୨୫ଜୁନ୍ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ରାୟଗଡ଼ା :- ରାୟଗଡ଼ା ପ୍ରସିଦ୍ଧି ମାଁ ମଝିଘରିଆଣି ମନ୍ଦିରର ଉନ୍ନତିକରଣ ପାଇଁ ରେଳ ବିଭାଗ ନିଜ ଜମି ରାଜ୍ୟ ରାଜସ୍ୱ ବିଭାଗ ମାଧ୍ୟମରେ ପ୍ରଦାନ କରିଛି । ଏଥିପାଇଁ ବିଜେପି ଦଳ କାହିଁକି ମିଛ ବାହାବା ମାରୁଛି । ଏଭଳି ମତ ଦେଇଛନ୍ତି ଆୟୋଜିତ ଖବରଦାତା ସମ୍ମିଳନୀରେ ବିଜେପି ଜିଲ୍ଲା ସଭାପତି ଶିବ ପଟନାୟକ ଏବଂ ରାଜ୍ୟ କାର୍ଯ୍ୟକାରିଣୀ ସଦସ୍ୟ ବସନ୍ତ ଉଲାକା । ବିଜେପି ପକ୍ଷରୁ ସ୍ଥାନୀୟ ବିଜେପି ଜିଲ୍ଲା କାର୍ଯ୍ୟାଳୟରେ ଶୁକ୍ରବାର ଏକ ଖବରଦାତା ସମ୍ମିଳନୀ ଅନୁଷ୍ଠିତ ହୋଇଥିଲା ।
ଉକ୍ତ ପ୍ରସଙ୍ଗକୁ ନେଇ ମନ୍ତ୍ରୀ ଅଶ୍ୱିନୀ ବୈଷ୍ଣବ ମନ୍ଦିରର ଉନ୍ନତି ପାଇଁ ଜମି ଦେବାକୁ ନିର୍ଦ୍ଦେଶ ଦେଇଥିଲେ । ଜିଲ୍ଲା ପ୍ରଶାସନ ମଧ୍ୟ ଏନେଇ ଜିଲ୍ଲା ବିଜେପି ନେତୃବୃନ୍ଦଙ୍କୁ ଜଣାଇବାରୁ ଦଳ ପୁନର୍ବାର ମନ୍ତ୍ରୀଙ୍କୁ ଜଣାଇଥିବା ଶିବ ପଟନାୟକ ପ୍ରକାଶ କରିଛନ୍ତି । ମନ୍ତ୍ରୀଙ୍କ ନିର୍ଦେଶ ପରେ ଜାନୁୟାରି ୧୯ ତାରିଖରେ ଚଇତି ମହୋତ୍ସବ ରେ ଯୋଗଦେବା ଅବସରରେ ୱାଲଟିୟର ଡିଭିଜନ ଡିଆରଏମ ଅନୁପ ଶତପଥୀ ୬.୩୦ ଏକର ଜମି ହସ୍ତାନ୍ତର ନେଇ ମଞ୍ଚରେ ଘୋଷଣା କରିଥିଲେ । ହେଲେ ବର୍ତମାନ ମନ୍ଦିରକୁ ଜମି ହସ୍ତାନ୍ତର ହେବା ପରେ ବିଜେଡ଼ି ମିଛି ପ୍ରଚାର କରୁଥିବା ଅଭିଯୋଗ କରିଛନ୍ତି ବସନ୍ତ ଉଲାକା ।
