ଏହି କାର୍ଯ୍ୟକ୍ରମରେ ଶୀର୍ଷ ଇନ୍କ୍ୟୁବେଟର ଏବଂ ଷ୍ଟାର୍ଟଅପ୍ଗୁଡିକର ସିଇଓବୃନ୍ଦ, ଓଡ଼ିଶା ଷ୍ଟାର୍ଟଅପ୍ ସେଲ୍ର ଅଧିକାରୀଙ୍କ ସମେତ ବିଶିଷ୍ଟ ବ୍ୟକ୍ତିଗଣ ଯୋଗଦେଇଥିଲେ
୭ଜୁଲାଇ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :- ନବୋନ୍ମେଷୀ ପ୍ରଯୁକ୍ତି ଉଦ୍ୟୋଗଗୁଡିକୁ ସମର୍ଥନ ଯୋଗାଇଦେବା ନିମନ୍ତେ ଉତ୍ସର୍ଗୀକୃତ ଏକ ଅଗ୍ରଣୀ ସଂସ୍ଥାନ ସାଞ୍ଚିକନେକ୍ଟ ଓଡ଼ିଶାରୁ ପ୍ରମୁଖ ସହଭାଗୀଙ୍କୁ ସାମିଲ କରି ଏହି ଧରଣର ପ୍ରଥମ ଡିପ୍ ଟେକ୍- ଓନ୍ଲି ରୋଡ ସୋ’ ଆୟୋଜନ କରିଥିଲା । ଶିଳ୍ପ ମଧ୍ୟରେ ସମ ଭାବାପନ୍ନ ବ୍ୟକ୍ତିବିଶେଷଙ୍କୁ ନିୟୋଜିତ ରଖିବା ଏବଂ ମୂଲ୍ୟବାନ ଅନ୍ତର୍ଦୃଷ୍ଟି ବିନିମୟ କରିବା ନିମନ୍ତେ ସୁଯୋଗ ଦେବାକୁ ଦୃଷ୍ଟିନିବଦ୍ଧକାରୀ ନେଟୱର୍କିଂ ବ୍ୟବସ୍ଥା କରିବାକୁ ଏହି କାର୍ଯ୍ୟକ୍ରମ ଏକ ମଞ୍ଚ ଯୋଗାଇ ଦେଇଥିଲା । ଓଡ଼ିଶାର ଭୁବନେଶ୍ୱରରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା ଏବଂ ଏହା ସ୍ଥାନୀୟ ଷ୍ଟାର୍ଟଅପ୍ସମୂହ ଏବଂ ସାଞ୍ଚିକନେକ୍ଟ ସହିତ ସଂପୃକ୍ତ ୧୩୦ ଡିପ୍ ଟେକ୍ ଉଦ୍ୟୋଗ ଫଣ୍ଡ୍ଗୁଡିକ ମଧ୍ୟରେ ନିବିଡ ଅଂଶୀଦାର ବ୍ୟବସ୍ଥା ଗଢିତୋଳିବାକୁ ଭବିଷ୍ୟତର ମୂଳଦୁଆ ସ୍ଥାପନ କରିବା ଆଶା କରାଯାଉଛି ।
ଏହା ମଧ୍ୟ ଓଡ଼ିଶା ରାଜ୍ୟର ଷ୍ଟାର୍ଟଅପ୍ଗୁଡିକୁ ସେମାନଙ୍କ ଯାତ୍ରାରେ ଅଭିବୃଦ୍ଧି ହାସଲ କରିବାକୁ ସାଞ୍ଚିକନେକ୍ଟକୁ ଉପଯୋଗ କରୁଥିବା ୧୦୦୦ରୁ ଅଧିକ ଷ୍ଟାର୍ଟଅପ୍ ସହିତ ସହଭାଗୀତା କରିବାକୁ ସମର୍ଥ କରାଇବ । ଦେଶରେ ଡିପ୍ ଟେକ୍ ସମର୍ଥନକାରୀ ବ୍ୟବସ୍ଥାକୁ ମଜଭୁତ କରିବା ଲକ୍ଷ୍ୟରେ ଏହି କାର୍ଯ୍ୟକ୍ରମ ରାଜ୍ୟର ଷ୍ଟାର୍ଟଅପ୍ଗୁଡିକ ପାଇଁ ଭବିଷ୍ୟତର ସମର୍ଥନ ଏବଂ ପାଣ୍ଠି ବ୍ୟବସ୍ଥା ନିମନ୍ତେ ସ୍ଥାନୀୟ ପରିବ୍ୟବସ୍ଥା ସହିତ ସହଯୋଗିତା ସୃଷ୍ଟି କରିବା ଉଦ୍ଦେଶ୍ୟରେ ଆୟୋଜନ କରାଯାଇଥିଲା । ସାଞ୍ଚିକନେକ୍ଟ ମଧ୍ୟ ପ୍ରିସିଡ୍ ଆକ୍ସଲରେଟର ସପୋର୍ଟସ୍ ୟର୍ଲି-ଷ୍ଟେଜ୍ ଆଇପି-ଲେଡ୍ ଉତ୍ପାଦସମୂହ ପରିଚାଳନା କରୁଛି ଯେଉଁଠାରେ ତାହା କମ୍ପାନୀଗୁଡିକୁ ତତ୍କ୍ଷଣାତ ୭୫ ଲକ୍ଷ ଟଙ୍କା ପୁଞ୍ଜି ଯୋଗାଇଦେବା ସହିତ ୩- ୬ମାସର ପ୍ରୋତ୍ସାହନ ବଜାର ପ୍ରବେଶ ସମର୍ଥନ ଆକାରରେ ଯୋଗାଇ ଦେଉଛନ୍ତି । ପ୍ରତିନିଧିଗଣ ଆଣିବାକୁ ଥିବା ଫିନ୍ଟେକ ଏବଂ ଏଗ୍ରିଟେକ୍ ପ୍ରୟାସଗୁଡିକ ସମ୍ପର୍କରେ ବକ୍ତବ୍ୟ ରଖିଥିଲେ ।
“ଭୁବନେଶ୍ୱରରେ ଆୟୋଜିତ କାର୍ଯ୍ୟକ୍ରମ ଡିପ୍ ଟେକ୍ ସହଭାଗୀମାନଙ୍କୁ ସଂଯୁକ୍ତ ହେବା, ସମ୍ମିଳିତ ଭାବେ କାର୍ଯ୍ୟକରିବା ଏବଂ ଅଭିବୃଦ୍ଧି ନିମନ୍ତେ ନୂତନ ସୁଯୋଗ ସମ୍ଭାବ୍ୟତା ଅନୁଧ୍ୟାନ କରିବାକୁ ଏକ ଅନନ୍ୟ ସୁଯୋଗ ଯୋଗାଇ ଦେଇଥିଲା । ଶିଳ୍ପ ଏବଂ ରାଜ୍ୟର ଷ୍ଟାର୍ଟଅପ୍ ସେଲଗୁଡିକ ମଧ୍ୟରେ ବିନିମୟର ଏକ ପରିବେଶକୁ ପ୍ରୋତ୍ସାହିତ କରିବା ଏବଂ ଏକ ସ୍ଥାୟୀ ସମ୍ପର୍କ ନିର୍ମାଣ ଦିଗରେ ଆମେ ପ୍ରତିବଦ୍ଧ ରହିଛୁ,” ବୋଲି ଡଃ.ସୁନିଲ ଶେଖାୱତ, କୋ- ଫାଉଣ୍ଡର ଏବଂ ସିଇଓ, ସାଞ୍ଚିକନେକ୍ଟ କହିଥିଲେ । ଶ୍ରୀ ଓମ୍କାର ରାୟ ଷ୍ଟାର୍ଟଅପ୍ ଓଡ଼ିଶାର ଏକ୍ଜିକ୍ୟୁଟିଭ ଚେୟାରମ୍ୟାନ ଭାବରେ ଯୋଗଦେବା ଦିନଠାରୁ ରାଜ୍ୟ ଷ୍ଟାର୍ଟଅପ୍ ସେଲ୍ ଏବଂ ରାଜ୍ୟ ସରକାର ସ୍ଥାନୀୟ ପରିବ୍ୟବସ୍ଥାକୁ ସମର୍ଥନ ଯୋଗାଇଦେବାକୁ ଏହିଭଳି ଅନେକ ପଦକ୍ଷେପ ଗ୍ରହଣ କରିଛନ୍ତି ।
ଡିପ୍ ଟେକ୍ କ୍ଷେତ୍ରରେ ସାଞ୍ଚିକନେକ୍ଟ ଭାରତରେ ଭେଞ୍ଚର କ୍ୟାପିଟାଲ ଫାର୍ମସମୂହର ସର୍ବବୃହତ ସଂସ୍ଥାନ ହୋଇଛି ଏବଂ ଓଡ଼ିଶା ଷ୍ଟାର୍ଟଅପ୍ ସେଲ୍ ସହିତ ଏହି ସହଭାଗୀତା ଷ୍ଟାର୍ଟଅପ୍ଗୁଡିକୁ ଉଭୟ ଘରୋଇ ଏବଂ ବୈଶ୍ୱିକ ସ୍ତରରେ ପାଣ୍ଠିର ସୁଯୋଗ ନେବା ଫାଇଦା ଯୋଗାଇଦେବ । ସମଗ୍ର ଦେଶରେ ୧୩୦ରୁ ଅଧିକ ଭେଞ୍ଚର କ୍ୟାପିଟାଲ ଅଂଶୀଦାର ଏବଂ ସର୍ବବୃହତ୍ ଡିପ୍-ଟେକ୍ ଷ୍ଟାର୍ଟଅପ୍ ନେଟୱର୍କ ସହିତ ସାଞ୍ଚିକନେକ୍ଟ ସମୁଦାୟ ପରିବ୍ୟବସ୍ଥାର ଅଭିବୃଦ୍ଧିକୁ ସମର୍ଥନ ଯୋଗାଇବାକୁ ବହୁ ମୂଲ୍ୟବାନ ସମ୍ବଳ ଏବଂ ଅଭିଜ୍ଞତା ଯୋଗାଇ ଦେଉଛି ଏବଂ ଏହାଦ୍ୱାରା ନିଜକୁ ଓଡ଼ିଶାର ଷ୍ଟାର୍ଟଅପ୍ ଦୃଶ୍ୟପଟ୍ଟ ନିମନ୍ତେ ଏକ ଆଦର୍ଶ ସହଭାଗୀ ଭାବରେ ଉପସ୍ଥାପିତ କରୁଛି ।
