ରଣପୁରରେ ମହାପ୍ରଭୂ ଙ୍କ ରୁପାବେଶ : ବିଭୋର ହେଲେ ଭକ୍ତ

୨୯ଜୁନ୍ ,୨୦୨୩ ( ଓଡ଼ିଶା ତାଜା ନ୍ୟୁଜ୍ )  ରଣପୁର :- ନୟାଗଡ ଜିଲ୍ଲା ରଣପୁରରେ ମହାପ୍ରଭୁ ଙ୍କ ରୁପାବେଶ ଅନୁଷ୍ଠିତ ହୋଇଯାଇଛି । ଏହି ଅବସରରେ ହଜାହଜାର ସଂଖ୍ୟାରେ ଭକ୍ତ ମହାପ୍ରଭୁ ଙ୍କ ଏହି ବେଶ ଦେଖି ଭକ୍ତି ରେ ବିଭୋର ହୋଇପଡୁଥିବା ଲକ୍ଷ୍ୟ କରାଯାଇଛି । ଶ୍ରୀଜୀଉଙ୍କ ରୁପାବେଶ ରାତି ୧୨ ପର୍ଯ୍ୟନ୍ତ ବୃଦ୍ଧି କରାଯାଇଛି । ଶ୍ରୀଜୀଉଙ୍କ ରୁପାବେଶ ଦର୍ଶନ । ରାତି ୧୨ଟା ପରେ ଓଲଗି ନୀତି ହେବା ନେଇ ସୂଚନା ମିଳିଛି । ରୀତିନୀତି ଓ ପରମ୍ପରା ଅନୁସାରେ ମହାପ୍ରଭୁ ଙ୍କ ସମସ୍ତ ସେବାକାର୍ଯ୍ୟ ସଂପାଦନ ହେବାପରେ ବଳଭଦ୍ର,ସୁଭଦ୍ରା ଙ୍କୁ ରୁପାବେଶ ରେ ସଜ୍ଜିତ କରାଯାଇଥିଲା । ସେହିଭଳି ନନ୍ଦିଘୋଷ ରଥ ଉପରେ ଶ୍ରୀଜଗନ୍ନାଥ ଙ୍କୁ ସୁସଜ୍ଜିତ ବେଶ ରେ ସଜାଇ ଦିଆଯାଇଥିଲା । ଗୁଣ୍ଡିଚା ମନ୍ଦିର ସମ୍ମୁଖ ରେ ନନ୍ଦିଘୋଷ ରଥ ଛିଡା ହୋଇଥିବାବେଳେ ଅଧାବାଟ ରେ ସୁଭଦ୍ରା ଙ୍କ ଦର୍ପଦଳନ ରଥ ଅଟକି ରହିଛି । ପାଗ ଶୁଖିଲା ଥିବାରୁ ବଡଦାଣ୍ଡରେ ଭକ୍ତ ଙ୍କ ଗହଳି ଲାଗି ରହିଛି । ବିଶେଷକରି ଜଗନ୍ନାଥ ରଥ ରେ ଭକ୍ତମାନେ ଧାଡିରେ ଲମ୍ବିଥିବା ଦେଖିବାକୁ ମିଳିଛି ।