୧ ଅକ୍ଟୋବର ୨୦୨୩ (ଓଡ଼ିଶା ତାଜା ନ୍ୟୁଜ ) ଚିଲିକା :-> ଓଡ଼ିଶା ର ଟଲ୍ ଷ୍ଟୟ ରୂପେ ପ୍ରଖ୍ୟାତ ବିଶିଷ୍ଟ ମାନଵଵାଦୀ କବି, ବ୍ୟଙ୍ଗ ସାହିତ୍ୟିକ, ଗାଳ୍ପିକ ତଥା ଉପନ୍ୟାସ କାର ସ୍ଵର୍ଗତ ଗୋଦାବରୀଶ ମହାପାତ୍ର ଙ୍କ ୧୨୫ତମ ଜୟନ୍ତୀ ବାଣପୁର ସ୍ଥିତ ନେହେରୁ ସେବା ସଂଘ ର କନକ ଭବନ ପରିସରରେ ଓଡ଼ିଶା ସାହିତ୍ୟ ଏକାଡେମୀ ଓ ଚିଲିକା ସାହିତ୍ୟ ସମାଜ, ବାଲୁଗାଁ -ଵାଣପୁର ର ମିଳିତ ଆନୁକୂଲ୍ୟରେ ଅନୁଷ୍ଠିତ ହୋଇଯାଇଛି। ଏହି ସାରସ୍ବତ ଉତ୍ସବରେ ମୁଖ୍ୟ ଅତିଥି ଭାବେ ବିଶିଷ୍ଟ ଲଵ୍ଧ ପ୍ରତିଷ୍ଠ ଓଡ଼ିଆ ନାଟ୍ୟକାର ତଥା ଉତ୍କଳ ବିଶ୍ୱବିଦ୍ୟାଳୟର ର ପ୍ରାକ୍ତନ ଓଡ଼ିଆ ଭାଷା ସାହିତ୍ୟ ପ୍ରାଧ୍ୟାପକ ଡକ୍ଟର ବିଜୟ କୁମାର ଶତପଥୀ, ମୁଖ୍ୟବକ୍ତା ଭାବେ ସୁସାହିତ୍ୟିକ ଅଧ୍ୟାପକ ସୁଭାଷ ଚନ୍ଦ୍ର ମହାପାତ୍ର,
ସମ୍ମାନୀୟ ବକ୍ତା ଭାବେ ଗାଳ୍ପିକ ଶିବ ମିଶ୍ର ପ୍ରମୁଖ ଯୋଗଦେଇ ଥିଲେ। ଚିଲିକା ସାହିତ୍ୟ ସମାଜ ର ସଭାପତି କବି ବାଳମୁକୁନ୍ଦ ଦାସ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମାବେଶର ପ୍ରାରମ୍ଭରେ ସମ୍ପାଦକ ଅଧ୍ୟାପକ ଲକ୍ଷ୍ମୀ ଧର ସୁବୁଦ୍ଧି ପ୍ରାରମ୍ଭିକ ସୂଚନା ଦେଇଥିଲେ। ଅତିଥି ମାନେ ଗୋଦାବରୀଶ ଙ୍କ ଫଟୋ ଚିତ୍ର ରେ ପୁଷ୍ପମାଲ୍ୟ ଅର୍ପଣ ଓ ପ୍ରଦୀପ ପ୍ରଜ୍ଜ୍ୱଳନ ପୂର୍ବକ ଉତ୍ସବର ଉଦ୍ ଘାଟନ କରିଥିଲେ। ବାଲୁଗାଁ ମହାବିଦ୍ୟାଳୟ ର ଦର୍ଶନ ବିଭାଗ ର ଅଧ୍ୟାପକ ଡକ୍ଟର କୈଳାସ ଚନ୍ଦ୍ର ମହାରଣା ଅତିଥି ମାନଙ୍କ ର ପରିଚୟ ପ୍ରଦାନ କରିଥିଲେ । ପ୍ରାରମ୍ଭିକ ସଙ୍ଗୀତ ଭାବେ ସ୍ବର୍ଗତ ମହାପାତ୍ର ଙ୍କ କାଳଜୟୀ ସଙ୍ଗୀତ ଉଠ କଙ୍କାଳ ଗାନ କରା ଯାଇଥିଲା ।
ବକ୍ତା ଓ ମାନ୍ୟଗଣ୍ୟ ଅତିଥି ଗଣ ସେମାନଙ୍କ ର ଅଭିଭାଷଣ ରେ ଗୋଦାବରୀଶ ମହାପାତ୍ର ଙ୍କ ପ୍ରଚଣ୍ଡ ପ୍ରତିଭା ର ସ୍ମୃତି ଚାରଣ କରି ସେମାନଙ୍କ ର ଦୀଖ୍ୟାନ୍ତ ଅଭିଭାଷଣ ରେ ଦର୍ଶକ ମାନଙ୍କୁ ଗୋଦାବରୀଶ ମନସ୍କ କରି ପାରିଥିଲେ। ଅନ୍ୟମାନଙ୍କ ମଧ୍ୟରେ ବରିଷ୍ଠ ସାମ୍ବାଦିକ ଓ ସାହିତ୍ୟିକ ପଣ୍ଡିତ ନ୍ରୃସିହ ପ୍ରସାଦ ମିଶ୍ର ପ୍ରମୁଖ ଗୋଦାବରୀଶ ମହାପାତ୍ର ଙ୍କ କ୍ରୃତୀ ଓ ମାନବଵାଦୀ ଜୀଵନାଦର୍ଶ ଉପରେ ଆଲୋକପାତ କରିଥିଲେ। ପରିଶେଷରେ ଚିଲିକା ସାହିତ୍ୟ ସମାଜ ର ସହକାରୀ ସମ୍ପାଦକ ରମେଶଚନ୍ଦ୍ର ମହାପାତ୍ର ଧନ୍ୟବାଦ ଅର୍ପଣ କରିଥିଲେ ।
