ସଂପ୍ରତି ମଣିଷ ମନରେ ବ୍ୟାପକତାର ଘୋର ଅଭାବ ପରିଲିକ୍ଷିତ ହେଉଥିବା ବେଳେ ପ୍ରାୟ ସମସ୍ତଙ୍କୁ ସଂକୀର୍ଣ୍ଣତା ଗ୍ରାସ କରିନେଇଛି । ସେଥିପାଇଁ ତ ଅନେକାଂଶରେ ଚିତ୍ର ଓ ଚରିତ୍ର ଭିତରେ ଯୋଜନ ଯୋଜନ ର ପାର୍ଥକ୍ଯ ଅନୁଭବ ହେଉଛି । ଆମ ସମାଜରେ ଦିନୁଦିନ ଆଡ଼ମ୍ବର ସହକାରେ ସାବିତ୍ରୀ ବ୍ରତ ପାଳନ ହେଉଛି । କିନ୍ତୁ ଏହା ଭିତରର ସାରଗର୍ଭକ ତତ୍ୱକୁ ଆହରଣ କରିବାରେ କିଏ କେତେ ସମର୍ଥ ହେଉଛନ୍ତି ତାହା ଠିକରେ କହି ହେବ ନାହିଁ । ଅପରପକ୍ଷେ ପ୍ରକ୍ରୁତ ତତ୍ୱକୁ ଜାଣିବାରେ କେତେ ଜଣ ଚେଷ୍ଟିତ ଅଛନ୍ତି କି ନାହିଁ, ତାହା ବି ସନ୍ଦେହ ଘେରରେ । 
