୧୮ସେପ୍ଟେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) :-> ଦୀର୍ଘ ଦିନଧରି ଜାତୀୟ ରାଜପଥ, ହାଟ, ବଜାର ଆଦିରୁ ଦିନଦ୍ବିପହରେ ଲୁଟପାଟ କରି ପୁଲିସ ଆଖୁରୁ ନିଦ ହଜାଇ ଦେଇଥିବା ଲୁଟେରା ଦଳକୁ ଜୋରାଇ ପୁଲିସ କାବୁ କରିବାକୁ ସକ୍ଷମ ହୋଇଛି । ୩ଜଣ ଲୁଟେରାଙ୍କୁ ଗିରଫ କରିଥିଲା ବେଳେ ସେମାନଙ୍କ ଠାରୁ ୩୦ଟି ନାମିଦାମୀ କମ୍ପାନୀର ମୋବାଇଲି ଜବତ କରିଛି । ଏନେଇ ଆଜି କୋରାଇ ଥାନା ପରିସରରେ ଏକ ସାମ୍ବାଦିକ ସମ୍ମିଳନୀରେ ଯାଜପୁରରୋଡ ଏସଡିପିଓ ସଞ୍ଜୟଙ୍କୁମାର ପଟ୍ଟନାୟକ ଓ ଥାନାଅଧିକାରିଣୀ ସୁମତି ମହାନ୍ତି ସୂଚନା ଦେଇଛନ୍ତି । ସୂଚନା ଅନୁଯାୟୀ ଗତ ୧୭ ତାରିଖ ସକାଳେ ରଗଡି ଛକରୁ ଏକ ମୋବାଇଲି ଚୋରି ହୋଇଥିଲା ବେଳେ ୨୦ ନମ୍ବର ଜାତୀୟ ରାଜପଥର ଧନେଶ୍ବର ନିକଟରୁ ଅଗଷ୍ଟ ୨୩ତାରିଖ ମୋବାଇ ଚୋରି ହୋଇଥିବା ଅଭିଯୋଗ ହୋଇଥିଲା ।
ଏହାର ତଦନ୍ତକାରୀ ଅଧିକାରୀ ଏଏସଆଇ ଚୁନୁରାମ ହାସଦା ଦାୟିତ୍ବ ନେଇଥିଲେ । ଏହିପରିଭାବେ ଜାତୀୟରାଜପଥ, ସାପ୍ତାହିକୀ କାନ୍ତୋର ହାଟ, ଛକ, ବଜାର ଆଦିରୁ ଏକାଧିକ ମୋବାଇଲି ଚୋର ସହ ସୁନାଚେନ ଓ ବାଇକ ଆଦି ଚୋରିର ଅଭିଯୋଗ କ୍ରମଶଃ ବଢିଚାଲିଥିଲା । ଯାହା ପୁଲିସର ମୁଣ୍ଡବିନ୍ଧାର କାରଣ ପାଲୋଟିଥିଲା । ଫଳରେ ଯାଜପୁର ଏସପି ଭିନିତ ଅଗ୍ରୱାଲଙ୍ଗ ନିର୍ଦ୍ଦେଶ କ୍ରମେ ଯାଜପୁରରୋଡ ଏସଡ଼ିପିଓ ସଞ୍ଜୟଙ୍କୁମାର ପଟ୍ଟନାୟକଙ୍କ ସଂଚଳନାରେ କୋରାଇ ଥାନା ଅଧିକାରିଣୀ ସୁମତି ମହାନ୍ତିଙ୍କ ନେତୃତ୍ବରେ ଏସଆଇ ବିଶ୍ବଜିତ ବିଶ୍ଵା, ଏଏସଆଇ ଚୁନାରାମ ହାଁସଦା, ପି.ଜେ ତ୍ରିପାଠୀଙ୍କ ସମେତ ଏକ ପୁଲିସ ବାହିନୀ ପୂର୍ବକୋଟ ସ୍ଥିତ ତେଲଙ୍ଗା ବସ୍ତିରେ ଗତଳାଲି ଚଢାଉ କରିଥିଲେ ।
ସେଠାରୁ ଭାସ୍କର ଦାସଙ୍କ ପୁଅ ସୁରେଶ ଦାସ(୨୦) ଓ ଜଗନ୍ନାଥ ଦାସଙ୍କ ପୁଅ କୁମାର ଦାସ(୨୪)ଙ୍କୁ ପୁଲିସ ଗିରଫ କରିବା ସହ ତାଙ୍କର ସହଯୋଗୀ ଜଖପୁରା ଥାନା ଅନ୍ତର୍ଗତ ଦଶମାଣିଆ ଗ୍ରାମର କଲେୟା ପ୍ରଧାନଙ୍କ ପୁଅ ବିଜୟ ପ୍ରଧାନ (୨୬)ଙ୍କୁ ଗିରଫ କରିଥିଲା । ଗିରଫ ଅଭିଯୁକ୍ତମାନଙ୍କ ଠାରୁ ଭିଭୋ ମୋବାଇଲି୮ଟା, ରେଡିମ ୭ଟା, ସାମସଙ୍ଗ ୫ଟା ଓ ରେଏଲମି, ଇ-ଟେଲ, ପୋକୋ, ୱାନ ପ୍ଲସ, ହନର ଆଦି କମ୍ପାନୀର ୧୦ଟା ମୋବାଇଲିକୁ ମିଶାଇ ମୋଟ ୩୦ଟି ମୋବାଇଲି ଜବତ କରିଛନ୍ତି । ଏନେଇ ପୁଲିସ ପକ୍ଷରୁ ଥାନା କେଶ ନମ୍ବର ୨୮୯/୨୩ରେ ଏକ ମାମଲା ରୁଜୁକରି ଦଫା ନମ୍ବର ୩୭୯,୪୧୧, ୩୪ ଆଇପିସିରେ ତିନି ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି । ଜବତ ମୋବାଇଲି ଗୁଡିକୁ ମାଲିକାନା ଦସ୍ତାବିଜ ଦେଖି ସଂପୃକ୍ତ ବ୍ୟକ୍ତିମାନଙ୍କୁ ଦେଇଦିଆଯିବ ବୋଲି ଏସଡିପିଓ ଶ୍ରୀ ପଟ୍ଟନାୟକ ସାମ୍ବାଦିକ ସମ୍ମିଳନୀ ସୂଚନା ଦେଇଥିଲେ । ଏଥିସହିତ ସଂପୃକ୍ତ ତେଲେଙ୍ଗା ବସ୍ତିରେ ବାରମ୍ବାର ଚୋରା ସମାଗ୍ରୀ ଜବତ ହେଉଥିଲା ବେଳେ ବିଭିନ୍ନ ରାହାଜାନୀ ଭଳି ସଙ୍ଗୀନ ଅପରାଧରେ ସଂପୃକ୍ତଥିବା ବ୍ୟକ୍ତିମାନେ ସେହି ବସ୍ତିର ହୋଇଥିବାରୁ ବସ୍ତିଉପରେ ବିଭିନ୍ନ ସମୟରେ ଚଢାଉ ଜାରିରହିବ ବୋଲି ଶ୍ରୀ ପଟ୍ଟନାୟକ କହିଥିଲେ ।
