୨୬ଜୁଲାଇ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ମାହାଙ୍ଗା ବ୍ଳକର :- ନୁର୍ତାଙ୍ଗ ପଂଚାୟତରେ ଆସନ୍ତା ଅଗଷ୍ଟ ୯ ତାରିଖରେ ଉପନିର୍ବାଚନ ହେବାକୁ ଯାଉଥିବାବେଳେ ତିନି ଜଣ ପ୍ରାଥୀଁ ପ୍ରତିଦ୍ୱନ୍ଦିତାରେ ଅବତୀର୍ଣ୍ଣ ହୋଇଛନ୍ତି । ପୂର୍ବତନ ସରପଂଚ ପବିତ୍ର ମୋହନ ବରାଳ ,ପୂର୍ବତନ ସରପଂଚ ସ୍ୱର୍ଗତ ରମାକାନ୍ତ ବରାଳଙ୍କ ଭାଇ ରଂଜିତ ବରାଳ ଏବଂ ଜ୍ୟୋତିଷ କୁମାର ଜେନା ପ୍ରତିଦ୍ୱନ୍ଦିତା କରୁଛନ୍ତି । ଏହି ଫଂଚାୟତ ଉପନିର୍ବାଚନ ଏବେ ମାହାଙ୍ଗାରେ ଚର୍ଚ୍ଚାର ବିଷୟ ପାଲଟିଛି । ଏହି ପଂଚାୟତରେ ୧୫ଗୋଟି ୱାର୍ଡରେ ୩୧୦୧ ଜଣ ମତଦାତା ରହିଛନ୍ତି । ନିର୍ବାଚନ ଯେତିକି ପାଖେଇ ଆସୁଛି ଦୁଇ ପ୍ରାର୍ଥିୀ ପବିତ୍ର ଓ ରଂଜିତ ଙ୍କ କଡା ଟକ୍ର ହେବ ବୋଲି ଜନସାଧାରଣଙ୍କ ମଧ୍ୟରେ ଆଲୋଚନା ହେଉଛି ।
ମାହାଙ୍ଗା ବ୍ଲକର ପୂର୍ବତନ ଅଧ୍ୟକ୍ଷ ସ୍ୱର୍ଗତ କୁଳମଣି ବରାଳଙ୍କ ସାନ ପୁଅ ରଂଜିତ ବରାଳ ଏବେ ନିର୍ବାଚନ ମଇଦାନରେ ଅବତୀର୍ଣ୍ଣ ହୋଇଥିବାବେଳେ ତାଙ୍କୁ ବିଜେପି ଏବଂ କଂଗ୍ରେସ ସମର୍ଥନ ଦେଉଥିବା ଶୁଣିବାକୁ ମିଳୁଛି । ବିଜୟ ହେବେ ବୋଲି ଆଶା ବାନ୍ଧିଛନ୍ତି . ଅପର ପକ୍ଷରେ ବିଜେଡି ଦଳର ସମର୍ଥନ ଓ ମାହାଙ୍ଗା ବିଧାୟକ ପ୍ରତାପ ଜେନାଙ୍କ ଦୃଢ ସଂଗଠନ ଓ ବିକାଶମୂଳକ କାମ ପାଇଁ ପବିତ୍ର ବିଜୟ ହେବାର ଆଶା ବାନ୍ଧି ରଖିଛନ୍ତି । ପବିତ୍ର ପୂର୍ବରୁ ଏହି ପଂଚାୟତର ସରପଂଚ ହୋଇ ବିଭିନ୍ନ ଉନ୍ନତୀମୂଳକ କାର୍ଯ୍ୟ କରିବା ସହ ନିଜର ସାଂଗଠନିକ ଦକ୍ଷତା ପ୍ରତିପାଦନ କରିଛନ୍ତି ।
ନବୀନ ସରକାରଙ୍କ ଜନକଲ୍ୟାଣକାରୀ ଯୋଜନା ଓ ବିଧାୟକଙ୍କ ସଠିକ୍ ଗୋଟି ଚାଳନା ପବିତ୍ର ବିଜୟ କରିବାରେ ବେଶ ସହାୟକ ହେବ ବୋଲି ଆଲୋଚନା ହେଉଛି । ପବିତ୍ର ଜଣେ ଶାନ୍ତ ,ସରଳ ଓ ଦୃଢ ଯୁବ ସଂଗଠକ ସହ ରାଜନୀତି ଦକ୍ଷତା ରହିଥିବା ହେତୁ ସେ ବିଜୟ ପାଇଁ ଦାବୀଦାର ବୋଲି ଆଲୋଚନା ହେଉଛି । ସେହିପରି ସ୍ୱାଧିନ ପ୍ରାଥୀଁ ଭାବେ ଜ୍ୟୋତିଷ କୁମାର ଜେନା ମଇଦାନରେ ଅବତୀର୍ଣ୍ଣ ହୋଇ ହୋଇ ବିଜୟୀ ହେବାର ମଧ୍ୟ ଆଶା ବାନ୍ଧି ରଖିଛନ୍ତି । ଆଗାମୀ ଦିନରେ ନିର୍ବାଚନ ଫଳ କଣ ହେବ ତାହା ଦେଖିବାକୁ ବାକି ରହିଲା ।
