୩୦ ନଭେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ରାଇରଙ୍ଗପୁର :-> କ’ଣ ସ୍ବାମୀ କିମ୍ବା ସ୍ତ୍ରୀ ନିଜ ସାଥୀଙ୍କ ଆଧାର କାର୍ଡ ସୂଚନା ହାସଲ କରିବା ଅଧିକାର ? ଯଦି ହଁ, ତେବେ କର୍ଣ୍ଣାଟକ ହାଇକୋର୍ଟଙ୍କ ଏହି ରାୟକୁ ପଢ଼ିନେବା ଆବଶ୍ୟକ । କର୍ଣ୍ଣାଟକ ଉଚ୍ଚ ଅଦାଲତ ଏକ ଆବେଦନର ଶୁଣାଣି କରି ଏହା ଉପରେ ରାୟ ପ୍ରକାଶ କରିଛନ୍ତି । କୋର୍ଟ ଜବାବ ଦେଇ କହିଛନ୍ତି, ସ୍ବାମୀ କିମ୍ବା ସ୍ତ୍ରୀ କେବଳ ବିବାହ ଆଧାରରେ ନିଜର ସାଥୀର ଆଧାର କାର୍ଡ ସୂଚନା ଏକତରଫା ଭାବେ ହାସଲ କରିପାରିବେ ନାହିଁ ।
କର୍ଣ୍ଣାଟକ ହାଇକୋର୍ଟ ଯାଚିକାର ଶୁଣାଣି କରି କହିଛନ୍ତି, ଜଣେ ମହିଳା କେବଳ ବିବାହ ସମ୍ପର୍କ ଆଧାରରେ ନିଜ ସାଥୀର UID ଡାଟାକୁ ହାସଲ କରିପାରିବେ ନାହିଁ । ଏହା ତାଙ୍କ ଅକାଧିର ଭିତରେ ଆସୁନାହିଁ । ଏହା ଜଣେ ବ୍ୟକ୍ତିର ‘Right to Privacy’ ଅଧିକାରକୁ ପ୍ରଭାବିତ କରିବ । ଜଷ୍ଟିସ୍ ଏସ. ସୁନିଲ୍ ଦତ୍ତ ଯାଦବ ଏବଂ ଜଷ୍ଟିସ୍ ବିଜୟକୁମାର ଏ ପାଟିଲଙ୍କ ଖଣ୍ଡପୀଠ ମାମଲା ଶୁଣାଣି କରି ବିବାହ ଆଧାରରେ ଗୋପନୀୟ ତଥ୍ୟ ହାସଲ କରିବାକୁ ନା କହିବା ସହିତ ସମ୍ବିଧାନ ଦ୍ବାରା ନିର୍ଦ୍ଧାରିତ ପ୍ରକ୍ରିୟାକୁ ପାଳନ କରିବାକୁ କହିଛନ୍ତି ।
