୨୧ଜୁଲାଇ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ନୟାଗଡ଼ ଜିଲ୍ଲା :- ସମଗ୍ର ଓଡିଶା ରାଜ୍ଯ ଘରୋଇ ବିଦ୍ୟାଳୟ ମହାସଂଘ ଡାକରାରେ ନୟାଗଡ଼ ଜିଲ୍ଲାର ସମସ୍ତ ଘରୋଇ ବିଦ୍ଯାଳୟ ଆଜି ବନ୍ଦ ରହିଛି । ଘରୋଇ ବିଦ୍ଯାଳୟ ପ୍ରତି ରାଜ୍ଯ ସରକାରଙ୍କର ବୈମାତୃକ ମନୋଭାବ, ମନମୁଖୀ କାର୍ଯ୍ୟକ୍ରମ ଓ ଘରୋଇ ବିଦ୍ଯାଳୟ ମାରଣ ନୀତି ବିରୁଦ୍ଧରେ ଅଲ ଓଡିଶା ପ୍ରାଇଭେଟ ସ୍କୁଲ ଆସୋସିଏସନ ତରଫରୁ ଭୁବନେଶ୍ୱର ଲୋୟର ପିଏମଜି ଠାରେ ରାଜ୍ଯ ସ୍ତରୀୟ ବିକ୍ଷୋଭ ପ୍ରଦର୍ଶନ ହୋଇଛି ।
ଘରୋଇ ବିଦ୍ଯାଳୟର ୦୪ ଦଫା ସମ୍ବଳିତ ଏକ ଦାବିପତ୍ର ନେଇ ନୟାଗଡ଼ ଜିଲ୍ଲାର ଓ ଜିଲ୍ଲା ଶିକ୍ଷା ଅଧିକାରୀଙ୍କ ମାଧ୍ୟମରେ ସରକାରଙ୍କୁ ଦାବିପତ୍ର ଦେବା ସହିତ ଭୁବନେଶ୍ୱର ଲୋୟର ପି ଏମ ଜି ରେ ଅନୁଷ୍ଠିତ ସାମୁହିକ ଧାରଣା ରେ ଭାଗ ନେଇଛନ୍ତି ।
ଚାରି ଦଫା ଦାବି ଗୁଡିକ ହେଲା-
୧. ନିଜସ୍ଵ ଗୃହ ଥିଲେ ସ୍ଥାୟୀ COR ପ୍ରଦାନ ଏବଂ ଭଡ଼ା ଘରେ ଚାଲୁଥିଲେ ୧୦ ବର୍ଷ ପାଇଁ COR ପ୍ରଦାନ।
୨. RTE (25 %) ରେ ମାଗଣାରେ ପାଠ ପଢୁଥିବା ଛାତ୍ର ଓ ଛାତ୍ରୀଙ୍କ ବକେୟା ରାଶି ପ୍ରଦାନ ।
୩. ମାଗଣା ସରକାରୀ ପାଠ୍ୟ ପୁସ୍ତକ ବେସରକାରୀ ବିଦ୍ୟାଳୟ ରେ ପଢୁଥିବା ଛାତ୍ର ଓ ଛାତ୍ରୀ ଙ୍କୁ ପ୍ରଦାନ କରିବା ।
୪. ବେସରକାରୀ ବିଦ୍ୟାଳୟ ରେ କାର୍ଯ୍ୟରତ ଶିକ୍ଷକ ଏବଂ ଶିକ୍ଷୟତ୍ରୀଙ୍କ ପାଇଁ ଆର୍ଥିକ ପ୍ରୋତ୍ସାହନ ପ୍ରଦାନ।
ରାଜ୍ଯ ସରକାର ଏହି ଦାବି ଗୁଡିକୁ ପୂରଣକରି ଛାତ୍ରଛାତ୍ରୀ ମାନଙ୍କ ଭବିଷ୍ଯତ ନିର୍ମାଣ ରେ ସହଯୋଗ କରିବା ପାଇଁ ରାଜ୍ଯର ସମସ୍ତ ଘରୋଇ ବିଦ୍ଯାଳୟ କର୍ମକର୍ତ୍ତା , ସେବା ବ୍ରତୀ ଆଚାର୍ଯ୍ୟ ଆଚାର୍ଯ୍ୟା ଓ ଅଭିଭାବକ ମାନେ ନିବେଦନ କରିଛନ୍ତି ।
