୧୫ଜୁନ୍ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) କେଉଁଝର :- ପବିତ୍ର ରଜ ପର୍ବ ଅବସରରେ ଓଡ଼ିଶା ମିଲେଟ ମିଶନ ଜୁନ ୧୫ ଓ ୧୬ ତାରିଖରେ କେଉଁଝର ଗାନ୍ଧି ଛକ ନିକଟରେ ଅବସ୍ଥିତ ସ୍ମାର୍ଟ ବଜାରରେ ସ୍ଥାନୀୟ ଲୋକଙ୍କ ପାଇଁ ଆୟୋଜନ କରିଛି ଏକ ମନ ମତାଣିଆ କାର୍ଯ୍ୟକ୍ରମ । ଓଡ଼଼ିଶାରେ ପାଳିତ ହେଉଥିବା ବିଭିନ୍ନ ପର୍ବପର୍ବାଣୀ ମଧ୍ୟରେ ଅତ୍ୟନ୍ତ ଲୋକପ୍ରିୟ ରଜ ତିନିଦିନ ଧରି ଆନନ୍ଦ ଉଲ୍ଲାସ ମଧ୍ୟରେ ପାଳିତ ହୁଏ । ଧରିତ୍ରୀ ମାତା ଏହି ସମୟରେ ପ୍ରଥମ ବର୍ଷାର ଜଳରେ ନିଜ ଶୋଷ ମେଣ୍ଟାଇବାପାଇଁ ପ୍ରସ୍ତୁତ ହେଉଥିବା ବେଳେ ଅବିବାହିତ ଝିଅ ମାନେ ବିବାହ ବନ୍ଧନରେ ବାନ୍ଧିହେବା ପାଇଁ ପ୍ରସ୍ତୁତ ହୁଅନ୍ତି । ରାଜ୍ୟ ସରକାରଙ୍କ ଅତ୍ୟନ୍ତ ମହତ୍ୱପୂର୍ଣ୍ଣ କାର୍ଯ୍ୟକ୍ରମ ଓଡ଼ିଶା ମିଲେଟ ମିଶନ ଜରିଆରେ ବିଭିନ୍ନ ଅଭିନବ ଓ ରୋମାଞ୍ଚକାରୀ ଆଭିମୁଖ୍ୟ ଗ୍ରହଣ କରି ମିଲେଟର ପ୍ରଚାର ପ୍ରସାର କରୁଛନ୍ତି ।
ଏହି କାର୍ଯ୍ୟକ୍ରମକୁ ଆହୁରି ବେଶୀ ଆକର୍ଷଣୀୟ କରିବାପାଇଁ ବିଭିନ୍ନ ପ୍ରତିଯୋଗୀତାକୁ ସ୍ଥାନିତ କରାଯାଇଛି । ପ୍ରତିଯୋଗୀ ମାନେ ଅତ୍ୟନ୍ତ ଉତ୍ସାହିତ ହୋଇ ଅଂଶ ଗ୍ରହଣ କରିଛନ୍ତିଏବଂ ବିଭିନ୍ନ ଗିଫ୍ଟ ଓ ପୁରସ୍କାର ଜିତିବାର ସୁଯୋଗ ପାଇଛନ୍ତି । ଓଡ଼ିଶା ସରକାରଙ୍କ ଦ୍ୱାରା ଆଞ୍ଚଳିକ ସ୍ତରରେ ଆୟୋଜିତ କାର୍ଯ୍ୟକ୍ରମ ଦର୍ଶକଙ୍କ ଦୃଷ୍ଟି ଆକର୍ଷଣ କରିବା ସହ ଏହା ରାଜ୍ୟର ଅର୍ଥନୈତିକ ସୂଚକାଙ୍କ ଉପରେ ଯଥେଷ୍ଟ ଅଧିକ ପ୍ରଭାବ ପକାଇବ ।
