୩୦ ଜୁନ୍ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :- ରାଜ୍ୟରେ ସ୍ଥାୟୀ କୃଷିକୁ ପ୍ରୋତ୍ସାହିତ କରିବା ସହିତ ରାଜ୍ୟବାସୀଙ୍କ ପୋଷଣରେ ମଧ୍ୟ ଉନ୍ନତି ଘଟାଇବା ଉଦ୍ଦେଶ୍ୟରେ ଓଡ଼ିଶା ମିଲେଟ୍ ମିଶନ ମିଲେଟ ଉତ୍ପାଦନ ଏବଂ ଭୋଜନକୁ ପୁନର୍ଜୀବିତ କରିବାକୁ ଉଦ୍ୟମ କରୁଛି । ମିଶନ ଶକ୍ତି ଓ ମିଲେଟ ମିଶନକୁ ଏକ ସାଥିରେ ଆଗକୁ ନେବା ସହିତ ମିଲେଟରୁ କିପରି ଅଧିକରୁ ଅଧିକ ଡିସ୍ ପ୍ରସ୍ତୁତ କରାଯାଇପାରିବ ସେଥିଲାଗି ଓଡ଼ିଶା ଅଗ୍ରଣୀ ଭୂମିକା ଗ୍ରହଣ କରିଛି । ମିଶନ ଶକ୍ତି ଓଡ଼ିଶା ମିଲେଟ ମିଶନ ସହିତ ସାମିଲ ହୋଇ ମିଲେଟ୍ ସିଡ ବ୍ୟାଙ୍କ ପ୍ରତିଷ୍ଠା ସଂକ୍ରାନ୍ତରେ ସକ୍ରିୟ ଭାବରେ କାର୍ଯ୍ୟ କରୁଥିବା ବେଳେ ମହିଳା-ନେତୃତ୍ୱର ବିକାଶକୁ ମଧ୍ୟ ପ୍ରୋତ୍ସାହିତ କରୁଛି । ଏଥିସହିତ ଏହା କୃଷକ-ଉତ୍ପାଦକ-ସଂଗଠନ ବା ୠଚଙ ଗୁଡ଼ିକର ଗଠନ ଦିଗରେ କାର୍ଯ୍ୟ କରୁଛି ଯାହା କ୍ଷୁଦ୍ର ଚାଷୀମାନଙ୍କୁ ସେମାନଙ୍କର ଉତ୍ପାଦଗୁଡ଼ିକୁ ସାମୁହିକ ଭାବରେ ବିକ୍ରି କରିବା, ଉଚିତ ମୂଲ୍ୟ ପାଇବା ଏବଂ ସେମାନଙ୍କର ମୂଲଚାଲ କରିବା କରିବା କ୍ଷମତା ବଢ଼ାଇବାରେ ସହାୟକ ହେବ ।
ବିକ୍ରି ବଢ଼ିବା ଫଳରେ ମହିଳାମାନେ ଅର୍ଥନୈତିକ ସ୍ତରରେ ସ୍ୱଚ୍ଛଳ ହେବା ସହିତ ସ୍ୱାଧୀନ ହୋଇ ପାରିଛନ୍ତି ଏବଂ ସେମାନଙ୍କ ସାମାଜିକ ଜୀବନରେ ଉନ୍ନତି ଘଟାଇ ପାରିଛନ୍ତି । ଉପରୋକ୍ତ ମହିଳାଜଣକ ସେମାନେ କିପରି ସର୍ବୋଚ୍ଚ ଗୁଣ ଓ ସ୍ୱଚ୍ଛତା ବଜାୟ ରଖି ରାଗି ଛତୁଆ ପ୍ରସ୍ତୁତ କରନ୍ତି ସେହିକଥା କହିଛନ୍ତି । ଛତୁଆ ସ୍ୱାସ୍ଥ୍ୟ ପାଇଁ ଉତ୍ତମ ଏବଂ ପୁଷ୍ଟିକର ହୋଇଥିବାରୁ ସେ ସମସ୍ତଙ୍କୁ ଛତୁଆ ଖାଇବା ଲାଗି ପ୍ରୋତ୍ସାହିତ କରିଛନ୍ତି । ମିଲେଟ ମିଶନ, ମିଶନ ଶକ୍ତି ଏବଂ ଓଡ଼ିଶାରେ ମିଲେଟ ଶକ୍ତିଦ୍ୱାରା ପ୍ରସ୍ତୁତ ଉତ୍ପାଦଗୁଡ଼ିକର ଉପଲବ୍ଧତା ଫଳରେ ରାଜ୍ୟରେ ମିଲେଟ୍ ଫସଲକୁ ଉତ୍ସାହିତ କରିଛି । ଏହି ପଦକ୍ଷେପ ନିରନ୍ତର ମିଲେଟ୍ ଚାଷକୁ ପ୍ରୋତ୍ସାହିତ କରିଛି । ଏଥିସହ ଏହା ଏକ ସ୍ୱାସ୍ଥ୍ୟକର ଖାଦ୍ୟ ବିକଳ୍ପ ପ୍ରସ୍ତୁତ କରିଛି ଏବଂ ଆତ୍ମନିଯୁକ୍ତି ମାଧ୍ୟମରେ ମହିଳାମାନଙ୍କୁ ସଶକ୍ତ କରିଛି ।
