୧୩ ଅକ୍ଟୋବର ୨୦୨୩ (ଓଡ଼ିଶା ତାଜା ନ୍ୟୁଜ ) ଭୁବନେଶ୍ୱର :-> ବିଶିଷ୍ଟ ଯନ୍ତ୍ରୀ ଇଞ୍ଜିନିୟର ସ୍ବର୍ଗତଃ ପୁର୍ଣ୍ଣଚନ୍ଦ୍ର ରଥଙ୍କର ସ୍ମୃତି ଉଦେଶ୍ୟ ରେ ଗଭୀର ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି। ଶ୍ରୀ ରଥଙ୍କର ତୃତୀୟ ଶ୍ରାଦ୍ଧବାର୍ଷିକୀର ଅବ୍ୟବହିତ ପୂର୍ବରୁ ତାଙ୍କ ଜନ୍ମମାଟି ଆଠଗଡ଼ ଅନ୍ତର୍ଗତ କଟକିଆ ସାହିର ପାଟେଣି ଗାଁ ସ୍ଥିତ ସର୍ପେଶ୍ୱର ବିଦ୍ୟାପୀଠ ଠାରେ ଆୟୋଜିତ ଏକ ସ୍ମୃତି ସଭାରେ ବହୁ ବିଶିଷ୍ଟ ବ୍ୟକ୍ତି ଯୋଗ ଦେଇ ତାଙ୍କର ପ୍ରତିଭା ଓ ପାରଦର୍ଶିତା ସମ୍ପର୍କରେ ସ୍ମୃତି ଚରଣା କରିଥିଲେ। ଶ୍ରୀ ରଥଙ୍କର ପରିବାରବର୍ଗ ଙ୍କ ତରଫରୁ ଆୟୋଜିତ ଏହି ଶ୍ରଦ୍ଧାଞ୍ଜଳି ସମାରୋହରେ ସମ୍ମାନୀୟ ଅତିଥି ଭାବେ ବରିଷ୍ଠ ସାମ୍ବାଦିକ ଶ୍ରୀରାମ ଦାଶ, ୱାଲର୍ଡ଼ ଓଡିଶା ସୋସାଇଟି ର ଅଧ୍ୟକ୍ଷ କିଶୋର ଦ୍ଵିବେଦୀ,
ଭାଷା ଆନ୍ଦୋଳନର ଆବାହକ ପବିତ୍ର ମହାରଥା, ପ୍ରସିଦ୍ଧ ବ୍ୟଙ୍ଗ କବି ସାରଦା ମହାପାତ୍ର, ଶିକ୍ଷାବିତ୍ ସୁରେଶ ଚନ୍ଦ୍ର ପଣ୍ଡା, ପ୍ରଭାକର ପତ୍ରୀ, ଫକୀର ଚନ୍ଦ୍ର ପାଣି, ସ୍ମିତା ଦାସ, ଭୁବନୀ ପ୍ରଧାନ, ରାଜେନ୍ଦ୍ର ପ୍ରଧାନ, ପ୍ରଭାକର ସାହୁ, ବିଦ୍ୟୁତ୍ କୁମାରୀ ଶତପଥୀ ପ୍ରମୁଖ ଯୋଗ ଦେଇଥିଲେ। ବରେଣ୍ୟ ବକ୍ତା ମାନେ ସ୍ବର୍ଗତଃ ଇଂ. ପୁର୍ଣ୍ଣଚନ୍ଦ୍ର ରଥଙ୍କ କର୍ମତତ୍ପରତା, ନିଷ୍ଠାପରତା, କର୍ତ୍ତବ୍ୟପରାୟଣତା, ମିତବ୍ୟୟିତା, ସାଧୁବାଦ, ନୀତିବାନ, ଶୃଙ୍ଖଳାମୟ, ଧାର୍ମିକତା ଓ ପରୋପକାରୀତା ଆଦି ସୁଗୁଣ ଆଧାରିତ ଜୀବନ ଓ ଦର୍ଶନ ଉପରେ ବିସ୍ତୃତ ଭାବେ ଆଲୋକପାତ କରିଥିଲେ। ସମାଜ ଓ ଓଡ଼ିଆ ଭାଷା ପ୍ରତି ତାଙ୍କର ଉଲ୍ଲେଖ ଯୋଗ୍ୟ ଅବଦାନ କିଭଳି ଭବିଷ୍ୟତ ପୀଢ଼ି ପାଇଁ ମାର୍ଗଦର୍ଶକ ଏବଂ ପ୍ରେରଣା ଦାୟକ ହେବ ସେ ସମ୍ବନ୍ଧରେ ସେମାନେ ସବିଶେଷ ଆଲୋଚନା କରିଥିଲେ ।
ଉକ୍ତ ସଭାରେ ସର୍ପେଶ୍ଵର ବିଦ୍ୟାପୀଠ ଓ ଉଚ୍ଚ ପ୍ରାଥମିକ ବିଦ୍ୟାଳୟ ର ଛାତ୍ର ଛାତ୍ରୀ ଓ ଶିକ୍ଷକ ଶିକ୍ଷୟତ୍ରୀ ତଥା ସ୍ଥାନୀୟ ଗ୍ରାମବାସୀଙ୍କୁ ମିଶାଇ ୭ ଶହରୁ ଉର୍ଦ୍ଧ୍ବ ଲୋକ ଉପସ୍ଥିତ ଥିଲେ । ଛାତ୍ର ଛାତ୍ରୀଙ୍କ ମାନଙ୍କ ମଧ୍ୟରେ ଅନୁଷ୍ଠିତ ହୋଇଥିବା ବତ୍କୃତା, ଚିତ୍ରାଙ୍କନ, ସଙ୍ଗୀତ ଓ ସାଧାରଣ ଜ୍ଞାନ ପ୍ରତିଯୋଗିତାରେ ବିଜେତା ଓ ୯ମ ଏବଂ ୧୦ମ ଶ୍ରେଣୀର ମେଧାବୀ ଛାତ୍ରଛାତ୍ରୀମାନଙ୍କୁ ଅତିଥି ମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା l ସଭାରେ ଉପସ୍ଥିତ ସମସ୍ତ ଛାତ୍ର ଛାତ୍ରୀଙ୍କୁ ପ୍ରୋତ୍ସାହିତ କରିବା ନିମିତ୍ତ ପାଠ୍ୟ ଉପକରଣ ମଧ୍ୟ ବିତରଣ କରାଯାଇଥିଲା ।
ଏହି ଅବସର ରେ ସ୍ବର୍ଗତଃ ପୂର୍ଣ୍ଣ ଚନ୍ଦ୍ର ରଥଙ୍କ ଦ୍ୱାରା ଗୃହ ନିର୍ମାଣ ସମ୍ବନ୍ଧୀୟ ବୈଷୟିକ ଜ୍ଞାନ କୌଶଳ ଉପରେ ଆଧାରିତ ଓଡ଼ିଆ ଭାଷାରେ ଲିଖିତ “ବାସକଳା” ପୁସ୍ତକର ଉନ୍ମୋଚନ କରାଯାଇ ତାହା କିପରି ସାଧାରଣ ଓଡ଼ିଆଙ୍କୁ ସ୍ଵଗୃହ ନିର୍ମାଣରେ ସହାୟକ ହେବ ତାହାର ବିଶେଷତ୍ୱ ଉପରେ ଧ୍ୟାନ ଆକର୍ଷଣ କରାଯାଇଥିଲା।ସ୍ବର୍ଗତଃ ରଥଙ୍କର ଧର୍ମପତ୍ନୀ ତଥା ନାରୀନେତ୍ରୀ ଓ ସମାଜସେବୀ ସ୍ବର୍ଗତଃ ଦୟାମୟୀ ରଥଙ୍କର ଫୋଟୋ ଚିତ୍ର ରେ ଅତିଥି ମାନେ ପୁଷ୍ପାଞ୍ଜଳି ଅର୍ପଣ କରିଥିଲେ।
ସ୍ବର୍ଗତଃ ରଥଙ୍କର ସୁଯୋଗ୍ୟ ଦାୟାଦ ଯଥା ଜ୍ୟେଷ୍ଠ ପୁତ୍ର ପ୍ରସିଦ୍ଧ ଶିକ୍ଷାବିତ୍ ଡ଼ଃ. ପ୍ରଭାତ କୁମାର ରଥ, ଆବୁଧାବୀଠାରେ ଅବସ୍ଥାପିତ କନିଷ୍ଠ ପୁତ୍ର ସୁନାମଧନ୍ୟ ଯନ୍ତ୍ରୀ ପ୍ରଦୀପ କୁମାର ରଥ, ସୂପୁତ୍ରୀ ଡାକ୍ତର ପଦ୍ମାଳୟା ରଥ, ପୁତ୍ରବଧୂ ପ୍ରିୟମ୍ବଦା ରଥ ଓ ବହ୍ନିପ୍ରଭା ରଥ, ଜ୍ବାଇଁ ଡାକ୍ତର ଶିବ ନାରାୟଣ, ଦିଲ୍ଲୀପ ରଥ, ନୀଳମଣି ରଥ, ନାତି ନାତୁଣୀ ପ୍ରତ୍ୟୁଷ, ପ୍ରିଥିଶ, ସୀତୁ, ପ୍ରଜ୍ଞା, ପାୟଲ ଓ ନିକି ପ୍ରମୁଖ ଏହି ସ୍ମୃତି ସଭାକୁ ସୁଚାରୁ ରୂପେ ଆୟୋଜନ ଓ ସଫଳତାର ସହିତ ପରିଚାଳନା କରିବା ରେ ମୁଖ୍ୟ ଭୂମିକା ଗ୍ରହଣ କରିଥିଲେ । ଶେଷରେ ସମସ୍ତ ଅତିଥି ଓ ଅଭ୍ୟାଗତ ଙ୍କୁ ପ୍ରୀତିଭୋଜନ ରେ ଆପ୍ୟାୟିତ କରାଯାଇଥିଲା।
