୧୩ ମଇ ,୨୦୨୩ (ଓଡ଼ିଶା ତାଜାନ୍ୟୁଜ ) ହିଞ୍ଜିଳିକାଟୁ :- କୃଷି ଓ କୃଷକଙ୍କ ଆର୍ଥିକ ବିକାଶ ଦିଗରେ ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତିକରଣ ବିଭାଗ ପକ୍ଷରୁ ବହୁ କୃଷି ଭିତ୍ତିକ କଲ୍ୟାଣକାରୀ ଯୋଜନା କାର୍ଯ୍ୟକାରୀ କରାଯାଇଛି।ରାଜ୍ୟ ମୁଖ୍ୟମନ୍ତ୍ରୀ ପ୍ରାଥମିକ କୃଷି ସମବାୟ ସମିତି ଜରିଆରେ କୃଷି ଋଣ, ଧାନବିହନ ଓ ସାର ରିହାତି ମୂଲ୍ୟରେ ଯୋଗାଇ ଦେବା ପାଇଁ ବିଭାଗୀୟ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦେଇଛନ୍ତି । କିନ୍ତୁ ନିର୍ଦ୍ଦେଶକୁ ଅଣଦେଖା ଓ ଟାଳଟୁଳ ନୀତି ଯୋଗୁଁ ସ୍ଥାନୀୟ ପୋୖରାଞ୍ଚଳ ସ୍ଥିତ ହିଞ୍ଜିଳି ସେବା ସମବାୟ ସମିତିରେ ପ୍ରାୟ ୫ବର୍ଷ ଧରି ବହୁ ସଂଖ୍ୟକ ଚାଷୀ ଧାନ ବିହନ ଓ ୟୁରିଆ ସାର ଚାଷୀ ପାଇବାରୁ ବଞ୍ଚିତ ହୋଇଥିବା ଜଣାପଡିଛି।ସମିତି ସଭାପତି ସରୋଜ କୁମାର ପଣ୍ଡା ଓ ନିର୍ଦ୍ଦେଶକ ପବିତ୍ର ମୋହନ ପାଣିଗ୍ରାହୀଙ୍କ ସମେତ ସ୍ଥାନୀୟ ନେତୃମଣ୍ଡଳୀ ଚାଷୀକୁଳଙ୍କ ବୃହତ ସ୍ୱାର୍ଥକୁ ଗୁରୁତ୍ୱ ଦେଇଛନ୍ତି । 
ପରେ ଅତିଥି ମାନେ ଚାଷୀ ଅମରେଶ ପ୍ରସାଦ ପାଢ଼ୀ ଓ ଉମାଶଙ୍କର ଗୌଡ଼ଙ୍କୁ ଧାନ ବିହନ ବିକ୍ରି ଶୁଭାରମ୍ଭ କରି ଉତ୍ସାହିତ କରିଥିଲେ । ଅନ୍ୟ ମାନଙ୍କ ପୋୖରାଧ୍ୟକ୍ଷ ସୁବାସ ପୋଲେଇ,ବିଜେଡ଼ି ରାଜ୍ୟ ସାଧାରଣ ସମ୍ପାଦକ ଦେବାନନ୍ଦ ମହାପାତ୍ର, ଓଡ଼ିଶା ମୋ ପରିବାର ରାଜ୍ୟ ସମ୍ପାଦକ ନୀଳମଣି ପଟ୍ଟନାୟକ, ପାରିଷଦ ପ୍ରତିନିଧି ରୋହିତ ବିଷୋୟୀ ପ୍ରମୁଖ ଉପସ୍ଥିତ ଥିଲେ । ମନୋଜ କୁମାର ଡାକୁଆ ଓ ନିର୍ମଳ କୁମାର ଡାକୁଆ କାର୍ଯ୍ୟକ୍ରମକୁ ପରିଚାଳନା କରିଥିଲେ । ଦୀର୍ଘ ଦିନ ପରେ ୨ ଚାଷୀ ସମିତିରେ ଉପଲବ୍ଧ ଧାନ ବିହନ କିଣି ସରକାରୀ ଯୋଜନାରୁ ଉପକୃତ ହୋଇଥିବା ଜଣାପଡିଛି ।
