୧୧ ଅଗଷ୍ଟ ୨୦୨୩ ( ଓଡ଼ିଶା ତାଜାନ୍ୟୁଜ୍ ) କଟକ :-> କଟକ ମହାନଗର ନିଗମ ( ସିଏମସି )ର ପ୍ରମଥ ମେୟର ତଥା ପୂର୍ବତନ କଟକ ସଦର ପୂର୍ବତନ ବିଜେପି ବିଧାୟିକା ନିବେଦିତା ପ୍ରଧାନଙ୍କର ୬୦ ବର୍ଷ ବୟସରେ ଏକ ଘରୋଇ ହସପିଟାଲରେ ଗୁରୁବାର ଅପରାହ୍ନରେ ପରଲୋକ ହୋଇଯାଇଛି ।
ସେ ନିମୋନିଆ ଏବଂ ସେପ୍ଟିସେମିଆଯୋଗୁଁ ଗୁରୁତର ଅସୁସ୍ଥ ହୋଇ ପଡିଥିଲେ ।ଡାକ୍ତରଙ୍କ ସମସ୍ତ ଚେଷ୍ଟା ସତ୍ତ୍ୱେ ତାଙ୍କର ସ୍ୱାସ୍ଥ୍ୟ ଅବସ୍ଥାର କୌଣସି ପରିବର୍ତ୍ତନ ଘଟିନଥିଲା । ଯାହା ଫଳରେ ପରଲୋକ ହୋଇଯାଇଥିଲା ।
ଏହି ଖବର ପ୍ରଚାରିତ ହେବା ମାତ୍ରେ ତାଙ୍କୁ ଶେଷ ଦର୍ଶନ କରିବା ପାଇଁ ମେୟର ସୁବାସ ସିଂ, ସିଏମସି କମିଶନର ନିଖିଲ ପବନ କଲ୍ୟାଙ୍କ ସମେତ ବିଜେପି ଏବଂ ବିଭିନ୍ନ ରାଜନୈତିକ ଦଳର ନେତା ବୁଧିଜିବୀ ମାନେ ସାମାଜିକ କର୍ମୀ ମାନେ ଘରୋଇ ହସ୍ପିଟାଲରେ ପହଞ୍ଚିଥିଲେ ।
ତାଙ୍କ ମୃତଦେହକୁ ଘରୋଇ ହସପିଟାଲରୁ ନିଆଯାଇ ଏକ ଶୋଭାଯାତ୍ରାରେ କଟକ ସହର ବିଭିନ୍ନ ସାହି ବଜାର ପରିକ୍ରମା କରାଯାଇ ଖାନନଗର ଶ୍ମଶାନକୁ ନିଆଯାଇ ସତକାର କରାଯାଇଥିଲା ।
