ଆକ୍ରମଣର ଶିକାର ହୋଇଥିବା ବୃଦ୍ଧ ଜଣକ ହେଲେ ହିଞ୍ଜିଳି ଥାନା କୋଳିଦାସପୁର ଗ୍ରାମ ମଝି ଦାଣ୍ଡ ସାହି ବାସିନ୍ଦା ସୁବାସ ଦଳାଇ (୭୧) । ଅଜଣା ବ୍ୟକ୍ତିର ମରଣାସ୍ତ୍ରରେ ବୃଦ୍ଧ ସୁବାସ ଘଟଣା ସ୍ଥଳରେ ଗୁରୁତର ଆହତ ହୋଇଥିଲେ।ସେହି ରାସ୍ତା ଦେଇ ଯାଉଥିବା କିଛି ଗ୍ରାମବାସୀ ତାଙ୍କୁ ସେଠାରୁ ଉଦ୍ଧାର କରି ହିଞ୍ଜିଳିକାଟୁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ।ଅବସ୍ଥା ଗୁରୁତର ହେବାରୁ ପ୍ରାଥମିକ ଚିକିତ୍ସା ପରେ ଅଧିକ ଚିକିତ୍ସା ପାଇଁ ଡାକ୍ତର ଆହତଙ୍କୁ ପରାମର୍ଶ ଦେଇଥିଲେ।
ଗୁରୁତର ସୁବାସଙ୍କୁ ଆମ୍ବୁଲାନ୍ସ ଯୋଗେ ବ୍ରହ୍ମପୁର ବଡ଼ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ବୋଲି ପରିବାର ଲୋକେ କହିଛନ୍ତି।ଅଜଣା ବ୍ୟକ୍ତି ଜଣକ ଧରିଥିବା କୌଣସି ଧାରୁଆ ମାରଣାସ୍ତ୍ରରେ ବୃଦ୍ଧଙ୍କ ଶରୀରର ବିଭିନ୍ନ ଅଂଶରେ ଗଭୀର କ୍ଷତ ସୃଷ୍ଟି ହୋଇଛି।ଖବର ପାଇ ହିଞ୍ଜିଳି ପୋଲିସ ଉପଖଣ୍ଡ ଚିକିତ୍ସାଳୟରେ ପହଞ୍ଚି ଘଟଣାର ଅନୁସନ୍ଧାନ ଚଳାଇଛି।ଖବର ଲେଖା ହେଲା ସୁଦ୍ଧା ଆହତଙ୍କ ପକ୍ଷରୁ ଥାନାରେ ଅଭିଯୋଗ ହୋଇ ନ ଥିବା ପୋଲିସ ସୂତ୍ରରୁ ଜଣାପଡ଼ିଛି ।
