୧୧ ଜାନୁଆରୀ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ବୋଲଗଡ :-> ରାଜ୍ୟ ସରକାରଙ୍କ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ନିର୍ଦେଶକ୍ରମେ ବୋଲଗଡ ଶିକ୍ଷା ବ୍ଲକ ଅନ୍ତର୍ଗତ ପିଚୁକୁଳିସ୍ଥିତ ବୀଣାପାଣି ବିଦ୍ୟାମନ୍ଦିର ଓ ଅସରଳାସ୍ଥିତ ହରିହର ବିଦ୍ୟାପୀଠର ମିଳିତ ଆନୁକୂଲ୍ୟରେ ପଞ୍ଚାୟତ ସ୍ତରୀୟ ଆଦ୍ରଭୂମି ସଂରକ୍ଷଣ ଓ ଜଳ ସଂରକ୍ଷଣ ସୁରକ୍ଷା ସଚେତନତା କାର୍ଯ୍ୟକ୍ରମ ବୁଧବାର ଦିନ ଅନୁଷ୍ଠିତ ହୋଇଯାଇଛି l ଭୁବନେଶ୍ୱରସ୍ଥିତ ପରିବେଶ ଶିକ୍ଷଣ କେନ୍ଦ୍ର ସହାୟତାରେ ଓ ପ୍ରଧାନ ଶିକ୍ଷକ ପାଣ୍ଡଵ ସାହୁ, କ୍ଷେତ୍ରମୋହନ ରଣା ପ୍ରମୁଖଙ୍କ ମିଳିତ ଆବାହକତ୍ୱରେ ଆଦ୍ରଭୂମି ସଂରକ୍ଷଣ ଓ ଜଳ ସଂରକ୍ଷଣ ସୁରକ୍ଷା ସଚେତନତା ରାଲି କରାଯାଇ ଅସରଳା ଗ୍ରାମ୍ୟ ପରିକ୍ରମା କରାଯାଇଥିଲା l
ଏହି ସଚେତନତା କାର୍ଯ୍ୟକ୍ରମରେ ସଂଯୋଜକ ଭାବରେ ଭୁବନେଶ୍ୱର ସ୍ଥିତ ଜଙ୍ଗଲ ଓ ପରିବେଶ ଶିକ୍ଷଣକେନ୍ଦ୍ରର କ୍ଷେତ୍ରଅଧିକାରୀ ଭରତ ଚନ୍ଦ୍ର ଜେନା, ବୀଣାପାଣି ବିଦ୍ୟାମନ୍ଦିରର ଉପାଧ୍ୟାକ୍ଷା ପ୍ରମୋଦିନୀ ମହାପାତ୍ର, ସହକାରୀ ଶିକ୍ଷୟତ୍ରୀ ସୁନିତା ସାହୁ, ବିନୋଦିନୀ ସାହୁ ଏବଂ ହରିହର ବିଦ୍ୟାପୀଠର ସହକାରୀ ଶିକ୍ଷକ ପ୍ରସନ୍ନ କୁମାର କର ପ୍ରମୁଖ ସହଯୋଗ କରି ପରିଚାଳନା କରିଥିଲେ l ଏହି ଆଦ୍ରଭୂମି ସଂରକ୍ଷଣ ଓ ଜଳ ସଂରକ୍ଷଣ ସୁରକ୍ଷା ସଚେତନତା କାର୍ଯ୍ୟକ୍ରମରେ 100 ଜଣ ଛାତ୍ରଛାତ୍ରୀମାନେ ଯୋଗଦେଇ ଗାଁ ଗାଁ ବୁଲି ଜଳ ସଂରକ୍ଷଣ, ପରିବେଶ ସୁରକ୍ଷା, ଜଳବାୟୁ ସୁରକ୍ଷା ଓ ନୂତନ ବୃକ୍ଷରୋପଣ କରିବାକୁ ହାତରେ ବ୍ୟାନର ଓ ପ୍ଲାଏ କାର୍ଡ ଧରି ସ୍ଲୋଗାନ ଦେଇ ଲୋକମାନଙ୍କୁ ବୁଝାଇଥିଲେ l
ମା, ମାଟି, ପରିବେଶ, ଜଳବାୟୁ, ଜଳ ସଂରକ୍ଷଣ ଓ ମାତୃଭାଷାକୁ ଭଲପାଇବା ପାଇବା ତଥା ଏହାର ସୁରକ୍ଷା କରିବା ପାଇଁ କ୍ଷେତ୍ରୀୟ ଅଧିକାରୀ ଭରତ ଚନ୍ଦ୍ର ଜେନା ଛାତ୍ରଛାତ୍ରୀ ଓ ଲୋକମାନଙ୍କୁ ପରାମର୍ଶ ଦେଇଥିଲେ l ଏହି ସଚେତନତା କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଅସରଳା ଗ୍ରାମପଞ୍ଚାୟତ ସରପଞ୍ଚ ଶୁଭଲକ୍ଷ୍ମୀ ସୁନ୍ଦରାୟ, ମୁଖ୍ୟବକ୍ତା ଭାବେ କ୍ଷେତ୍ରୀୟ ଅଧିକାରୀ ଭରତ ଚନ୍ଦ୍ର ଜେନା ଓ ସଂମ୍ମାନିତ ଅତିଥିଭାବେ ସମିତିସଭ୍ୟା ସୁମିତ୍ରା ମହାପାତ୍ର, ୱାର୍ଡସଭ୍ୟ ଦିଲ୍ଲୀପ କୁମାର ସାମନ୍ତରାୟ ପ୍ରମୁଖ ଯୋଗଦେଇଥିଲେ l
ଦିନମଜୁରିଆ ଲୋକମାନଙ୍କ ସହାୟତାରେ ଅସରଳା ଗ୍ରାମର ବ୍ରାହ୍ମଣ ସାହି ସ୍ଥିତ ମଙ୍ଗଳା ପୋଖରୀ ଦଳ ସଫେଇ କାର୍ଯ୍ୟକ୍ରମ କରାଯାଇଥିଲା ଏବଂ ସମସ୍ତ ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀମାନେ ପରିବେଶ ସୁରକ୍ଷା ଓ ଜଳ ସଂରକ୍ଷଣ ପାଇଁ ସ୍ୱଚ୍ଛ ଭାରତ କାର୍ଯ୍ୟକ୍ରମରେ ସାମିଲ ହୋଇ ଗ୍ରାମ ସଫେଇ ଓ ପୋଖରୀ ପାହାଚ ସଫେଇ କାର୍ଯ୍ୟ କରିଥିଲେ l ସୁସ୍ଥ ପରିବେଶ ଓ ନିର୍ମଳ ଜଳବାୟୁ ସମସ୍ତଙ୍କୁ ନୀରୋଗ ରଖିଥାଏ ବୋଲି ମୁଖ୍ୟ ଅତିଥି ଶୁଭଲକ୍ଷ୍ମୀ ସୁନ୍ଦରାୟ ଛାତ୍ରଛାତ୍ରୀ ଓ ଗ୍ରାମବାସୀ ମାନଙ୍କୁ ବୁଝାଇଥିଲେ l ପରିଶେଷରେ ପ୍ରଧାନ ଶିକ୍ଷକ ପାଣ୍ଡଵ ସାହୁ ସମସ୍ତଙ୍କୁ ଧନ୍ୟବାଦ ସୁସ୍ଥ ତଥା ନୀରୋଗ ଜୀବନ କାମନା କରି ଧନ୍ୟବାଦ ଅର୍ପଣ କରିଥିଲେ l
