୨୪ ଅଗଷ୍ଟ ୨୦୨୩ (ଓଡ଼ିଶା ତାଜା ନ୍ୟୁଜ ) ଆର,ଉଦୟଗିରି :-> ଆର, ଉଦୟଗିରି ବ୍ଲକର କେ.ଏମ.ଭାଲିଆସାହି 23 ଅଗଷ୍ଟ 2023 ରିଖ ସନ୍ଧ୍ୟା 6.04 ସମୟରେ ଇସ୍ରୋ ତରଫରୁ ପରୀକ୍ଷଣ କରାଯାଇଥିବା ଚନ୍ଦ୍ରୟାନ-3 ଚନ୍ଦ୍ରପୃଷ୍ଠରେ ଅବତରଣ କରିବାରେ ସଫଳ ହୋଇଥିଲା l ଏଥିସହ ଚନ୍ଦ୍ରପୃଷ୍ଠର ଦକ୍ଷିଣ ଅକ୍ଷରେ ଅବତରଣ କରିବାରେ ଭାରତ ପ୍ରଥମ ଦେଶ ଭାବେ ବିରଳ ସଫଳତା ହାସଲ କରିଛି l ଇସ୍ରୋ ବୈଜ୍ଞାନିକମାନଙ୍କର ବଳିଷ୍ଠ ଉଦ୍ୟମରେ ଉଲ୍ଲସିତ ହୋଇ ଭାରତର ପ୍ରଧାନମନ୍ତ୍ରୀ ଶ୍ରୀଯୁକ୍ତ ନରେନ୍ଦ୍ର ମୋଦି ସେମାନଙ୍କୁ ଭୁୟସୀ ପ୍ରଶଂସା କରିଥିଲେ l
ଏହି ସଫଳତା ଉପଲକ୍ଷେ ସରକାରୀ ଉଚ୍ଚ ବିଦ୍ୟାଳୟ, କେ.ଏମ. ଭାଲିଆସାହିଠାରେ ଏକ ସାଧାରଣ ବୈଠକ ଅନୁଷ୍ଠିତ ହୋଇଯାଇଛି l ଏହି ଚନ୍ଦ୍ରୟାନ ବିଷୟରେ ଛାତ୍ରଛାତ୍ରୀମାନଙ୍କ ସବିଶେଷ ଧାରଣା ପ୍ରଦାନ ପାଇଁ ବିଦ୍ୟାଳୟର ବିଜ୍ଞାନ ଶିକ୍ଷୟତ୍ରୀ ସୁଶ୍ରୀ ପ୍ରଜ୍ଞାଦୀପ୍ତା ପାଇକ ଏବଂ କଳା ବିଭାଗର ଶିକ୍ଷକ ଶ୍ରୀଯୁକ୍ତ ସନ୍ତୋଷ ନାଇକଙ୍କ ସହଯୋଗ ତଥା ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀଯୁକ୍ତ ରାମଚନ୍ଦ୍ର ଦଳବେହେରାଙ୍କ ପ୍ରରୋଚନା କ୍ରମେ ଚନ୍ଦ୍ରୟାନ-3 ର ଏକ ଅବିକଳ ନକଲ ତିଆରି କରାଯାଇ ଛାତ୍ରଛାତ୍ରୀମାନଙ୍କୁ ପ୍ରଦର୍ଶନ କରାଯାଇଥିଲା l ଏହାର ପ୍ରେରଣର ଲକ୍ଷ୍ୟ, ଉଦ୍ଦେଶ୍ୟ ଆଦି ବିଷୟରେ ଛାତ୍ରଛାତ୍ରୀମାନଙ୍କୁ ଅବଗତ କରାଯାଇଥିଲା l ଏହାଦ୍ୱାରା ଛାତ୍ରଛାତ୍ରୀମାନଙ୍କ ମନ ମଧ୍ୟରେ ଭବିଷ୍ୟତରେ ବୈଜ୍ଞାନିକ ହେବାର ଉତ୍କଣ୍ଠା ପ୍ରକାଶ ପାଇଥିଲା l ତତ ସହିତ ବିଦ୍ୟାଳୟର ସମସ୍ତ ଶିକ୍ଷକଶିକ୍ଷୟତ୍ରୀ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ ରୂପାୟନ କରିଥିଲେ l
