ଵିତୀୟ ବିବାହ କରୁଥିବା ନେଇ ପ୍ରଥମ ସ୍ତ୍ରୀ ର ହସ୍ତକ୍ଷେପ ପରେ ମଧ୍ୟ ସ୍ବାମୀ ର ପରିବାର ବର୍ଗ ଜୋର୍ ଜବରଦସ୍ତ ସ୍ଵାମୀ ଙ୍କୁ ଦ୍ଵିତୀୟ ବିବାହ କରାଇଥିଲେ । ଏପରି ଏକ ଘଟଣା ଘଟିଛି ବଲାଙ୍ଗିର ଜିଲ୍ଲା ପାଟଣାଗଡ଼ ଏନଏସି ଗଡ଼ ଭିତର ସ୍ଥିତ ଭୁଲିଆ ଧର୍ମଶାଳା ଠାରେ । ଅଭିଯୋଗ ଅନୁସାରେ ସମ୍ବଲପୁର ବୁର୍ଲା ସ୍ଥିତ ନାରାୟଣ ବାଗ ଙ୍କ ଝିଅ ପ୍ରିୟମ୍ବଦା ଗତ ୨୦୧୫ ମସିହା ଅପ୍ରେଲ ୨୯ ତାରିଖ ଦିନ ରାଉଲକେଲ ଜଗତା ର କନ୍ଦର୍ପ ହରିପାଲ ଙ୍କ ପୁଅ ଓମ୍ ପ୍ରକାଶ ଙ୍କୁ ସାମାଜିକ ରୀତିନୀତି ରେ ବିବାହ କରିଥିଲେ । ବିବାହ ପରେ ଓମପ୍ରକାଶ ତାଙ୍କ ସ୍ତ୍ରୀ ପ୍ରିୟମ୍ବଦା ଙ୍କୁ ସେ ଚାକିରି କରୁଥିବା ମଧ୍ୟପ୍ରଦେଶର ସିଙ୍ଗୋର୍ଲାଗର୍ବି ସ୍ଥିତ ଏକ ଭଡ଼ା ଘରେ ନେଇ ରଖିଥିଲେ । ଭଡା ଘରେ ପ୍ରିୟମ୍ବଦା ତାଙ୍କ ଶାଶୁ ଓ ସ୍ବାମୀ ଙ୍କ ସହ ଏକାଠି ରହୁଥିଲେ । ବିବାହ ର କିଛି ଦିନ ପରେ ସ୍ବାମୀ ଓ ତାଙ୍କ ଶାଶୁ ମାଆ ପ୍ରିୟମ୍ବଦା ଙ୍କୁ ନଗଦ ୪ ଲକ୍ଷ ଟଙ୍କା ,କାର ,ଏଲଇଡି ଟିଭି ପ୍ରଭୃତି ବାପା ଘରୁ ଆଉ ଥରେ ଆଣିବାକୁ କହିଥିଲେ । ବାପ ଘର ଲୋକେ ଏସବୁ ଦେବାକୁ ଅର୍ସମଥ ହେବାପରେ ସ୍ବାମୀ ଓ ଶାଶୁ ମିଶି ପ୍ରିୟମ୍ବତା ଙ୍କୁ ଶାରିରୀକ ,ମାନସିକ ନିର୍ଯ୍ୟାତନା ଦେଇ ଆସୁଥିଲେ ଏପରିକି ଦିନେ ସ୍ବାମୀ ଓ ଶାଶୁ ମିଶି ଘର ଝରକା ଓ କବାଟ ବନ୍ଦ କରି ପ୍ରିୟମ୍ବଦା ଙ୍କୁ ଜୀବନରେ ମାରିବାକୁ ଉଦ୍ୟମ କରୁଥିଲେ ।ପ୍ରିୟମ୍ବଦା ଙ୍କ ଚିତ୍କାର ଶୁଣି ପଡୋଶୀ ଲୋକେ ତାଙ୍କୁ ଉଦ୍ଧାର କରିଥିଲେ ।ତା ପରଦିନ ଓମ ପ୍ରକାଶ ମୋ ର ଭୁଲହେବା ସହ ଆଉ କେବେ ବି ଏମିତି କରିବା ନାହିଁ ।ତୁମେ ଏ ଘଟଣା ବିଷୟ ରେ ପୁଲିସ କୁ ଜଣାଅ ନାହିଁ ବୋଲି କାକୁତିମିନତି ହୋଇ ଅନୁରୋଧ କରି ପ୍ରିୟମ୍ବଦା ଙ୍କୁ ସାଥିରେ ନେଇ ଗାଁ କୁ ପଲାଇ ଆସିଥିଲେ । ନଵବିବାହିତ ସ୍ତ୍ରୀ ଜଣକ ସ୍ବାମି ଙ୍କୁ ବିଶ୍ଵାସ କରି ତାଙ୍କ ଶାଶୁ ଘରେ ରହିବାକୁ ଲାଗିଲେ ।ସ୍ବାମୀ ଚାକିରି କରୁଥିବାରୁ ସେ ଯିବା ଆସିବା କରୁଥିଲେ ।ସ୍ବାମୀ ଙ୍କ ଅନୁପସ୍ଥିତି ରେ ତାଙ୍କ ବଡ ଭଉଣୀ ଓ ଭେଣେଇ ପ୍ରିୟମ୍ବଦା ଙ୍କୁ ଅକଥନୀୟ ନିର୍ଯ୍ୟାତନା ଦେଇ ଆସୁଥିଲେ । ସ୍ବାମୀ ର ମୁହଁ କୁ ଚାହିଁ ପ୍ରିୟମ୍ବଦା ଏକ ବର୍ଷ ପର୍ଯ୍ୟନ୍ତ କଷ୍ଟେମଷ୍ଟେ ନିର୍ଯ୍ୟାତନା ସହି ରହୁଥିଲେ । ପରେ ସ୍ବାମୀ ମଧ୍ୟ ତାଙ୍କୁ ବାରମ୍ବାର ଯୌତୁକ ନିର୍ଯ୍ୟାତନା ଦେବାରୁ ପରିଶେଷ ରେ ପ୍ରିୟମ୍ବଦା ନିଜ ବାପ ଘରକୁ ଆସି ରହୁଥିଲେ । ଯାହାକୁ ନେଇ ପ୍ରିୟମ୍ବଦା ଆଇନ ର ଦ୍ଵାରସ୍ଥ ହୋଇ ଫେମିଲି କୋର୍ଟ ରେ ଅଭିଯୋଗ କରିଥିଲେ । କୋର୍ଟ ରେ ଆଇନ ପ୍ରକ୍ରିୟା ବର୍ତ୍ତମାନ ପର୍ଯ୍ୟନ୍ତ ଶେଷ ହୋଇ ନଥିବା ବେଳେ ତାଙ୍କ ସ୍ବାମୀ ଓମ୍ ପ୍ରକାଶ ପାଟଣାଗଡ଼ ଥାନା କୁତମୁଣ୍ଡା ଗାଁ ର ଉଗ୍ରେ ନାଗ ଙ୍କ ଝିଅ ତପସ୍ଵିନୀ ଙ୍କୁ ଦ୍ଵିତୀୟ ବିବାହ କରିବାର ଖବର ପାଇଥିଲେ । ଏହା ପରେ ପ୍ରିୟମ୍ବଦା ପ୍ରଥମେ ବୁର୍ଲା ଓ ପରେ ପାଟଣାଗଡ଼ ଥାନା ରେ ଗତ ୧୧ ତାରିଖ ଦିନ ଘଟଣା ସମ୍ପର୍କ ରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପରେ ମଧ୍ୟ ପୁଲିସ କୌଣସି ପ୍ରକାର ପଦକ୍ଷେପ ନ ନେବାରୁ ପ୍ରିୟମ୍ବଦା ଏସପି ଙ୍କ ଦ୍ଵାରସ୍ଥ ମଧ୍ୟ ହୋଇଥିଲେ ।ତଥାପି ମଧ୍ୟ ପ୍ରିୟମ୍ବଦା ନ୍ୟାୟ ପାଇପାରିନଥିଲେ । ଗତ କାଲି ତାଙ୍କ ସ୍ବାମୀ ଧର୍ମଶାଳାରେ ଦ୍ଵିତୀୟ ବିବାହ ହେଉଥିବା ଖବର ପାଇ ପ୍ରିୟମ୍ବଦା ତାଙ୍କ ବାପା ମାଆ ଓ ପରିବାର ବର୍ଗ ସହ ବିବାହ ମଣ୍ଡପରେ ପହଞ୍ଚିଥିଲେ ।ପ୍ରିୟମ୍ବଦା ତାଙ୍କ ସ୍ବାମୀ ଙ୍କ ଦ୍ଵିତୀୟ ବିବାହ ରୋକିବାକୁ ଚେଷ୍ଟା କରୁଥିବା ସମୟରେ ଓମ୍ ପ୍ରକାଶ ଙ୍କ ଭିଣେଇ ଓ ତାଙ୍କ ପରିବାର ବର୍ଗ ପ୍ରିୟମ୍ବଦା ଙ୍କୁ ମାଡ଼ ମାରି ଘୋଉଡାଇ ଦେଇଥିଲେ । ପ୍ରିୟମ୍ବଦା ବିବାହ ବନ୍ଦ କରିବାରେ ଅଟଳ ରହିବାରୁ ଓମପ୍ରକାଶ ଙ୍କ ଭିଣେଇ ପୁଲିସ କୁ ଖବର ଦେଇଥିଲେ ।ପୁଲିସ ଘଟଣା ସ୍ଥଳରେ ପହଞ୍ଚି ପ୍ରିୟମ୍ବଦା ଓ ତାଙ୍କ ପରିବାର ବର୍ଗ ଙ୍କୁ ଥାନା ଙ୍କୁ ଆଣିଥିଲା । ଏହା ପରେ ପୁଲିସ ବର ପକ୍ଷକୁ ଡାକିଥିଲା । ବରପକ୍ଷ କୋର୍ଟ ର ଏକ ନକଳି ଛାଡ଼ ପତ୍ର ଦେଖାଇବା ରୁ ପୁଲିସ ଏହାର ସତ୍ୟାସତ୍ୟ ତଦନ୍ତ ନ କରି ବର ପକ୍ଷକୁ ବିବାହ କରିବା ରେ ସହଯୋଗ କରିଥିବା ପ୍ରିୟମ୍ବଦା ଅଭିଯୋଗ କରିଛନ୍ତି । ଏପରି କି ପାଟଣାଗଡ଼ ଥାନା ପରିସର ରେ ପ୍ରିୟମ୍ବଦା ଥାନା ଅଧିକାରୀ ଙ୍କୁ ଆପଣ କେତେ ଟଙ୍କା ଖାଇ ସହଯୋଗ କରୁଛନ୍ତି ବୋଲି କହିବାରୁ ଥାନା ଅଧିକାରୀ ଉଭୟ ପକ୍ଷକୁ ଏତଲା ଦେବାକୁ କହିଥିଲେ । ଏହାପରେ ଉଭୟ ପକ୍ଷରୁ ଲିଖିତ ଅଭିଯୋଗ ହୋଇଥିବା ପୁଲିସ ସୂତ୍ରରୁ ଜଣାପଡିଛି ।