ସରକାରଙ୍କର କି ଯୋଜନା କାହା ପାଇଁ ବୋଲି ସାଧାରଣରେ ପ୍ରଶ୍ନ ଉଠୁଛି ।
୧୫ ସେପ୍ଟେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ଭୁବନେଶ୍ୱର :-> ଭୁବନେଶ୍ୱର ଉପକଣ୍ଠ ଏକାମ୍ର ନିର୍ବାଚନ ଅଧିନସ୍ଥ ଲିଙ୍ଗିପୁର ପଂଚାୟତରେ ସପ୍ତାହେ ହେଲା ୧୩ଟି ୱାର୍ଡରେ ୧୦ହଜାରରୁ ଉର୍ଦ୍ଧ୍ୱ ଲୋକ ପାଣି ପାଇଁ ଡହଳବିକଳ । ବସୁଧା ଯୋଜନାରେ ସରକାର ଜନସାଧାରଣଙ୍କ ପାଇଁ ସୁବିଧା କରିଛନ୍ତି କିପରି ଭାବେ ସହଜରେ ସମସ୍ତେ ପାନୀୟ ଜଳ ପାଇପାରିବେ । ଏଥିନେଇ ଲିଙ୍ଗିପୁର ସଂରପଚଙ୍କର ନିଘା ନାହିଁ । ଏଠାରେ ପ୍ରତି ପାଂଚ ହଜାର ଲୋକରେ ଗୋଟିଏ ନଳକୂପ ଅଛି କି ନାହିଁ । ବସୁଧା ଯୋଜନାରେ ପ୍ରତି ଘରକୁ ପାଣି ଟ୍ୟାପ ବିଛାଯାଇ ଲକ୍ଷ ଲକ୍ଷ ଟଙ୍କା ବ୍ୟୟ କରାଯାଇଛି । କିନ୍ତୁ ସରକାରଙ୍କର କି ଯୋଜନା କାହା ପାଇଁ ବୋଲି ସାଧାରଣରେ ପ୍ରଶ୍ନ ଉଠୁଛି ।
ଏଠାରେ ନିଜ ଘରେ କୂଅ ଖୋଳିବା ପାଇଁ ଆର୍ଥିକ ସମ୍ବଳ ସମସ୍ତଙ୍କର ନାହିଁ । ଗୋଟିଏ ନଳକୂପ ଖୋଲିବା ପାଇଁ ହେଲେ ଦେଢଲକ୍ଷ ଟଙ୍କାରୁ ଉର୍ଦ୍ଧ୍ୱ ଟଙ୍କା ଖର୍ଚ୍ଚ କରିବାକୁ ପଡୁଛି । ଅଧିକାଂଶ ଘର ଗରିବ ପରିବାର ହୋଇଥିବାରୁ ନଳକୂପ ଖୋଳିବା ସମ୍ଭବପର ନୁହେଁ । ଏଣୁ ସମସ୍ତେ ବସୁଧା ଯୋଜନାରେ ଯୋଗା ଯାଉଥିବା ପାଣି ଉପରେ ନିର୍ଭର କରୁଛନ୍ତି । ଯଦି ବେଳେବେଳେ ଲାଇନ କଟିଯାଏ ପାଣି ମିଳିବା ବି ସମ୍ଭବ ନୁହେଁ । ସକାଳେ ଓ ସଂଜରେ ଘରର ମହିଳା, ଝିଅ, ପୁଅ ଗରା, ବାଲଟି ଧରି ଯେଉଁଠି ନଳକୂପ ଅଛି ଲାଇନ କରୁଛନ୍ତି । ଯେଉଁ ପାଣି ମିଳୁଛି ତାହା ପିଇବା ଉପଯୋଗୀ ନୁହେଁ । ତେଣୁ କପଡାରେ ଢାଙ୍କି ପାଣି ନେଉଛନ୍ତି ।
ଏ ବିଷୟରେ ସ୍ଥାନୀୟ ସରପଂଚଙ୍କୂ ଯୋଗାଯୋଗ କଲେ ମଧ୍ୟ ଯୋଗାଯୋଗ ହୋଇପାରୁନାହିଁ । ଏକ ଅସମର୍ଥିତ ସୂତ୍ରରୁ ଶୁଣିବାକୁ ମିଳିଛି ଯେ ସ୍ଥାନୀୟ ସରଂପଚ ବିଦ୍ୟୁତ୍ ବିଲ୍ ପଇଠ କରିନଥିବାରୁ ବିଦ୍ୟୁତ ସରବରାହ କାଟି ଦିଆଯାଇଛି । ଯାହାଫଳରେ କି ପାଣି ଯୋଗାଇବା ସମ୍ଭବପର ହୋଇପାରୁନାହିଁ । ଏଥରେ ବିଶେଷ ଭାବେ କ୍ଷତିଗ୍ରସ୍ତ ହୋଇଛି ନାଥପୁର, ରଘୁନାଥପୁର, ଗାଙ୍ଗୋତ୍ରୀ ନଗର ୧, ୨,୩ ଇତ୍ୟାଦି । ଏଣୁ ଲୋକମାନେ ଚେତାବନୀ ଦେଇଛନ୍ତି କି ପଂଚାୟତର କାର୍ଯ୍ୟକର୍ତାଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ଆବଶ୍ୟକୀୟ ବାକି ଥିବା ବୈଦ୍ୟୁତିକ ପାଉଣା ତୁରନ୍ତ ଭରଣା କରି ଜଳଯୋଗାଣ ପାଇଁ ତୁରନ୍ତ ପଦକ୍ଷେପ ନିଅନ୍ତୁ ।
