୭ଜୁଲାଇ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ଜଟଣୀ :- ମଙ୍ଗଳବାର ସନ୍ଧ୍ୟାରେ ଖୋର୍ଦ୍ଧା ରୋଡ଼ ରେଳ ଷ୍ଟେସନ ପାଖରେ ଜଣେ ବୃଦ୍ଧ ଅସହାୟ ଅବସ୍ଥାରେ ବୁଲିବାର ଦେଖିବାକୁ ମିଳିଥିଲେ l ବବୁଲ ନାମକ ଜଣେ “ମୋ ପରିବାର” ସଦସ୍ୟ ବୃଦ୍ଧଙ୍କ ପାଖକୁ ଯାଇ ପଚାରି ବୁଝିଥିଲେ ଏବଂ ତାଙ୍କୁ ଖାଇବାକୁ ଦେଇଥିଲେ l ତାପରେ ସମସ୍ତ ସଦସ୍ୟମାନଙ୍କୁ ଅବଗତ କରାଇଥିଲେ l ତାଙ୍କ ଠାରୁ ବୁଝିବାକୁ ପାଇଥିଲୁ ସମସ୍ତ ବିଷୟ,ବହୁ ସମସ୍ୟା ଭିତରେ ଗତି କରୁଛନ୍ତି l ବୃଦ୍ଧଙ୍କ ନାମ ଈଶ୍ୱର ସାମଲ, କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକର ମାନପୁର ଗ୍ରାମରେ ଘର,ଦୁଇଟି ପୁଅ ସାନପୁଅ ମୃତ୍ୟୁ ପରେ,ସେ ମାନସିକ ଚାପରେ ରହୁଥିଲେ l
ନିଜ ଘରେ ବୋହୁ ଠାରୁ ଅତ୍ୟାଚାର ହେଉଥିଲେ ବୋଲି ପ୍ରକାଶ କରିଥିଲେ l ଆମେ ପ୍ରଥମେ ଜଟଣୀ ଥାନାରେ ଜଣାଇ ଥିଲୁ l ଜଟଣୀ ଥାନା ଅଧିକାରୀ ସୌମ୍ୟକାନ୍ତ ବଳିୟାରସିଂହଙ୍କ ପରାମର୍ଶ ନେଇଥିଲୁ ଏବଂ ସଂଘର ନିଷ୍ପତ୍ତି ଅନୁସାରେ ଶ୍ରୀସାମଲଙ୍କୁ ତାଙ୍କ ଘରକୁ ଛାଡିବାକୁ ଗୁରୁବାର ଦିନ ସଂଘର ସହଯୋଗରେ ଭଡା ଗାଡିରେ ଶ୍ରୀସାମଲଙ୍କୁ ନେଇଥିଲୁ l ପ୍ରଥମେ ଆଳି ଥାନାରେ ପହଞ୍ଚିଥିଲୁ l ଥାନାରେ ଥାନା ଅଧିକାରୀ ଅନୁପସ୍ଥିତ ଥିବାରୁ ଏ ଏସ ଆଇ ଗୁଣ୍ଡୁରା ମଲ୍ଲିକଙ୍କ ସହିତ କଥା ହୋଇଥିଲୁ l ଶ୍ରୀମଲ୍ଲିକ ଈଶ୍ୱର ସାମଲଙ୍କୁ ତାଙ୍କ ଘରେ ଛାଡ଼ିଦେବେ ବୋଲି କହିଥିଲେ l
ଥାନାରେ ଶ୍ରୀମଲ୍ଲିକଙ୍କୁ ହସ୍ତାନ୍ତର କରିବା ପରେ ତାଙ୍କ ଗ୍ରାମର ସରପଞ୍ଚଙ୍କ ସହିତ କଥା ହୋଇ ସମସ୍ତ ବିଷୟ ବୁଝିଥିଲୁ ଏବଂ ଶ୍ରୀସାମଲଙ୍କ ପରିବାର ଲୋକ ଅନୁପସ୍ଥିତି ଥିବାରୁ ସେହି ଠାରୁ ଚାଲି ଆସିଥିଲୁ l “ମୋ ପରିବାର”ର ଶୁଭେନ୍ଦ୍ର,ସିଦ୍ଧାର୍ଥ,ଚମ୍ପତ୍ତି, ରମେଶ,ଗଟୁ,ବବୁଲ ଗାଡ଼ିରେ ଯାଇଥିବା ବେଳେ ବି.ପଟ୍ଟନାୟକ,ଏସ.ପାଇକରାୟ,ମୁନ୍ନା ନାୟକ,ମୁନ୍ନା ମହାନ୍ତି,ବି.ପ୍ରଧାନ,ନିରଞ୍ଜନ, ଏମ.ଶର୍ମା,ରବି ଏବଂ କାଳିଆ ସହ ଯୋଗ କରିଥିଲେ ବୋଲି ସଂଘର ପ୍ରତିଷ୍ଠାତା ଆଇନଜୀବୀ, ସାମ୍ବାଦିକ ଶୁଭେନ୍ଦ୍ର କୁମାର ଶତପଥୀ ସୂଚନା ଦେଇଛନ୍ତି l (ରିପୋର୍ଟ :- ଶୁଭେନ୍ଦ୍ର ଶତପଥୀ)
