ଓଡିଶା ତାଜା ନ୍ୟୁଜ୍ (୦୧ ଜୁଲାଇ ବୁଧବାର ),ଗଜପତି ,ପାରଳଖେମୁଣ୍ଡି :- ଗଜପତି ଜିଲ୍ଲାରେ ଆଜି ପୁଣି ୬ ଆକ୍ରାନ୍ତ ଚିହ୍ନଟ ହୋଇଛନ୍ତି । ବର୍ତ୍ତମାନ ଜିଲ୍ଲାରେ ୪୪୦ ରେ ପହଞ୍ଚିଛି ମୋଟ ସଂକ୍ରମିତଙ୍କ ସଂଖ୍ୟା। ଏଥିମଧ୍ୟରୁ ୩ ଜଣ କଣ୍ଟେନମେଣ୍ଟ ଅଞ୍ଚଳରୁ ଚିହ୍ନଟ ହୋଇଥିବା ବେଳେ ୩ଜଣ କ୍ୱାରାଣ୍ଟାଇନ କେନ୍ଦ୍ରରୁ ବୋଲି ସୂଚନା ମିଳିଛି। ସମସ୍ତ ଆକ୍ରାନ୍ତ କେବଳ ଗୋଷାଣୀ ବ୍ଲକରୁ, ଏବଂ ଜଣ ଗୁମ୍ମା ଓ ଜଣ ରାୟଗଡ଼ ବ୍ଲକର ଚିହ୍ନଟ ହୋଇଛନ୍ତି। ସେପଟେ ପୂର୍ବରୁ ସର୍ବାଧିକ ଆକ୍ରାନ୍ତ ଗୋଷାଣି ବ୍ଳକ ଅଞ୍ଚଳର ହୋଇଥିବା ବେଳେ ଆଜି ପୁଣି ଏଠାରୁ ଚିହ୍ନଟ ହୋଇଛନ୍ତି , ଯାହା ଚିନ୍ତାର କାରଣ ପାଲଟିଛି । ଗୋଷାଣି ବ୍ଳକ ଅଞ୍ଚଳରେ କଣ୍ଟେନମେଣ୍ଟ ଜୋନ ଘୋଷଣା କରିଵା ସହ ସମସ୍ତ ଆବଶ୍ୟକୀୟ ପଦକ୍ଷେପ ନିଆଯାଇଛି। ତେବେ କଣ୍ଟେନମେଣ୍ଟ ଅଞ୍ଚଳରେ ଲୋକେ କୋଭିଡ ନିୟମ ମାନୁନଥିବାରୁ, ସାମାଜିକ ଦୂରତା ରକ୍ଷା କରୁ ନଥିବାରୁ ସଂକ୍ରମଣ ବୃଦ୍ଧି ପାଉଥିବା ଅନୁମାନ କରାଯାଉଛି। ପ୍ରଶାସନ ପକ୍ଷରୁ ବହୁ ସଚେତନ କାର୍ଯ୍ୟକ୍ରମ ଅନୁଷ୍ଠିତ କରାଯାଉଥିବା ବେଳେ ଜନସାଧାରଣ ସତର୍କ ରହିବା ଜରୁରୀ ହୋଇଛି। (ରିପୋର୍ଟ: ଗରୁଡ଼ ଧ୍ୱଜ ଚୌଧୁରୀ)
