କଟକର ମଙ୍ଗଳା ଫୁଟବଲ ଟିମ ମହେଶ ଚନ୍ଦ୍ର ମେମୋରିଆଲ ଫୁଟବଲ ଟ୍ରଫି ଚମ୍ପିୟାନ

୧୮ଜୁନ୍ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) କଟକ :- କଟକ ସଦର ଥାନା ଅନ୍ତର୍ଗତ ବଡ଼ଝରିଲୋ ଗ୍ରାମର ଶିକ୍ଷାବିତ୍ ସ୍ୱର୍ଗତ ମହେଶ ଚନ୍ଦ୍ର ଦାସଙ୍କ ସ୍ମୃତି ଉଦ୍ଦେଶ୍ୟରେ , ଗତ ୧୧ ତାରିଖ ଠାରୁ ବଡ଼ଝରିଲୋ ଖେଳ ପଡ଼ିଆରେ ଆରମ୍ଭ ହୋଇଥିବା ୨ୟ ବାର୍ଷିକ ମହେଶ ଚନ୍ଦ୍ର ମେମୋରିଆଲ ଫୁଟବଲ ଟୁର୍ଣ୍ଣାମେଣ୍ଟ ରବିବାର ସନ୍ଧ୍ୟାରେ ଉଦଯାପିତ ହୋଇଛି । ଏହି ଟୁର୍ଣ୍ଣାମେଣ୍ଟରେ କଟକ, ଖୋର୍ଦ୍ଧା, ଜଗତସିଂହପୁର , ପୁରୀ ଆଦି ଅଞ୍ଚଳର ଆଠ ଗୋଟି ଖ୍ୟାତନାମା ଟିମ ଅଂଶ ଗ୍ରହଣ କରିଥିଲେ । ଆଜି ଅନୁଷ୍ଠିତ ଫାଇନାଲ ମ୍ୟାଚ କଟକ ଚୌଦ୍ୱାରର ଓଟିଏମ ଫୁଟବଲ ଟିମ୍ ବନାମ କଟକର ମଙ୍ଗଳା ଫୁଟବଲ ଟିମ ମଧ୍ୟରେ ଅନୁଷ୍ଠିତ ହୋଇଥିଲା ।

ମଙ୍ଗଳା ଟିମର ଖେଳାଳୀ ମାନେ ଓଟିଏମ ଟିମକୁ ୪-୦ ଗୋଲ ଦେଇ ମହେଶ ଚନ୍ଦ୍ର ମେମୋରିଆଲ ଚମ୍ପିୟାନ ଟ୍ରଫି ହାସଲ କରିଥିଲା ବେଳେ, ଓଟିଏମ ଟିମ ରନର୍ସ ହୋଇଥିଲା । ଏନେଇ ପୁରଷ୍କାର ବିତରଣୀ ଉତ୍ସବରେ ଶୁବୋଧ ପଟ୍ଟନାୟକଙ୍କ ଅଧ୍ୟକ୍ଷତା କରିଥିଲେ । ଏଥିରେ କଟକ ଜିଲ୍ଲା ଯୋଜନା ବୋର୍ଡର ଅଧ୍ୟକ୍ଷ ତଥା ନିଆଳୀ ବିଧାୟକ ପ୍ରଫେସର ଡ଼ାକ୍ତର ପ୍ରମୋଦ ମଲ୍ଲିକ ମୁଖ୍ୟ ଅତିଥି ଭାବେ ଯୋଗ ଦେଇ କହିଲେ ଯେ, ରାଜ୍ୟ ସରକାର କ୍ରୀଡାକୁ ବିଶେଷ ଗୁରୁତ୍ୱ ଦେଉଛନ୍ତି ।

ଯାହାଫଳରେ ଓଡିଶାରେ ଆୟୋଜିତ ବିଶ୍ୱ ହକୀ ମ୍ୟାଚ ପାଇଁ ଓଡିଆ ଏକ ନମ୍ବର ଭାବେ ବିଶ୍ୱରେ ସ୍ଥାନ ପାଇପାରିଛି ବୋଲି କହିଥିଲେ । ସ୍ଥାନୀୟ ସରପଞ୍ଚ, ସମିତି ସଭ୍ୟ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇ , ଚମ୍ପିୟାନ ମଙ୍ଗଳା ଫୁଟବଲ ଟିମକୁ ନଗଦ ଦଶହଜାର ଅର୍ଥ ରାଷି ସହିତ ଚମ୍ପିୟନ ଟ୍ରଫି ପ୍ରଦାନ କରିଥିଲା ବେଳେ, ରନର୍ସ ହୋଇ ଥିବା ଓଟିଏମ ଟିମକୁ ୫ ହଜାର ନଗଦ ଅର୍ଥ ସହିତ ରନର୍ସ ଟ୍ରଫି ପ୍ରଦାନ କରିଥିଲେ । ଚିତ୍ତରଞ୍ଜନ ଦାସ, ମାନସ ରଞ୍ଜନ ଦାସ, ବିଶ୍ୱରଞନ ଦାସ, ପ୍ରଭାତ ବେହେରା ପ୍ରମୁଖ ଖେଳ ପରିଚାଳନା କରିଥିଲେ ।