୧୮ଜୁଲାଇ ,୨୦୨୩ ( ଓଡ଼ିଶା ତାଜା ନ୍ୟୁଜ୍ )ବାଲୁଗାଁ :- ବାଲୁଗାଁ ବିଂଜ୍ଞାପିତ ଅଞ୍ଚଳ ପରିଷଦ 11 ଗୋଟି ୱାର୍ଡକୁ ନେଇ ଗଠିତ ତଥା ଖୋର୍ଦ୍ଧା ଜିଲ୍ଲାର ପ୍ରମୁଖ ବାଣିଜ୍ୟ ଓ ବ୍ୟବସାୟିକ ସ୍ଥଳ l ଏଠାରେ ଲାଗିଥିବା ଅଧିକାଂଶ ସ୍ଥାନରେ ଷ୍ଟ୍ରିଟ ଲାଇଟ ଗୁଡିକ ବହୁଦିନ ହେଲା ଅଚଳ ହୋଇ ପଡିଛି l ବିଶେଷ କରି 11 ନଂ ୱାର୍ଡର ମାମୁଁ ଭଣଜା ପାହାଡ଼ ପାଦଦେଶରେ ଶ୍ମଶlନ ରୋଡ଼, ବିଭିନ୍ନ ସରକାରୀ ଅଫିସ ପରିସରର ପାର୍ଶ୍ୱ ଲାଇଟ ଗୁଡିକ ବହୁତ ଦିନ ଧରି ଅଚଳ ଯୋଗୁଁ ଅସାମାଜିକ କାର୍ଯ୍ୟ କଳାପ ବୃଦ୍ଧି ପାଇବାର ସମ୍ଭାବନା ରହିଛି l
ଏଥି ସହିତ11 ନଂ ୱାର୍ଡର ସମସ୍ତ ଲାଇଟ,ତଥା ପୁରୁଣା ଜାତୀୟ ରାଜପଥ,9 ନଂ ୱାର୍ଡ,10 ନଂ ୱାର୍ଡ,ଉମାମହେଶ୍ୱର ରୋଡ଼,ଷ୍ଟେସନ ରୋଡ଼ର ଅଧିକାଂଶ ଅଞ୍ଚଳର ଷ୍ଟ୍ରିଟ ଲାଇଟ ଅଚଳ କାରଣରୁ ଜନ ଜୀବନ ପ୍ରତି ବିପଦ ଆଶଙ୍କା ରହିଛି l ଯଥା ସନ୍ଧ୍ୟା ହେଲେ ଅନ୍ଧକାର ଯୋଗୁଁ ରାସ୍ତାରେ ଯାତାୟତ ବେଳେ ବିଭିନ୍ନ ବିଷାକ୍ତ ସାପ ପ୍ରତି ଭୟ ଲାଗିବା ସହ ସାଧାରଣ ଲୋକମାନେ ବହୁତ ଅସୁବିଧାର ସମ୍ମୁଖୀନ ହେବା ସହ ଦୃଘଟଣା ମଧ୍ୟ୍ୟ ଘଟୁଛି l
ଏ ସମ୍ପର୍କରେ ବାଲୁଗାଁ ବିଂଜ୍ଞାପିତ ଅଞ୍ଚଳର କାର୍ଯ୍ୟ ନିର୍ବାହୀଙ୍କୁ ବାରମ୍ବାର ଅଭିଯୋଗ କଲେ ମଧ୍ୟ୍ୟ କୌଣସି ସୁଫଳ ମିଳୁ ନଥିବା ଅଞ୍ଚଳବାସୀ କହିଛନ୍ତି l ବାଲୁଗାଁର ମୁଖ୍ୟ ଛକରେ ଥିବା ହାଇ ମାକ୍ସ ଲାଇଟ ଗୁଡିକ ମଧ୍ୟ୍ୟ ଦୀର୍ଘ ଦିନ ଧରି ଅଚଳ ହୋଇ ପଡି ରହିଛି l ଏଥିପ୍ରତି ବିଭାଗୀୟ ଜିଲ୍ଲା ପ୍ରଶାସନ ତୁରନ୍ତ କାର୍ଯ୍ୟନୁଷ୍ଟାନ ଗ୍ରହଣ କରିବା ପାଇଁ ସାଧାରଣରେ ଦାବୀ ହେଉଛି l
