୧୬ ମଇ ,୨୦୨୩ (ଓଡ଼ିଶା ତାଜାନ୍ୟୁଜ ) ଭୁବନେଶ୍ୱର :- ନିକଟରେ ଶାନ୍ତି ମେମୋରିଆଲ ହସ୍ପିଟାଲରେ ଜଣେ ରୋଗୀଙ୍କଠାରେ ଏକାସଙ୍ଗେ ଲାପାରୋସ୍କୋପି ଓ ଏଣ୍ଡୋସ୍କୋପିର ସମ୍ମିଶ୍ରଣ କରାଯାଇ ଏଲ୍ଇସିଏସ୍ ନାମକ ଏକ ବିରଳ ଅସ୍ତ୍ରୋପଚାର ସଫଳତାର ସହ କରାଯାଇଛି । ବାରମ୍ବାର ବାନ୍ତି ଓ ଯନ୍ତ୍ରଣାରେ ପୀଡିତ ଜଣେ ୫୮ ବର୍ଷୀୟ ପୁରୁଷ ରୋଗୀଙ୍କୁ କିଛି ଦିନ ତଳେ ଶାନ୍ତି ମେମୋରିଆଲ ହସ୍ପିଟାଲରେ ଭର୍ତି କରାଯାଇଥିଲା । ତାଙ୍କର ଏକ ଅପର୍ ଜିଆଇ ଏଣ୍ଡୋସ୍କୋପି କରାଯାଇଥିଲା ଏବଂ ଏଥିରେ ଡୁଓଡେନମ୍ରେ ଏକ ପଲିପ୍ ଥିବା ଚିହ୍ନଟ ହୋଇଥିଲା ।
ରିପୋର୍ଟ ଏକ ନ୍ୟୁରୋ-ଏଣ୍ଡୋକ୍ରାଇନ୍ ଟ୍ୟୁମର୍ (ଏନ୍ଇଟି) ହୋଇଥିବା ସ୍ପଷ୍ଟ କରିଥିଲା ଯାହାର ଶରୀରକୁ କ୍ଷତି ପହଂଚାଇବାର ଉଚ୍ଚ ସମ୍ଭାବନା ରହିଥିଲା । ରୋଗୀଙ୍କଠାରେ ଏଣ୍ଡୋସ୍କୋପିଷ୍ଟ ଡଃ ଗୌତମ ନାଥ ଓ ଲ୍ୟାପ୍ ସର୍ଜନ୍ ଡଃ ଶ୍ରୀଜୟ ପଟ୍ଟନାୟକଙ୍କ ଏକ ଟିମ୍ ଏଲ୍ଇସିଏସ୍ର ପରିଚାଳନା କରିଥିଲେ ଏବଂ ଅସ୍ତ୍ରୋପଚାର ପଦ୍ଧତି ଖୁବ୍ କମ୍ ରକ୍ତ କ୍ଷୟ ସହିତ ସଫଳତାର ସହ ଶେଷ ହୋଇଥିଲା । ରୋଗୀଙ୍କୁ ୪୮ ଘଂଟା ପରେ ଡିସ୍ଚାର୍ଜ କରାଯାଇଛି ।
ସେହିପରି ଡଃ ଗୌତମ ନାଥ କହିଛନ୍ତି, ‘ପ୍ରାୟତଃ ସମସ୍ତ ମାମଲାରେ ଟ୍ୟୁମରଗୁଡିକୁ ସମ୍ପୂର୍ଣ୍ଣ ରୂପେ କାଟି ଦିଆଯାଇଥାଏ ଏବଂ ସମସ୍ତ ରିସେକ୍ଟେଡ୍ ନମୂନାଗୁଡିକରେ ସଠିକ୍ ନିଦାନ ସମ୍ଭବ ହୋଇଥାଏ । ଏହାଛଡା ଯଦି ଏହାକୁ କେବଳ ଏଣ୍ଡୋସ୍କୋପି କିମ୍ବା ଲାପାରାସ୍କୋପି ସହିତ କରାଯାଏ ତେବେ ତାହା ତୁଳନାରେ ଏହା ଏକ ସୁରକ୍ଷିତ ପଦ୍ଧତି ଅଟେ ।’
