୧୯ ଜୁଲାଇ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) କଟକ :- କମିଶନରେଟ ପୋଲିସ ଭୁବନେଶ୍ୱର-କଟକ ପାହାଳ ଥାନା ପକ୍ଷରୁ , ବୁଧବାର ଅପରାହ୍ନରେ ପୋଲିସ ପବ୍ଲିକ୍ ଇଣ୍ଟ୍ରାକସନ୍ ବୈଠକ ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ଭୁବନେଶ୍ୱର ଯୋନ୍-୪ ଏସିପି ଏସ ଏନ ମୁଦୁଲିଙ୍କ ଅଧ୍ୟକ୍ଷତାରେ, ଆୟୋଜିତ କାର୍ଯ୍ୟକ୍ରମରେ ଭୁବନେଶ୍ୱର ଡିସିପି ପ୍ରତିକ୍ ସିଂ ମୁଖ୍ୟ ଅତିଥି, ଅତିରିକ୍ତ ଡିସିପି ପ୍ରକାଶ ଚନ୍ଦ୍ର ପାଲ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ଆୟୋଜିତ କାର୍ଯ୍ୟକ୍ରମରେ ଉପସ୍ଥିତ ଜନସାଧାରଣ , ଜାତୀୟ ରାଜପଥର ଉଭୟ ପାରଶ୍ୱ ହଂସପାଳ ଠାରୁ ଲକ୍ଷେଶ୍ୱର ମନ୍ଦିର ଫୁଲନଖରା ପର୍ଯ୍ୟନ୍ତ ସର୍ଭିସ ରୋଡ଼ କଡ଼ରେ , ଵହୁ ଦୋକାନ ଦୋକାନ ଖୋଲିଛି । ଯାହାଫଳରେ ରାସ୍ତା ରେ ଗାଡ଼ି ମଟର ଅଟକି ରହିବା ଫଳରେ ରାସ୍ତା ଅବରୋଧ କରାଯାଉଛି ।
ବିଲଡ଼ର ମାନେ ସରକାରୀ ଜମିକୁ ଜବର ଦଖଲ କରିବା , ମଗାଁ ଗହଳି ଏବଂ ବିଭିନ୍ନ ଛକ ଯାଗାରେ ଅବାଧ ମାଦକ ଦ୍ରବ୍ୟ ବିକ୍ରି ଯୋଗୁଁ ଅସାମାଜିକ କାର୍ଯ୍ୟ ବୃଦ୍ଧି ପାଇବାରେ ଲାଗିଛି , ଥାନାକୁ ଅଧିକ ଷ୍ଟାପ ଏବଂ ଆଉ ଗୋଟିଏ ପିସିଆର ଭ୍ୟାନ ଯୋଗାଇ ଦେବା ନେଇ ଅଞ୍ଚଳ ବାସୀ ଡିସିପି ପ୍ରତିକ୍ ସିଂଙ୍କ ଦୃଷ୍ଟି ଆକର୍ଷଣ କରିଥିଲେ । ଡିସିପି ଏଦିଗରେ ଧ୍ୟାନ ଦେଇ କାର୍ଯ୍ୟ କରିବାକୁ ଥାନା ଅଧିକାରୀଙ୍କୁ କହିଥିଲେ । ଏହାସହିତ ଜନସାଧାରଣ ସେମାନଙ୍କ ଅଞ୍ଚଳରେ ଘଟୁଥିବା ଘଟଣା ସଂପର୍କରେ ଥାନାକୁ ଜଣାଇବା ସହ ଘରେ ସିସିଟିଭି ଲଗାଇବାକୁ ଜନସାଧାରଣଙ୍କୁ ପରାମର୍ଶ ଦେଇଥିଲେ ।
ଆୟୋଜିତ କାର୍ଯ୍ୟକ୍ରମରେ ପାହାଳ ଥାନା ଆଇଆଇସି ସୂଚିତ୍ରା ପରିଡ଼ା ଜନସାଧାରଣଙ୍କ ଦାବି ଦିଗରେ ଦୃଷ୍ଟି ଦେବେ ବୋଲି କହିବା ସହିତ ଧନ୍ୟବାଦ ଦେଇଥିଲେ । ଆୟୋଜିତ କାର୍ଯ୍ୟକ୍ରମରେ ସ୍ଥାନୀୟ କର୍ପୋରେଟର ସୁକୁମାର ସାହୁ , ଅକ୍ଷୟ କୁମାର ଲେଙ୍କା ,ବଂଶୀଧର ଭୋଳ, ପଦ୍ମନାଭ ପଟ୍ଟନାୟକ ପ୍ରମୁଖ ଯୋଗ ଦେଇ ବିଭିନ୍ନ ସମସ୍ୟା ସମ୍ପର୍କରେ ନିଜ ନିଜର ମତ ରଖିଥିଲେ । ଏହି କାର୍ଯ୍ୟକ୍ରମରେ ଵିଏମସି ୪ନମ୍ବର ୱ।ର୍ଡ଼, ବାଲିଅନ୍ତା ,ଜଗନ୍ନାଥପୁର ପଞ୍ଚାୟତ ର ତିନିଶହ ମହିଳା ପୁରୁଷ ଯୁବକ ଯୋଗ ଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ । ପାହାଳ ଥାନାର ସମସ୍ତ ପୋଲିସ କର୍ମଚାରୀ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
