୧୧ ରୁ ଆରମ୍ଭ ହେବ ମହେଶ ଚନ୍ଦ୍ର ମେମୋରିଆଲ ଫୁଟବଲ ଟୁର୍ଣ୍ଣାମେଣ୍ଟ

୪ ଜୁନ୍ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) କଟକ :- କଟକ ସଦର ଥାନା ଅନ୍ତର୍ଗତ ବଡ଼ଝରିଲୋ ଗ୍ରାମର ଶିକ୍ଷାବିତ୍ ସ୍ୱର୍ଗତ ମହେଶ ଚନ୍ଦ୍ର ଦାସଙ୍କ ସ୍ମୃତି ଉଦ୍ଦେଶ୍ୟରେ , ଆସନ୍ତା ୧୧ ତାରିଖ ଠାରୁ ବଡ଼ଝରିଲୋ ଖେଳ ପଡ଼ିଆରେ ଆରମ୍ଭ ହେବାକୁ ଯାଉଛି ୨ୟ ବାର୍ଷିକ ମହେଶ ଚନ୍ଦ୍ର ମେମୋରିଆଲ ଫୁଟବଲ ଟୁର୍ଣ୍ଣାମେଣ୍ଟ । ଏହି ଟୁର୍ଣ୍ଣାମେଣ୍ଟରେ କଟକ, ଖୋର୍ଦ୍ଧା, ଜଗତସିଂହପୁର , ଭୁବନେଶ୍ୱର ଆଦି ଅଞ୍ଚଳର ଆଠ ଗୋଟି ଖ୍ୟାତନାମା ଟିମ ଅଂଶ ଗ୍ରହଣ କରିବେ ।ଏନେଇ ଆଜି ଏକ ସାମ୍ବାଦିକ ସମ୍ମିଳନୀ ଶୁବୋଧ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଏଥିରେ ଚିତ୍ତରଞ୍ଜନ ଦାସ, ମାନସ ରଞ୍ଜନ ଦାସ, ବିଶ୍ୱରଞନ ଦାସ, ପ୍ରଭାତ ବେହେରା, ଉମାକାନ୍ତ କର,ପୂର୍ଣ୍ଣ ଚନ୍ଦ୍ର ମହାପାତ୍ର ,ରବିନାରାୟଣ ଦାସ, ପ୍ରମୁଖ ଯୋଗ ଦେଇଥିଲେ କହିଲେ ଯେ, ସ୍ୱର୍ଗତ ମହେଶ ଚନ୍ଦ୍ର ଦାସ ଜଣେ ଶିକ୍ଷକ ଥିଲେ ।ତାଙ୍କର ଫୁଟବଲ ଖେଳପ୍ରତି ଦୁର୍ବଳତା ଥିଲା । ତାଙ୍କ ସ୍ମୃତି ଉଦ୍ଦେଶ୍ୟରେ ତାଙ୍କର ତିନି ପୁଅ ବାପାଙ୍କର ଅଧୁରା ସ୍ୱପ୍ନକୁ ସାକାର କରିବା ପାଇଁ ଏହି ଫୁଟୁ ଟୁର୍ଣ୍ଣାମେଣ୍ଟକୁ ଆୟୋଜନ କରିଛନ୍ତି । ଏହାକୁ ଆଗାମୀ ଦିନରେ ବ୍ଲକ ଏବଂ ଜିଲ୍ଲା ସ୍ତରରେ ଆୟୋଜନ କରାଯିବାର ଲକ୍ଷ ରହିଛି ବୋଲି ପୁଅ ଚତ୍ତ ରଞ୍ଜନ ଦାସ ସୂଚନା ଦେଇଥିଲେ ।