୫ ଜୁନ୍ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) କଳାହାଣ୍ଡି :- କଳାହାଣ୍ଡି ବିଶ୍ୱ ବିଦ୍ୟାଳୟ ଭବାନୀପାଟଣା, ମାଣିକ୍ୟ ବିହାର ପରିସରରେ ବିଶ୍ୱ ପରିବେଶ ଦିବସ ଅବସରରେ କବି ରାଜେଶ ଦାଶଙ୍କ ବ୍ୟଙ୍ଗ କବିତା ସଂକଳନ “ଜଷ୍ଟ ଗୁଟେ”ଲୋକାର୍ପିତ ହୋଇଯାଇଛି | ମାନନୀୟ କୁଳପତି କର୍ନେଲ ପ୍ରଫେସର ସଞ୍ଜୟ କୁମାର ଶତପଥୀ ମୁଖ୍ୟ ଅତିଥି ଭାବେ ମଂଚାସୀନ ହୋଇ “ବାହ୍ୟ ପରିବେଶ ସହ ଅନ୍ତଃପରିବେଶ ମଧ୍ୟ ସୁସ୍ଥ ରହିବା ଆବଶ୍ୟକ’ବୋଲି ମତବ୍ୟକ୍ତ କରିଥିଲେ | ମହାବୀର ସାଂସ୍କୃତିକ ଅନୁଷ୍ଠାନର ସଭାପତି ଜୟନ୍ତ କୁମାର ବେହେରା, କଳାହାଣ୍ଡି ଲେଖକ କଳା ପରିଷଦର ସଭାପତି ଉମେଶ ଚନ୍ଦ୍ର ପଣ୍ଡା, ନାଟ୍ୟକାର ଡ. ଉମେଶ ଚନ୍ଦ୍ର ଶତପଥୀ, 
ସୋହନଲାଲ ଅଗ୍ରୱାଲ, ସୁଦେଷ୍ଣ| ପଣ୍ଡା, ଆନନ୍ଦିନୀ ପାତ୍ର, ଟିନା ଶାସିନୀ, ସନ୍ତୋଷ ରଥ ଓ କମ୍ଭୁପାଣି ବାଗ ହାସ୍ୟ-ବ୍ୟଙ୍ଗ କବିତା ଆବୃତ୍ତି କରିଥିଲେ | ବିନା ମୁଣ୍ଡ ମଞ୍ଚ ସଂଯୋଜନା କରିଥିବାବେଳେ ଗୁଡ୍ଡୀ ତ୍ରିପାଠୀ, ରିଷିତା ଦାଶ, ରିଷି ଦାଶ, ସୌରଭ ମହାପାତ୍ର, ଅମିୟ ସାହୁ ପ୍ରମୁଖ ସହଯୋଗ କରିଥିଲେ | ଆଦିତ୍ୟ ମିଶ୍ର ଧନ୍ୟବାଦ ଅର୍ପଣ କରିଥିଲେ | ମାଟିହାଣ୍ଡିରେ ପଖାଳ ଭୋଜନ ଜଷ୍ଟ ଟିକେ କାର୍ଯ୍ୟକ୍ରମର ବିଶେଷତା ଥିଲା | ଏଥିରେ ଜିଲ୍ଲାର ବିଭିନ୍ନ ବର୍ଗରୁ ବହୁ ସାରସ୍ୱତ ପ୍ରେମୀ ଯୋଗ ଦେଇଥିଲେ |
