୧୨ ଡିସେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ନିଆଳି :-> ବହୁବାର ଲିଖିତ ଅଭିଯୋଗ ଏବଂ ଧାରଣା ଦେବା ସତେ ସ୍ଥାନୀୟ ପ୍ରଶାସନ ଶୁଣିଲା ନାହିଁ । ଚାରିଆଡୁ ନିରାଶ ହେବା ପରେ ଆଜି ଶତାଧିକ ମହିଳା ନିଆଳି ବ୍ଲକ ବିଡ଼ିଓଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେବା ସହିତ ଦାବି ପୂରଣ ହେଲେ ଉଠିବୁ ନ ହେଲେ ଉଠିବୁ ନାହିଁ ବୋଲି ଜିଦ କରି ବସିଥିଲେ । ସେପଟେ ନିଆଳି ବିଡିଓ ଉଲ୍ଲାସ କୁମାର ସେଠି କହିବା କଥା ମିଟିଙ୍ଗ କରି ଫଇସା କରିବା ପାଇଁ କହିଛନ୍ତି ।
କିନ୍ତୁ ୧୧ ଟି ଏସ.ଏଚ.ଜି ମହିଳା ଗ୍ରୃପ ମଧ୍ୟରୁ ୧୦ ଟି ଗ୍ରୃପକୁ ଅନ୍ଧାର ରଖି ଆଞ୍ଚଳିକ ମଞ୍ଚର ସଭାନେତ୍ରୀ ଓ ସମ୍ପାଦିକା ନିଯୁକ୍ତି କରାଯାଇଛି ବୋଲି ଅଭିଯୋଗ କରି ଆସୁଛନ୍ତି ଧାରଣାରତ ୧୦ ଟି ଏସ.ଏଚ.ଜି ମହିଳା ଗୋଷ୍ଠୀ । ଏ ନେଇ ନିଆଳି ବ୍ଳକ ବିଡ଼ିଓ ଓ ସିଡିପିଓଙ୍କୁ ବହୁପୂର୍ବରୁ ଲିଖିତ ଅଭିଯୋଗ କରିଛନ୍ତି ।
ଧାରଣାସ୍ଥଳକୁ ନିଆଳି ବ୍ଳକର ଅତିରିକ୍ତ ବିଡ଼ିଓ ପଲ୍ଲବୀ ରାଉତ,ସଦର ଏସଡିପିଓ ସୁଭ୍ରାଂଶୁ ଶେଖର ପରିଡା ପ୍ରମୁଖ ପହଞ୍ଚି ଆଲୋଚନା କରିବା ସହିତ ଆସନ୍ତା ଦୁଇ ସପ୍ତାହ ମଧ୍ୟରେ ମଧ୍ୟରେ ଘଟଣାର ତଦନ୍ତ କରାଯିବା ସହିତ ଉଚିତ ପଦକ୍ଷେପ ଗ୍ରହଣ କରିଯିବ ବୋଲି ପ୍ରତିଶୃତି ପରେ ଧାରଣା ପ୍ରତ୍ୟାହୃତ ହୋଇଥିଲା ।
