୨୩ଜୁନ୍ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) କନ୍ଧମାଳ :- କନ୍ଧମାଳ ଜିଲା ପ୍ରଶାସନ ଏବଂ ଶିଶୁ ମଙ୍ଗଳ ସମିତିର ମିଳିତ ସହଯୋଗରେ ଫୁଲବାଣୀ ସ୍ଥିତ ଶିଶୁ ଯତ୍ନ ଅନୁଷ୍ଠାନ, ସାଧନ ଦ୍ୱାରା ଲାଳନ ପାଳନ ହୋଇଥିବା ଆନାଲିସାର ବିବାହ ରିଲାଏନ୍ସରେ ଆସିଷ୍ଟାଣ୍ଟ ମ୍ୟାନେଜର ଭାବେ କାର୍ଯ୍ୟକରୁଥିବା ରବି ସହିତ ସେହି ସାଧନ କେନ୍ଦ୍ର ପରିସରରେ ଅନୁଷ୍ଠିତ ହୋଇଯାଇଛି । ବିଜୁ ଶିଶୁ ସୁରକ୍ଷା ଯୋଜନାରେ ବିବାହ ସହାୟତା ପାଇଁ ଜିଲା ପ୍ରଶାସନ ତରଫରୁ ୫୦ ହଜାର ଟଙ୍କାର ଚେକ୍ ପ୍ରଦାନ କରାଯାଇଛି ।
ଆନାଲିସା ଗୋଟିଏ ଅନାଥ ଶିଶୁ ଯାହାକୁ ଜିଲା ସମାଜ ମଙ୍ଗଳ ଅଧିକାରୀ, କନ୍ଧମାଳ ଆଣିଏହି ଶିଶୁ ଯତ୍ନ ଅନୁଷ୍ଠାନ, ‘ସାଧନ’ରେ ଛାଡ଼ିଥିଲେ । ସେଠାରେ ଆନାଲିସା ଭଳି ଅନେକ ଅନାଥ ପିଲା ରହି ପାଠ ପଢ଼ୁଛନ୍ତି । ସାଧନର ଫାଦର ଓ ମଦର ସମେତ କର୍ମଚାରୀମାନେ ସେହି ପିଲାମାନଙ୍କର ନିଜ ବାପା ମା’ ଭଳି ଯତ୍ନ ନେଉଛନ୍ତି । ପାଠ ପଢ଼ି ବଡ଼ ହେବା ପରେ ବିଭିନ୍ନ ସଂସ୍ଥାରେ ନିଯୁକ୍ତି ହୋଇଥାନ୍ତି । 
କନ୍ଧମାଳ ଜିଲାପାଳ ଆଶିଷ ଇଶ୍ୱର ପାଟିଲ୍, ଅତିରିକ୍ତ ଜିଲାପାଳ ବସନ୍ତ କୁମାର ସାହୁ, ଜିଲା ଶିଶୁ ଶୁରକ୍ଷା ଅଧିକାରୀ ରଶ୍ମିତା କରନ୍, ଜିଲାସମାଜ ମଙ୍ଗଳ ଅଧିକାରୀ, ଡେପୁଟି କଲେକ୍ଟର ପ୍ରଭାତୀ ମହାରଣା ଓ ଅନୀତା ସାହୁ, ଶିଶୁ ମଙ୍ଗଳ ସମିତିର ର ଅଧ୍ୟକ୍ଷ ରଜତ ଦିଗାଲ, ସଭ୍ୟ ମମତା ଦାସ, ସଦାଶିବ ପାତ୍ର ଓ ପ୍ରସନ୍ନ ବିଶୋଇ ପ୍ରମୁଖ ଏହି ବିବାହରେ ଯୋଗଦେଇ ବର କନ୍ୟାଙ୍କୁ ଆର୍ଶିବାଦ କରିଥିଲେ।
