୧୨ ଅକ୍ଟୋବର ୨୦୨୩ (ଓଡ଼ିଶା ତାଜା ନ୍ୟୁଜ ) ଭୁବନେଶ୍ୱର :-> ଅଲ୍ ଓଡ଼ିଶା ସେଲଫ୍ ଫାଇନନ୍ସିଂ ଉଚ୍ଚତର ମାଧ୍ୟମିକ ବିଦ୍ୟାଳୟ ଆସୋସିଏସର ବାର୍ଷିକ ସାଧାରଣ ସଭା ଅନୁଷ୍ଠିତ ହୋଇଯାଇଛି । ଉକ୍ତ ସାଧାରଣ ସଭାଟି ପୁଷ୍ପକ ହୋଟେଲ ରେ ଅନୁଷ୍ଠିତ ହୋଇଥିଲା । ସଭାପତି ସୁବାସ ଚନ୍ଦ୍ର ଦାସ ଙ୍କ ଅଧ୍ୟକ୍ଷତାରେ ଓଡିଶାର ୮୬ ଟି କଲେଜର ଚେୟାରମ୍ୟାନ ଓ ଡ଼ାଇରେକ୍ଟର ମାନେ ଯୋଗ ଦେଇଥିଲେ ।
ଉକ୍ତ ବୈଠକରେ ଶିକ୍ଷା କ୍ଷେତ୍ରରେ କଲେଜ ର ଅବଦାନ , ନିଜସ୍ଵ ଶିକ୍ଷାଦାନ ଶୈଳୀ ଆଦି ବିଷୟରେ ଆଲୋକପାତ କରିବା ସହ ନିଉ ଷ୍ଟାର +୨ ସାଇନ୍ସ କଲେଜ ର ଛାତ୍ରୀ ମାନଙ୍କ ଦ୍ବାରା ଓଡିଶୀ ନୃତ୍ୟ ଓ ଗୀତ ପରିବେଷଣ କରାଯାଇଥିଲା । ଏତଦବ୍ୟତୀତ ଛାତ୍ର ଛାତ୍ରୀ ମାନଙ୍କୁ ପୁରଷ୍କାର ବିତରଣ କରାଯାଇଥିଲା ଏବଂ ଉକ୍ତ ବୈଠକ ରେ ସଂଘର ପରସ୍ପର ସାହାଯ୍ୟରେ ସାମାଜିକ ଓ ଶୈକ୍ଷିକ ଅବଦାନକୁ ଦୃଢୀଭୂତ କରିବାକୁ ସ୍ଥିର କରାଯାଇଥିଲା ।
