ଓଡିଶା ତାଜା ନ୍ୟୁଜ୍ (୩୦ ଜୁନ୍ ମଙ୍ଗଳବାର ) ଜଟଣୀ :- କର୍ତ୍ତବ୍ୟରତ ସାମ୍ବାଦିକଙ୍କୁ ଆକ୍ରମଣ ଘଟଣାରେ ଆଜି ଜଟଣୀ ସାମ୍ବାଦିକଙ୍କ ପକ୍ଷରୁ ନିନ୍ଦା କରାଯିବା ସହିତ ଅଭିଯୁକ୍ତକୁ ତୁରନ୍ତ ଗିରଫଦାବି କରାଯାଇଛି ।
ପ୍ରକାଶଥାଉ କି ଗତ ପଚିଶ ତାରିଖଦିନ ଜଣେ ରାଜ୍ୟ ସ୍ତରୀୟ ସାମ୍ବାଦିକ ଅଭିମନ୍ୟୁ ମହାରଣାଙ୍କୁ ତାଙ୍କ ରଣପୁରସ୍ଥିତ ଘରସାମ୍ନାରେ ଜଣେ ଚୋରାମଦ ବେପାରୀ ମାରଣାନ୍ତକ ଆକ୍ରମଣ କରିଥିଲେ । ଯାହାକୁ ନେଇ ଶ୍ରୀ ମହାରଣା ରଣପୁର ଥାନାରେ ଅଭିଯୋଗ କରିଥିଲେ ଅଭିଯୋଗ ପାଇ ପୋଲିସ ଏକ ମାମଲା ରୁଜୁକରି ଅଭିଯୁକ୍ତକୁ ଗିରଫ କରିବାରେ ଅସଫଳ ହୋଇଛି । ଯାହାକୁ ଆଜି ଜଟଣୀର ସାମ୍ବାଦିକ ଅବନୀ ରାଉତରାୟ, ଇଫତେଖାର ଅଲ୍ଲୀ,ସନ୍ତୋଷ ବାରିକ, କେଦାରନାଥ ସାହୁ ପ୍ରମୁଖ ଦୃଢ଼ନିନ୍ଦା କରିବା ସହିତ ତୁରନ୍ତ ଅଭିଯୁକ୍ତକୁ ଗିରଫ ଦାବୀ କରିଛନ୍ତି । (ରିପୋର୍ଟ –ଇଫତେଖାର ଅଲ୍ଲୀ )
