ଚଢ଼ାଉ ପାଇଁ ଯାଇଥିଲା ପୁଲିସ ଟିମ.. ଚାଳି ଆସିଲା.
୧୮ ନଭେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ବଲାଙ୍ଗୀର :-> ପାଟଣାଗଡ଼ ବଲାଙ୍ଗୀର ଜିଲ୍ଲା ରେ ଥମିବାର ନାଁ ଧରୁନି ବେଆଇନ ଦାଦନ ଚଲାଣ |ପ୍ରତିଦିନ ଶହ ଶହ ଲୋକ ବେଆଇନ ଭାବେ ବାହାର ରାଜ୍ୟ କୁ ଚାଲାଣ ହେଉଥୁବା ବେଳେ ସହଯୋଗ କରୁଛି ଶ୍ରମ ବିଭାଗ ଓ ପୁଲିସ ପ୍ରଶାସନ |ଯାହାର ଏକ ନମୁନା ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲା ର ଦାଦନ ଗଡ଼ ଭାବେ ଜଣାଶୁଣା ବେଲପଡା ଅଂଚଳ ରେ | ଅଭିଯୋଗ ମତେ ଗତ କାଲି ନୁନହାଡ଼ -କୁଦୋଭଟା ରାସ୍ତାର ଏକ ନିଛାଟିଆ ସ୍ଥାନ ରେ ଥିବା କୁକୁଡ଼ା ଫାର୍ମ ରେ ମାଟିଖାଇ ଗାଁର ତୁଲାରାମ ନାମକ ଜଣେ ଦାଦନ ଦଲାଲ ୨୦ ଉର୍ଦ୍ଧ ଦାଦନ ଶ୍ରମିକ କୁ ବେଆଇନ ଚଲାଣ ପାଇଁ ରଖିଥିଲା |
ବିଳମ୍ବିତ ରାତ୍ରି ରେ ଶ୍ରମିକ ମାନଙ୍କୁ ଚାଲାଣ କରିବାର ଥିବା ବେଳେ ଦଲାଲ ମାନଙ୍କ ଦ୍ୱାରା ଶ୍ରମିକ ମାନେ ନିର୍ଯାତନାର ଶିକାର ଅଭିଯୋଗ କରିଥିଲେ |ଏନେଇ କିଛି ଗଣମାଧ୍ୟମ ପ୍ରତିନିଧି ଖବର ପାଇଲା ପରେ ବଲାଙ୍ଗୀର ଲେବର ଅଫିସ କୁ ଯୋଗାଯୋଗ କରିଥିଲେ | ବାରମ୍ବାର କଳ ପରେ ମଧ୍ୟ୍ୟ କଲ ଗ୍ରହଣ ନକରିବାରୁ ଶ୍ରମିକ ମାନଙ୍କୁ ସୁରକ୍ଷିତ ଉଦ୍ଧାର ପାଇଁ ବେଲପଡା ପୁଲିସ କୁ ଯୋଗାଯୋଗ କରିଥିଲେ |ବେଲପଡା ପୁଲିସ ଏହାକୁ ଅଣଦେଖା କରିଥିଲା |ପରେ ବଲାଙ୍ଗୀର ଏସ ପି ଙ୍କ ଦୃଷ୍ଟି ଆକର୍ଷଣ କରିଥିଲେ ସାମ୍ବାଦିକ |ଏହାପରେ ବେଲପଡା ପୁଲିସ ର ଏକ ଟିମ ଘଟଣା ସ୍ଥଳ ରେ ପହଞ୍ଚିଥିଲା |
କାଗଜ ପତ୍ର ଯାଞ୍ଚ କରିବା ବଦଳରେ ଦଲାଲ ମାନଙ୍କୁ ଠାରୁ ୧୧ ହଜାର ଟଙ୍କା ନେଇ ଫେରି ଆସିଥିବା ଦାଦନ ଶ୍ରମିକ ମାନେ କହିଛନ୍ତି | ଯାହାକୁ ନେଇ ପୁଣି ବେଲପଡା ପୁଲିସ ର ଚେହେରା ପଦା ପଡ଼ିଥିବା ଦେଖିବାକୁ ମିଳିଛି | କିଛି ଦିନ ହେବ ଜଣେ ଦାଦନ ସର୍ଦ୍ଧାର କୁ ବଞ୍ଚାଇବାକୁ ପୁଲିସ ବଦନାମ ହେଉଥୁବା ବେଳେ ଚଢ଼ାଉ ପାଇଁ ଯାଇଥିବା ପୁଲିସ ଟିମ ଟଙ୍କା ଲୋଭ ରେ ଫେରିଆସିଥିବା ଖବର ଏବେ ଆଲୋଚନା ର ବିଷୟ ପାଲଟିଛି | ତେବେ ଘଟଣା ର ପ୍ରକୃତ ତଦନ୍ତ ର ଆବଶ୍ୟକ ଥିବାବେଳେ ଉଦ୍ଧାର -୨କାର୍ଯ୍ୟକ୍ରମ କାହାପାଇଁ ବୋଲି ପ୍ରଶ୍ନ ଉଠୁଛି |
ମାସକ ତଲେ ଅଂଚଳ ରେ ଲାଠୋର ଗାଁରେ ଜିଲ୍ଲା ପ୍ରଶାସନ ପକ୍ଷରୁ ଦାଦନ ଶ୍ରମିକ ମାନଙ୍କ ପାଇଁ ଉଦ୍ଧାର -୨କାର୍ଯ୍ୟକ୍ରମ କରାଯାଇଥିଲା | କେମିତି ଦାଦନ ଶ୍ରମିକ ପଞ୍ଜିକରଣ ସହ ସୁରକ୍ଷିତ ଭାବେ ବାହାର ରାଜ୍ୟ କୁ କାମ କରିବାକୁ ଯିବେ ସଚେତନ କରାଯାଇଥିଲା | ଏମିତି କି ବେଆଇନ ଦାଦନ ଚଲାଣ ଉପରେ ରୋକ ଲଗାଇବା କୁ ମିଳିତ ଶ୍ରମ ବିଭାଗ ଓ ପୁଲିସ ପ୍ରଶାସନ ର ଅଧିକାରୀ ମାନେ କହିଥିଲେ | କିନ୍ତୁ ଏହା ର ମାସ କ ତଳେ ସବୁକିଛି ଭୁଲି ଗଲେ ପ୍ରତି ଦିନ ଅଂଚଳ ରୁ ଶହ ଶହ ଦାଦନ ଶ୍ରମିକ ବେଆଇନ ଭାବେ ବାହାର ରାଜ୍ୟ କୁ ଚାଲାଣ ହେଉଥୁବା ବେଳେ ସ୍ଥାନୀୟ ପୁଲିସ ଶ୍ରମିକ ମାନଙ୍କୁ ଚାଲାଣ କରିବାରେ ସହାୟତା କରୁଥୁବା ଦେଖିବାକୁ ମିଳିଛି | ଯାହାକୁ ଅଂଚଳ ରେ ଅସନ୍ତୋଷ ଦେଖା ଦେବା ସହ ଜିଲ୍ଲା ପ୍ରଶାସନ ଏଦିଗରେ ଦୃଷ୍ଟି ଦେଇ ଘଟଣା ର ତଦନ୍ତ କରିବାକୁ ଦାବି ହେଉଛି ।
