ଆଜି କଟକର ଗଡ଼ଗଡିଆ ଘାଟ ମହାନଦୀରେ କାଉଡିଆ ଶ୍ରଦ୍ଧାଳୁ ମାନେ କଳସ ବୁଡାଇ ସାରି ପୂଜାପାଠ କରିଥିଲେ । ପୂଜା ପାଠ ଶେଷ ହେବା ପରେ କାନ୍ଧରେ କାଉଡି ଜଳଭାର ଧରି ବିଭିନ୍ନ ଶୈବ ପୀଠକୁ ଯାଇଥିଲେ । ତୃତୀୟ ସୋମବାର ପାଇଁ ଶୁକ୍ରବାର ଦିନ ପୁରୀର ଲୋକନାଥ ମନ୍ଦିର ଏବଂ ରବିବାର ଦିନ ଭୁବନେଶ୍ୱରର ଲିଙ୍ଗରାଜ ମନ୍ଦିରରେ ଜଳ ଲାଗି କରିବାକୁ ଯାଉଥିବା କାଉଡ଼ିଆ ଶ୍ରଦ୍ଧାଳୁଙ୍କୁ କଟକ ଫୁଲନଖରା ନିକଟସ୍ଥ ମୁଗଭଙ୍ଗା ଗ୍ରାମର ମା,ଖରାଖାଇ ଯୁବକ ସଂଘ ବୋଲବମ ସେବା ସମିତି ପକ୍ଷରୁ,
୧୬ ନମ୍ବର ଜାତୀୟ ରାଜପଥର ତୃପ୍ତି ମୋଟର୍ସ ନିକଟରେ ଟେଣ୍ଟ କରାଯାଇ, ପ୍ରତିବର୍ଷ ପରି ଚଳିତ ବର୍ଷ ତୃତୀୟ ପାଳି ଶୁକ୍ରବାର ଏବଂ ରବିବାର ଦିନ କାଉଡିଆ ଶ୍ରଦ୍ଧାଳୁ ମାନଙ୍କୁ ବିଭିନ୍ନ ସେବା ଯୋଗାଇ ଦିଆଯାଇଥିଲା । ଯୁବକ ସଂଘର ସମସ୍ତ ସଦସ୍ୟ, ଗ୍ରାମବାସୀ ସମସ୍ତଙ୍କ ସହଯୋଗରେ କାଉଡିଆ ଶ୍ରଦ୍ଧାଳୁଙ୍କ ପାଇଁ ବିଶ୍ରାମ ନେବାର ସୁବ୍ୟବସ୍ଥା କରାଯାଇଥିଲା ବେଳେ, କାଉଡି ରଖିବା ଲାଗି ବାଉଁଶ ଭାରା ବନ୍ଧାଯାଇଥିଲା। ଶ୍ରଦ୍ଧାଳୁ ମାନଙ୍କ ଖାଇବା ଏବଂ ସ୍ନାନ କରିବାର ବ୍ୟବସ୍ଥା ସହିତ ଔଷଧ ଆଦି ଯୋଗାଇ ଦିଆ ଯାଇଥିଲା । ଏହି ସେବରେ ଗ୍ରାମର ଛୋଟ ପିଲାଙ୍କ ଠାରୁ ସମସ୍ତେ ସହଯୋଗ କରିଥିଲେ ।
