-
ସର୍ବନିମ୍ନ କାଗଜପତ୍ର ସହିତ ଦାବି ଫଇସଲା ପ୍ରକ୍ରିୟାର ସରଳୀକର
-
ସର୍ବାଧିକ ଅଗ୍ରାଧିକାର ସହ ଯଥା ସମ୍ଭବ ଶୀଘ୍ର ଦାବିର ଫଇସଲା କରାଯିବ
୭ ଜୁନ୍ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :– ଅନ୍ୟତମ ଘରୋଇ ଜୀବନ ବୀମା ପ୍ରଦାନକାରୀ ବଜାଜ ଆଲିଆଂଜ୍ ଲାଇଫ୍ ଇନ୍ସ୍ୟୁରାନ୍ସ ଓଡ଼ିଶାରେ ମର୍ମନ୍ତୁଦ ଟ୍ରେନ୍
ଦୁର୍ଘଟଣାରେ ପ୍ରଭାବିତ ଲୋକମାନଙ୍କ ସହିତ ଏକଜୁଟ ହୋଇ ଠିଆ ହୋଇଛି । ଏହି ଦୁର୍ଭାଗ୍ୟଜନକ ଘଟଣା ପ୍ରତି ପ୍ରତିକ୍ରିୟା ସ୍ୱରୂପ ଏହି ବିପର୍ଯ୍ୟୟରେ ପ୍ରଭାବିତ ହୋଇଥିବା ପଲିସିଧାରକମାନଙ୍କ ଆବଶ୍ୟକତା ପୂରଣ କରିବା ଲାଗି କଂପାନି ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କାର୍ଯ୍ୟକାରୀ କରାଯାଇଛି । ଏହି କଠିନ ସମୟରେ ପ୍ରଭାବିତ ପଲିସିଧାରକମାନେ ସାମ୍ନା କରୁଥିବା ବ୍ୟାପକ ଆହ୍ୱାନକୁ ଭଲ ଭାବେ ବୁଝି ପାରି ବଜାଜ ଆଲିଆଞ୍ଜ୍ ଲାଇଫ୍ ଇନ୍ସ୍ୟୁରାନ୍ସ ପକ୍ଷରୁ ଏହି ଘଟଣାରେ ପ୍ରଭାବିତ ହୋଇଥିବା ଗ୍ରାହକମାନଙ୍କ ମୃତ୍ୟୁକାଳୀନ ଓ ଦିବ୍ୟାଂଗ ଦାବିର ପ୍ରକ୍ରିୟାକରଣକୁ ପ୍ରାଥମିକତା ପ୍ରଦାନ କରିବା
ଲାଗି ଏକ ଉତ୍ସର୍ଗୀକୃତ ଅଭିଯାନ ଗ୍ରହଣ କରାଯାଇଛି । ସର୍ବାଧିକ ଜରୁରୀ ସହିତ ଏହି ପଲିସି ଦାବିଗୁଡ଼ିକର ଶୀଘ୍ର ଫଇସଲା କରିବା ଲାଗି ଏକ ତ୍ୱରିତ ପ୍ରକ୍ର୍ରିୟା ସ୍ଥାପନ କରାଯାଉଛି । ପ୍ରକ୍ରିୟାର ସରଳୀକରଣ ଲାଗି ବଜାଜ ଆଲିଆଞ୍ଜ ଲାଇଫ୍ ଇନ୍ସ୍ୟୁରାନ୍ସ ପକ୍ଷରୁ ସର୍ବନିମ୍ନ କାଗଜପତ୍ରର ତାଲିକା ଜାରି କରାଯାଇଛି ଯାହାକୁ ନୋମିନି, ଆଇନଗତ ଉତରାଧିକାରୀ କିମ୍ବା ପଲିସିଧାରକମାନଙ୍କୁ ନିମ୍ନ ଲିଖିତ ଯେକୌଣସି ସୁବିଧାଜନକ ମାଧ୍ୟମରେ ସେମାନଙ୍କ ଦାବିର ପ୍ରକ୍ର୍ରି୍ରୟାକରଣ ଲାଗି ଦାଖଲ କରିପାରିବେ :-
1. କଂପାନିର ଦେୟମୁକ୍ତ ନମ୍ବର ୧୮୦୦୨୦୯୭୨୭୨ରେ କଲ୍ କରନ୍ତୁ
2. ସାରା ଦେଶରେ ଥିବା ଆମ ୫୧୦ରୁ ଅଧିକ ଶାଖା ମଧ୍ୟରୁ ନିକଟତମ କୌଣସି ଏକ ଶାଖା ପରିଦର୍ଶନ କରନ୍ତୁ
3. claimsscanning@bajajallianz.co.inରେ ଇ-ମେଲ୍ କରନ୍ତୁ
ସଂପୃକ୍ତ ଅଧିକାରୀଙ୍କ ଠାରୁ ମୃତକଙ୍କ ତାଲିକା ହାସଲ କରିବା ଲାଗି କଂପାନି ଉଦ୍ୟମ କରୁଛି ଏବଂ ପ୍ରଭାବିତ ପରିବାରମାନଙ୍କ ପାଖରେ ପ୍ରତ୍ୟକ୍ଷ ଭାବେ ପହଂଚିବା ପାଇଁ ଅତିରିକ୍ତ ଉଦ୍ୟମ କରିବ ।
