ରାଣୀଓଳା ପଞ୍ଚାୟତରେ ବିଜେପିର ମିଶ୍ରଣ ପର୍ବ : ଯୋଗଦେଲେ ମନମୋହନ ସାମଲ – ଏଥର ବିଜେଡି ଗଡରେ ପଦ୍ମ ଫୁଟିବ

୨୧ ଡିସେମ୍ବର ୨୦୨୩ (ଓଡ଼ିଶା ତାଜାନ୍ୟୁଜ ) ନିଆଳି :->  କଟକ ଜିଲ୍ଲା ନିଆଳି ବ୍ଳକ ରାଣିଓଳା ପଞ୍ଚାୟତ ବରିଣଷ ଠାରେ ବିଜେପି ପକ୍ଷରୁ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଏଥର ବିଜେଡି ଗଡରେ ପଦ୍ମ ଫୁଟିବ ବୋଲି କୁହା ଯାଇଛି । ଏହି ମିଶ୍ରଣ ପର୍ବରେ ରାଜ୍ଯ ବିଜେପି ସଭାପତି ମନ ମୋହନ ସାମଲ ଯୋଗଦେଇ ବିଜେଡି ସରକାରଙ୍କୁ ବିଭିନ୍ନ ଯୋଜନାର ଛନ୍ଦିବା ସହିତ ଚିଟଫଣ୍ଡ ଠକେଇ କଥା କହିଥିଲେ,ପ୍ରଧାନମନ୍ତ୍ରୀ ଆବାସ ଯୋଜନା, ଉଜ୍ଜ୍ୱଳ ଯୋଜନା, ମାଗଣା ଚାଉଳ ଯୋଜନା, ଚାଷୀ ସମସ୍ୟା , ଜଳ ସେଚନ ସମସ୍ୟା, ଧାନ ମଣ୍ଡି ସମସ୍ୟା ଏମିତି ଅନେକ ସମସ୍ୟା ଛନ୍ଦି ହୋଇଛି ଓଡିଶା । ବିଜେଡି ହଟିବ ବିଜେପି ଆସିବ ଓଡିଶା ବିକଶିତ ହେବ ବୋଲି କହିଥିଲେ । ଅନ୍ୟମାନଙ୍କ ମଧ୍ୟରେ ସୂର୍ଯ୍ୟବଂଶୀ ସୂରଜ ଧାମନଗର ବିଧାୟକ, ପୂର୍ବତନ ସାଂସଦ ତଥା ବିଜେପି ନେତା ବିଭୁପ୍ରସାଦ ତରାଇ, ରାଜ୍ୟ ମଖ୍ଯପାତ୍ର ରାଜେନ୍ଦ୍ର ପ୍ରସାଦ ପଣ୍ଡା,

ରାଜ୍ୟ ସମ୍ପାଦକ ଜତିନ ପଣ୍ଡା, ନିଆଳି ବିଜେପି ନେତା ଛବି ମଲ୍ଲିକ ଏବଂ ଅଭିମନ୍ୟୁ ମଲ୍ଲିକଙ୍କ ସମେତ ବହୁ ନେତା ଓ କର୍ମୀ ଯୋଗଦେଇଥିଲେ । ନିଆଳିରେ ଏଥର କିପରି ବିଜେପି ଜିତିବ ସେଥିପାଇଁ ନେତା ଓ କର୍ମୀ ନିଷ୍ଠାପର ସହିତ କାର୍ଯ୍ୟ କଲେ ନିଆଳିରେ ପଦ୍ମ ଫୁଟିବ ଏଥିରେ ସନ୍ଦେହ ନାହିଁ ବୋଲି ଉପସ୍ଥିତ ନେତା ଉପସ୍ଥିତ କର୍ମୀ ମାନଙ୍କୁ କହିଥିଲେ ।ନିଆଳିରେ ଚାଲିଥିବା ଦୁର୍ନୀତି,ଅନିତି ଓ ଭ୍ରଷ୍ଟାଚାର ବିରୋଧରେ ବିଜେପି ଲଢୁଛି ଏବଂ ଲୋକଙ୍କ ସହିତ ରହିଛି ବିଜେପି ଦଳ । ଆଜି ବିଜେପି ଦଳରେ ଲୋକେ ସାମିଲ ହୋଇଥିବାରୁ ନିଆଳିରେ ବିଜେପି ଶକ୍ତିଶାଳି ହୋଇଛି । ଏଥର ନିଆଳି ପରିବର୍ତ୍ତନ ହେବ ବୋଲି କହିଛନ୍ତି ବିଜେପି ନେତା । ରାଣୀଓଳା ପଞ୍ଚାୟତର ଜ୍ୟୋତି ରଞ୍ଜନ ମହାନ୍ତିଙ୍କ ସମେତ ଶତାଧିକ କର୍ମୀ ବିଜେପିରେ ଯୋଗଦାନ କରିଛନ୍ତି ।