୨୬ ନଭେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ଖୋର୍ଦ୍ଧା-ଜଟଣୀ :-> ବିଶିଷ୍ଟ ସାଧନତା ସଂଗ୍ରାମୀ ଗାନ୍ଧୀବାଦୀ ତଥା ସମାଜବାଦୀ ଚିନ୍ତା ନାୟକ, ଲୋକସଭାର ପ୍ରଥମ ଓଡିଆ ବାଚସ୍ପତି ତଥା ପୁର୍ବତନ କେନ୍ଦ୍ରମନ୍ତ୍ରୀ ସର୍ଗତ ରବିରାୟଙ୍କର ୯୭ତମ ଜୟନ୍ତୀ ଆଜି ସଂଧ୍ୟାରେ ସ୍ଥାନୀୟ ବରିଷ୍ଠ ନାଗରିକ ସେବା ସଂଘ କାର୍ଯ୍ୟାଳୟରେ ପାଳିତ ହୋଇଯାଇଛି । ବରିଷ୍ଠ ନାଗରିକ ସେବ। ସଂଘ ଓ ପ୍ରାଣନାଥ ଫାଉଣ୍ଡେସନର ସଭାପତି ତଥା ବରିଷ୍ଠ ସାମ୍ବାଦିକ ଅବନୀ କୁମାର ରାଉତରାୟଙ୍କ ପୌରହିତ୍ୟରେ ଏହି ଜୟନ୍ତୀ କାଯ୍ୟକ୍ରମରେ ବିଶିଷ୍ଟ ବ୍ୟକ୍ତି ମାନେ ଯୋଗ ଦେଇ ସର୍ଗତ ରବି ରାୟ ଏକ ସବ୍ବା ସମାଜବାଦୀ ରାଜନେତା ଭାବେ ଭାରତ ବର୍ଷରେ ଏକ ସମାଜବାଦୀ ଶାସନ ବ୍ୟବସ୍ଥା ପ୍ରତିଷ୍ଠା କରିବା ପାଇଁ ଶେଷ ନିଶ୍ବାସ ତ୍ୟାଗ କରିବା ପର୍ଯ୍ୟନ୍ତ ନିଜର ପ୍ରଚେଷ୍ଟା ଜାରି ରଖୁଥିଲେ ।
ଜଣେ ଓଡିଆ ପୁଅ ଭାବେ ଭାରତର ଲୋକ ସଭାର ବାଚସ୍ପତି ଭାବେ ଦାୟିତ୍ବ ଭାର ଗ୍ରହଣ କରି ନିରପେକ୍ଷ ଭାବେ ଲୋକସଭା ପରିଚାଳନା କରି ଓଡିଶାର ଗୌରବ ବୃଦ୍ଧି କରିବା ସହିତ ଏକ ଦୁର୍ନିତି ମୁକ୍ତ ରାଜନେତା ଭାବେ ସୁନାମ ଅର୍ଜନ କରିବା ଆମ ପାଇଁ ଗର୍ବ ଓ ଗୌରବର ବିଷୟ ବୋଲି ବକ୍ତା ମାନେ କହିଥିଲେ । ଆଜିର ଯୁବ ସମାଜ ରବି ରାୟଙ୍କ ଆଦର୍ଶରେ ଅନୁ ପ୍ରାଣିତ ହୋଇ ଏକ ଦୁର୍ନିତିମୁକ୍ତ ସମାଜ ପ୍ରତିଷ୍ଠା କରିବା ପାଇଁ ଆଗେଇ ଆସିବାକୁ ବକ୍ତା ମାନେ କହିଥିଲେ ।
ଏହି ଜୟନ୍ତୀ କାର୍ଯ୍ୟକ୍ରମରେ ବରିଷ୍ଠ ନାଗରିକ ହବିବୁର ରହେମାନ, ରବିନ୍ଦ୍ର ପ୍ରସାଦ ମିଶ୍ର, ଅଧ୍ୟାପକ ବିଜୟ କୁମାର ପଣ୍ଡା, ଯୁବ ସଂଗଠକ ଅରୁଣ କୁମାର ମହାନ୍ତି, ରାଜେନ୍ଦ୍ର ପ୍ରସାଦ ପଟ୍ଟନାୟକ, ବାସୁଦେବ ସେଠୀ, ସୁଶାନ୍ତ କୁମାର ରାଉତ, ଶ୍ରମିକ ନେତା ସାରଙ୍ଗ ଧର ବେହେରା, ଛାତ୍ରୀ ଅକ୍ତିତା ରାଉତରାୟ, ଆଇନଜୀବୀ ଆଶୁତୋଷ ରାୟ, ଅମରେଶ ରାଉତରାୟ, ଏମ୍.ଡି. ପରଭେଜ ହାଇଦର ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ । ପୁର୍ବତନ ସରପଞ୍ଚ ତଥା ବରିଷ୍ଠ ନାଗରିକ ସେବା ସଂଘର କାର୍ଯ୍ୟକାରୀ ସଭାପତି ଦିବାକର ମଙ୍ଗରାଜ ଶେଷରେ ଧନ୍ୟବାଦ ଅର୍ପଣ କରିଥିଲେ । ପ୍ରାରମ୍ଭରେ ରବିରାୟଙ୍କ ଫଟୋଚିତ୍ରରେ ମାଲ୍ୟାର୍ପଣ କରିଯାଇ ଶ୍ରଦ୍ଧା ସୁମନ ଅର୍ପଣ କରାଯାଇଥିଲା ।
