ନୟାଗଡ ୨୦୨୪ ନିର୍ବାଚନରେ ବିଧାୟକ ଅରୁଣଙ୍କ ଏକ ପାଖିଆ ବିଜୟର ଅୟମାରମ୍ଭ ହେଲା

ବିଜୁ ଜନତା ଦଳ ମିଶ୍ରଣ ପର୍ବ ଇଟାମାଟି ପଞ୍ଚାୟତର ୨୦ ବିଜେପି କର୍ମୀ ବିଜେଡିରେ

ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ ନୟାଗଡ଼ ବ୍ଲକର ଇଟାମାଟି ପଞ୍ଚାୟତର ଡେଙ୍ଗେରାଗୋଡି ଗ୍ରାମର ବିରୋଧୀଦଳର ୱାର୍ଡ ମେମ୍ବର ଅଜୟ କୁମାର ପରିଡ଼ା ଏବଂ ତାଙ୍କର ସମର୍ଥକମାନଙ୍କ ସହିତ ଇଟାମାଟି ଗ୍ରାମର ବିରୋଧୀଦଳର ଆଗଧାଡ଼ିର ନେତାମାନେ ବିଜୁ ଜନତା ଦଳରେ ଯୋଗ ଦେଲେ ।

ନୟାଗଡ଼ ନିର୍ବାଚନ ମଣ୍ଡଳୀରେ ବିଧାୟକ ଡ. ଅରୁଣ କୁମାର ସାହୁଙ୍କ ସାଂଗଠନିକ ଦକ୍ଷତା ଆଗରେ ବିରୋଧି ଶକ୍ତିହୀନ ହେଉଛନ୍ତି ।

୧୧ମଇ ବୁଧବାର,୨୦୨୩ (ଓଡ଼ିଶା ତାଜାନ୍ୟୁଜ ) ନୟାଗଡ଼ :- ବିଜୁ ଜନତା ଦଳର ନୀତି ଓ ଆଦର୍ଶ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲୋକପ୍ରିୟତା, ନୟାଗଡ଼ ନିର୍ବାଚନ ମଣ୍ଡଳୀରେ ବିଧାୟକ ଡ. ଅରୁଣ କୁମାର ସାହୁଙ୍କ ସାଂଗଠନିକ ଦକ୍ଷତା ଆଗରେ ବିରୋଧି ଶକ୍ତିହୀନ ହେଉଛନ୍ତି । ବିରୋଧି ଦଳର ନେତୃତ୍ୱ ନେଉଥିବା ବ୍ୟକ୍ତି ଦିନକୁ ଦିନ ଦୁର୍ବଳ ହେଉଛନ୍ତି । କିଛିଦିନ ତଳେ ନୟାଗଡ଼ ଓଡ଼ଗାଁ ବ୍ଲକର ୪୫ ପରିବାର ଝାରସୁଗୁଡ଼ା ଯାଇ ବିଜୁ ଜନତା ଦଳରେ ସାମିଲ ହେଉଥିବା ବେଳେ ଆଜି ନୟାଗଡ଼ ବ୍ଲକ ଇଟାମାଟି ପଞ୍ଚାୟତର ୨୦ ଜଣ ବିଜେପି କର୍ମୀ ବିଜେଡିରେ ସାମିଲ ହୋଇଛନ୍ତି । ନୟାଗଡ଼ ବିଧାୟକ ଡ. ଅରୁଣ କୁମାର ସାହୁଙ୍କ ଉପରେ ଅସ୍ଥାପ୍ରକଟ କରି ସେମାନେ ଦଳରେ ସାମିଲ ହୋଇଥିବା ବେଳେ ବିଜେପିରେ ଚାଲିଥିବା ଅନ୍ତଃକନ୍ଦଳ ସେମାନଙ୍କୁ ଦଳ ଛାଡ଼ିବାକୁ ବାଧ୍ୟ କରିଥିବା କହିଛନ୍ତି । ନୟାଗଡ଼ ବିଜେପିରେ ଇରାନୀ ଗୋଷ୍ଠୀ ଦିନକୁ ଦିନ ଦୁର୍ବଳ ହେଉଥିବା ଏବଂ ଇରାନୀଙ୍କ ସଂଗଠନ ମଧ୍ୟ ଦୁର୍ବଳ ହେଉଥିବା ଦେଖାଯାଇଛି ।ପ୍ରତ୍ୟୁଷା ବିଜେପି ଟିକେଟ ପାଇବେ ବୋଲି ପ୍ରଚାର କରି ଅନ୍ୟ ଆଶାରେ ରହୁଥିବାରୁ ତାଙ୍କ ଉପରେ ଭରସା ନଥିବା ବିଜେପି କର୍ମୀମାନେ କହିଛନ୍ତି । ନୟାଗଡ଼ର ବିକାଶ ଓ ଉନ୍ନତୀକୁ ଜୀବନର ମନ୍ତ୍ର କରିଥିବା ବିଧାୟକ ଡ. ସାହୁଙ୍କ ସହ ରହି କାମ କରିବେ ବୋଲି ସେମାନେ କହିଛନ୍ତି । ବିଜେପି ଛାଡ଼ି ଇଟାମାଟି ପଞ୍ଚାୟତ ୧୮ ନମ୍ବର ୱାର୍ଡ଼ ମେମ୍ବର ଅଜୟ କୁମାର ପରିଡ଼ା, ଯୁବମୋର୍ଚ୍ଚାର ଦାଶରଥି ଖଟେଇ, କେଦାର ଖଟେଇ, ଆଲୋକ ଖଟେଇ, ଅଧିକାରୀ ପରିଡ଼ା, ଜିତେନ୍ଦ୍ର କୁମାର ପରିଡ଼ା, ରଜତ କୁମାର ରାଉତ, ଦିଲ୍ଲୀପ କୁମାର ପରିଡ଼ା, ସଦାଶିବ ପରିଡ଼ା, ଦିନେଶ ବରାଡ଼, ବିନୋଦିଆ ପରିଡ଼ା, ଚିଣ୍ଟୁ ପରିଡ଼ା,ଲିକୁନି ରାଉତ, ସିଲୁ ପରିଡ଼ା, ଗୁଲୁବାସ ପରିଡ଼ା, ପୂର୍ଣ୍ଣଚନ୍ଦ୍ର ପରିଡ଼ା, ଆଲୋକ ପରିଡ଼ା, ଆନନ୍ଦ ପରିଡ଼ା, ଦିଲ୍ଲୀପ ପ୍ରଧାନ, ଦେବପ୍ରସାଦ ବେହେରା ବିଜୁ ଜନତା ଦଳରେ ସାମୋଲ ହୋଇଛନ୍ତି । ନୟାଗଡ଼ ବିଜୁ ଜନତା ଦଳ କାର୍ଯ୍ୟାଳୟଠାରେ ଅନୁଷ୍ଠିତ କାର୍ଯ୍ୟକ୍ରମରେ ନୟାଗଡ଼ ବିଧାୟକ ଡ. ସାହୁ ତାଙ୍କୁ ଦଳୀୟ ଉତ୍ତରୀୟ ପ୍ରଦାନ କରି ଦଳକୁ ସ୍ୱାଗତ କରିଛନ୍ତି । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ , ବ୍ଲକ ଅଧ୍ୟକ୍ଷ କିଶୋର ଚନ୍ଦ୍ର ସାହୁ, ଜିଲ୍ଲା ପରିଷଦ ସଦସ୍ୟ କ୍ଷୀରୋଦ ମହାପାତ୍ର, ସୁବାଷ ଚନ୍ଦ୍ର କହଁର, ଆଶିଷ ଅଗ୍ରୱାଲ, ସରୋଜ ରଣସିଂ, ବ୍ଲକ ଉପାଧ୍ୟକ୍ଷା ଲକ୍ଷ୍ମୀପ୍ରିୟା ସାହୁ, ବ୍ଲକ ବିଜେଡି ସଭାପତି ଅଜିତ ପ୍ରସାଦ ସାହୁ, ନିର୍ବାଚନ ମଣ୍ଡଳୀ ବିଜେଡି ସଭାପତି ଗଙ୍ଗାଧର ପଣ୍ଡା, ଶ୍ରବଣ ରାମ, ଭାଗୀରଥି ବାଇ ପ୍ରମୂଖ ଉପସ୍ଥିତ ରହିଥିଲେ ।