୩ଜୁଲାଇ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) କଳାହାଣ୍ଡି :- କେସିଙ୍ଗା ବନାଞ୍ଚଳ ରୁପ୍ରାରୋଡ୍ ସେକ୍ସନ୍ ଅଧିନ ମୁରସିଙ୍ଗ୍ ସ୍ଥିତ ସନ୍ୟାସୀ ଉଚ୍ଚ ବିଦ୍ୟାପୀଠର ଛାତ୍ରୀ ନିବାସ ପରିସରରେ ‘ସମ୍ୱାଦ’ ସାହିତ୍ୟ ଘର ରୁପ୍ରା ଶାଖା ଓ କେସିଙ୍ଗା ବନାଞ୍ଚଳର ମିଳିତ ସହଯୋଗରେ ଆଜି ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ‘ସମ୍ୱାଦ’ ପ୍ରତିନିଧି ଅଜୟ କୁମାର ସେନାପତି ଓ ଆମ ଜଙ୍ଗଲ ଯୋଜନାର ଦଳପତି ହେମନ୍ତ ସାହୁଙ୍କ ପରିଚାଳନାରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । 
‘ସମ୍ୱାଦ’ ସାହିତ୍ୟ ଘର ରୁପ୍ରାର ଉପସଭାପତି ତଥା ଉକ୍ତ ବିଦ୍ୟାଳୟର ଶିକ୍ଷକ ଶିଶିର କୁମାର ବେହେରାଙ୍କ ସମେତ ଛାତ୍ର ଛାତ୍ରୀ ଶଙ୍କିତା ପଧାନ, ଚୁମିନା ବିଶ୍ୱାଳ, ଅଙ୍କିତ ଗୌଡ, ରିଙ୍କୁ ସା, ଦୀପା ବାରିକ ଓ ସଙ୍ଗୀତା ନନ୍ଦ ପ୍ରମୁଖ ବୃକ୍ଷ ରୋପଣ କରିଥିଲେ । ବିଦ୍ୟାଳୟର ଶିକ୍ଷକ ପ୍ରହଲ୍ଲାଦ ବିଶ୍ୱାଲ, ବାଳୁଙ୍କି ସାହୁ , ମନୋରଞ୍ଜନ ଦାସ, ନରେନ୍ଦ୍ର ଖିଲାର୍, ନରସିଂହ ସାହୁ, ସତ୍ୟପ୍ରିୟ ଜେନା, ବିଦ୍ୟାଳୟର କର୍ମଚାରୀ ଲିଙ୍ଗରାଜ ପଧାନ, ଶରତ ଭୋଇ, ଗୋପାଳ ବାରିକ , ମୋହନ କରୁଆଁ ଓ ସମସ୍ତ ଛାତ୍ରଛାତ୍ରୀ ବୃକ୍ଷ ରୋପଣ କାର୍ଯ୍ୟକ୍ରମରେ ସହଯୋଗ କରିଥିଲେ । ଶେଷରେ ‘ସମ୍ୱାଦ’ ପ୍ରତିନିଧି ଅଜୟ କୁମାର ସେନାପତି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ
